مبروووووووووك لكل عرايس 2012
أنا عرسي كان محدد بتارخ 30-8-2012
تأجل لبعد هالتاريخ بإسبوعين 13-9-2012
الف مبروك حبيبتي وكل تأخيره وفيها خيره ان شاءالله
ليومكم هذآ مب عآرفة بشنو أبدا بس شريت قمصان نوم
حبيبتي اول شي خلصي البجايم والقمصان والملابس الداخليه والسليبرات
وبعدين ابدي بلبس الشقه من جنزات وتنانير ولقنز وهيلاهوبات وتيشيرتات وبلايز
ابدي بالبدل والدراريع والعبي والملافع وبعدين الجناط والجواتي والصنادل وحتى شحاطات البيت
وبعدين العطور والبخور والميك اب والتناتيف اللي ماتخلص والكماشات والاكسسوارات
ومو عارفة العطور من وين أشتريها شنهي أفضل ماركة للعرايس ؟؟
روحي لـ دبنهامز واخذي كل عطورج منه واحلى عطر للعروس اول ليلة كوكوشانيل اخذي المجموعه كامله لوشن وسبريه وعطر وعطر لشعر
ونفنوف العرس وااااااااااايد محتارة فيه
عندج زهراء القاسم + شروق سالمين يهبلووون
أبيكم تسااااااااااعدوني أنا بنت ضعييييييييييييييييييييييفة وزني 43 وطولي 154
كيف أختار نفنوف العرس أسوي شى عاري من الكتف ولا حمال ولآ الأحسن أغطي أكتافي وأختار بس كم قصيير ؟؟؟
بعضهم قالوا لي مب حلو عليج فستان مسكة الصدر لأن عظام كتافي راح تبرز 
حيرووووني وشئ ثاني بعد أنا خاطري يكون نفنوفي نفس ستايل السمكة ضييييييق من الخصر والفخذ وبعدها نافش وذيل
شرأيكم يناسبني هالستايل وأنا بوزن 43 ؟؟ أتوقع لحد العرس بضعف واااايد والشئ مو بإيدي أبدااا
