احلى تجمع لأمهات مواليد فبراير 2012 يااافديتهم والله

[أمـ مبارك]

أهلا

عني انا تمام الحممدلله


الله يشافي وليدج يارب


الجوو خدااع وانا بعد مريض

 

[مشتطـه]

دوم تمام حبيبتي

 

[زين ودلال]

هلوووو


سلامااااات ماتشوفون شر يارب

 

[زين ودلال]

ما شاء الله مابقى شي بإذن الله ويكملون عيالنا السنه

عسى ربي يحفظهم ويطرح فيهم البركه يااارب

 

[قلبي خالد]

امييين
يارب

 

[اجمل الذكريات]

السلام عليكم شلووونكم شخباااركم
ادري اني مغبره بس شنو اسوي لاهيه مع اليهال والمدارس وماعندي خدامه وعبوي مريض
انتوا شلوووون عيالكم

 

[مس ^_^ تكانه]

مرحباااا يااحلى تجمع لبى قلوبكم

شلونكم وشلون عيالكم؟؟

سبحان الله الايام تركض

انا بنوتي طلعلها سنين تحت وفوق اثنين ومفكره اسويلها عيد ميلاد فرحتي واول سنه الله يخليها

 

[بابريكا]

بنات شلونكم و شخباركم
انا ولدي حبيبي ذبحته الكحه .. اعطيه كمام يصير زين جم يوم تالي ترد عليه مادري شسوي فيه .. عاد مو من زود البرد

و آنا ذابحتني النساة .. استغفر الله .. ودي اكت نون على ولدي بس عيزانه أطلع و أجهز الأغراض .. و عيد ميلاده بيبله كيكه بيت أهلي و كيكه عند حمولتي يمكن أحط عليها صورته أو شي جذي ليلحين ما قررت
اهوه توه صغير ما يفهم .. بس جذي بودي الكيك

 

[بنت المها]

اللي ولده فيه تنك او بلغم و يكحكح الحل بزيت السمسم
والله جرت علي حاله ولدي صدره متنك ويخرخش اذاني حيل ومايبي كمام يعفر فيني
ماكان ينام من الكحه قالت لي عمتي حطي له بالابره مال الدوا زيت السمسم وخل يشربه و سخنت زيت السمسم بالنار و دهنته صدره ورقبته ودفيته وشربته من اول مره فرق علي
ثاني مره شربته ورجع البلغم كله
والله حيل ارتحت
نصيحه نصيحه جربوه منتو خسرانين وانا شريته من الجمعيه

 

[بيادر أمل]

‏​‏​​ •• آلسَـِْ♡̨̐ـِْلامَ علـِْ♡̨̐ـِْيگمَ •• 
ڜڵـۆڼـكمـ حبوباتي

 

[بيادر أمل]

حدي مغبرة ما ادري عنكم م̷ـــِْט زمان
تلاهيت بالمدرسة والدروس الريادية والورش
وعصابتي حدهم لويه وازعاج
عِنـ.̷̷̸̷̐ـديّ وهيب بدا يخطي اتركه شوي يجين خطوتين ثلاث الا وهو طايح
ماشاء الله الايااام تمر بسرعه مثل هالايام العام الثقل كان مزعجنا اْلّحَمْدِاللَّـَـَـَـْـْہ ع كل حاال
عن نفسي ولدي ما ادري مِِـتــ ؟؟! ـى اسوي له حفلة لٍَّـٍّۄۅۆۇۈۉۊۋلٌِْ يمكن وهو الاكيد بَعَــ♡ـدْ اربع سنين

 

[بنت المها]

اهلييين بيدور
ولهنا عليييج
يعطييج العافيه

انا ولدي ليلحين ما مشى ولا خطى بس يتقضب بالطاوله ويلف حولها
الله يعينا على حوستهم
انا اذا مشى بكت عليه نون عند حمولتي واهلي ورفيجاتي ماني مسويه له حفله

 

[أمـ مبارك]

بابريكا ولدج اكيد يتعرض لتيارات الهواء او البخور والعطور . . . ..




بنات اكت عليه نون يعني شنوو و ؟ ؟ ؟ ؟ ؟ ؟

 

[بيادر أمل]

حًيَاْٺۓِ مهاوي ڜڵـۆڼـڃ وشلون عدناني

شلون امتحاناتج عسُيےّ التقديم ٺمــ❥ـــٱ۾

 

[زين ودلال]

السلام عليكم

شلونكم شخباركم

مشتطه مختفيه عسى ما شر وييينج

غاطين حدنا عن التجمع

ولدي شكله ماوراه مشيه الحين هههههههههه

 

[زين ودلال]

صاير مشاغب وبس يصرررررخ

ويسوي حركات بويها

 

[زين ودلال]

ام مبارك

النون يعني حلاو مع فلوس نقطها على الياهل اذا سنن او مشى

احلى احتفال بصراحه النووون عجيييييييب

الكبار والصغار يستانسوووون

بإذن الله اذا مشى ولدي بسويله

 

[المـــــها]

السلام عليكم
شلونكم
بسألكم عن تصرفات بيبياتكم
انا ولدي اذاني يروح للدفاية و يجر البردة و يشمخ و يطق اذ قربت وجهي يشمخني و يمشع لشعر و بمسك الاغراض و الكلينكس
شسوي احس بيطلع شيطاني و ميسمع لحد
متى يبدا يسمع الكلام و يستوعب الغلط و الصح؟

 

[زين ودلال]

وعليكم السلام

مها عادي بالضبببببببط نفس تصرفات ولدي

بس اذا سوا شي غلط اقوله لأ

 

[أمـ مبارك]

زين ودلال تسلمين للتوضيح ....



المها نفس ولدي بس بطريقه اقل


اذا شاف الدفايه مايقاومها يقعد ويجابلها ويقثني ليمن اصكرها واقعد بالبرد


وحالييا ولدي قاام يطق لكن احس دمه خفيف فديته


بنات ماتحسون جوانب شخصية عيالكم طلعت ؟ ؟


انا احسه فكاهي و غيوووور لدرجه كبيره ومزاجي بعد . . . .