احلى تجمع لأمهات مواليد فبراير 2012 يااافديتهم والله

[اجمل الذكريات]

بابريكا
انا ارضعه صناعي ومخربطه معاه

 

[فتاة-العنف]

هالوووو يا بنات شلونكم وشلون اوضاع عيالكم ان شاء الله الامور طيبه
انا اليوم اول يوم حق ولدي وياي بالبيت بروحنااااا الله يستر من امس الامور ماشيه نشوف الايام اليايه شبصير انتحر ولا بعد لانه المصيبه انه ما عندي خدامه خدامتي صرفتها والحين راح اعاني انا متاكده بس بدونها احسن العيشه بس اتعب

وانا قريت شوي من الايام اللي طافت شكرا لكل اللي تمنالي اكون عروسه وما يندرا شنو الوضع بس ما كنت خايفه لاني بجر وقيصريه يعني ما توسعت نفس الطبيعي الحمدلله

وبالنسبه حق تعديل النومة بليل انا لي الحين نفس النفاس تقريبا كل 3 ساعات او 4 ساعات على حسب الظروف ورضعه بعد ال 12 اعطيه اعشاب صارلي فتره على هالحال امس طوفها وكمل نومته لي الفير الحمدلله يمكن هذي بداية تعديل النومه ان شااء الله

ادري قرقت وايد صارلي جم يوم عنكم لازم اطلع اللي بقلبي p:

 

[قلبي خالد]

انا هذا اللي احاتيه اذا صرت بروحي مع ولدي الله يعبنج

 

[بابريكا]

عروس
عيل شكو الدكتورة تقولي سنه :/ بتاكد منها

 

[بيادر أمل]

.
.
مساااء الخيرااات
شلووونكم امهاات
دلوعة شلونج حيااتي وشلون وليدج عسااه بخيير ان شااء الله
المها هالكرشة مو طبيعية غثيثة متى ترووح احس مسببه لي ازمة
عن الحماال القاادم لووووووووووول انا حاليا مكتفي بالحلوين اللي عندي الحمدلله عندي عروس ومعرس ههههههه
ان شاء الله بعد 3 سنين << هذا اذا ما خون فيني ابوالشبااب خخخخخخخ
انا ولدي رضعااته ع مزااجه بس هاليومين ملاحظه انه يفز ع 3 الفجر وبعدين ع 7 وهلم جر
.
.

.
.

 

[بابريكا]

اجمل عيل ليش متلخبط؟ امشي على اللي مكتوب بالعلبه حسب عمره واذا لبح بين الرضعات سكتيه بماي لما وحاولي تنومينه لما تترتب الامور

 

[بيادر أمل]

.
.
يا حلوكم يالبجرياات ذكرتوني ببجري شلون كنت احااتي اقعد معاها بروحي ومن غير خداامة
.
.
خل اقولكم قصتي ترااها جدا جدا مهمة لكم لووووووووووووووول
.
.
العاام كانت طلعتي في 24 ماارس وكان ابوالشبااب معاارض اني ارد في هالفترة عشاان دواامه شفتاات وكان قالب شفت الليل
وقالي اقعد فوق الاربعين زيادة اسبوع على ما يقلب دوامه شفت الصبح المهم انا عندت وقلت خلاص انا تعبت ابي اناام في شقتي وطلعت في 24 وثاني يوم كاان الجمعه 25 ماارس تذكرون الغبرة السوده اللي جاتنا العاام كانت في هذا اليوم لوووووووووووول
المهم بعد صلاة الجمعه كاان زوجي معزوم ع الغدا في جبد وظليت بروحي مع بنتي وكانت حنانة بشكل مو طبيعي في هاليوم كله تبجي ومو رااضية تسكت صاارت 3 العصر اتصل علي بعلي وقال لي سكري الدراايش ترى جايتنا غبره الله يستر منها عااد انا قعدت اضحك عليه وما صدقته ورديت لبنتي ابي انومها ابيها تسكت ابد مو رااضية تسكت وشوي ولا اشم ريحة الغبرة حطيت بنتي في سريرها وطلعت للصالة ولا غبااار
والريحة قوية اختبصت وهذا اول تجربة لي وبنتي معااي ياربي شنو اسوي شغلت التلفزيون ولا اطاالع الجو مقلوب وكملها علي اخوي اتصل علي يقول شفيها الكويت ليش جذي مقلوبة الدنيا عندكم ويقول الصور اللي قاعده تجيني في الواتس تخرع انا هني طقيتها بجية ومن الخرعة صليت صلاةالخوف وادق على بعلي وما يرد علي ادق على امي وما ترد علي انا خلاص استويت من البجي دزيت مسج لهم بعلي طلع محجوز في مسجد جبد والارساال يقطع عنده وامي مع اخوي في الافينوز رديت لبنتي لقيتها نايمة حطيت فوق ناموسيتها عبااية عشاان الغبرة ما توصلها وعند البيبان والدراايش فوط مبلله ومسكت بخااخ مااء كل ربع سااعة ارش في الجو عشاان ينزل وكل هذا وانا بروحي وابجي ولاحظوا اول يوم لي في شقتي مع بنتي واتحلطم ليش ماسمعت كلام زوجي وقعدت عند اهلي غير جذي بااب السطح كان مفنوح وصوته قوي واحس البيت من شدة الهواء يهتز يما ماانسى هذااك اليوم وغير جذي كنت مبطلة ع كويتيات ع صفحة احواال الطقس لا والبناات صج افلام اللي تقول طفت الكهرباء والي تقول في زلزاال وانا فوق خوفي تصرقعت خخخخخ
واروح اجمع شموعي واجيب الكبريت واشحن اللاب والتلفون
يالله صج لحظاات حرجة بس الحمدلله عدت ع خير
.
.
شراايكم فيني كنت قدها ولا
.
.

 

[دلوعت مودها]

عروس- اجمل الذكريات-قلبي خالد-زين ودلال
شر مايجيكم والله يسلمكم ويسلم بيبياتكم من كل شر
ولدي كان في فتحتين بالقلب وانعكاس بشرايين القلب والحمدلله سووله عمليه والحين بفضل رب العالمين بخير
مشتاقتلكم حييييل

 

[فتاة-العنف]

اييه قدها ونص
هذي الحياة لازم الواحد يتاقلم مع الجو

 

[دلوعت مودها]

بيادر امل ....انا الحمدلله انتي شلونج شلون البيبي
بنات انا علي دورة آخر الاربعين متى اخذ تحاميل البوثيل؟؟!!!

 

[فتاة-العنف]

دلوعة حمدلله على سلامت ولدج

 

[سراج الليل]

بيااادر والله قويييه ماااشالله عليج

انتي اجار نفسي ؟؟؟

خلاص سيري علي وبسير عليج نواسي بعض من الضيقه ههههههه

واااي مليييت والله مع انه ماقصرت جارتي عازمتني ع القهوه عشان طالعه من ال40

 

[سراج الليل]

دلووووعه هلاااا ومرررحباااا

وطالعه من الشر وربي يخليلج ولدج وتفرحين فيه معرس

وسامحينا اللي قطعنا فيج بالسؤال بس جد الواحد مع هالجهال ينسى

بنــ ߪƝªṪـآآآتّ ‏​​ؤيْــنَّ ؟ كتالونيه ماشوفها وناني والعذوب وام صقر وغماره وفرفر قليل يدشون

وباجي البنات يسامحوني اذا نسيتهم

 

[اجمل الذكريات]

دلووعه
الحمدلله علا سلامت ولدج ياعمري
بياادر
لوووووول طلعتي قدها
بابريكا
انا ولدي من الساعه ٤ العصر لما الساعه ١٠ بليل ينام ويقعد كل ساعتين يشرب حليب ويرد ينام
فماني عارفه شلون انظم نومه بليل واحاول اقعده مايقعد شسوي ويسهر لما الفجر وكل شوي يبجي

بنات متى البيبي يميز الي حوالينه ويضحكلهم؟؟؟؟

 

[اجمل الذكريات]

بنات اشكثر بيبياتكم تشرب حليب انا ولدي عمره شهر يشرب بس رقمين ٦٠ مل

 

[فتاة-العنف]

انا ولدي كنت اشربه لي امس 90 واليوم خليته 120 لانه قبل كنت اسويله 120 بس ما كان يشربه يخلي نصه بس الحين الحمدلله نوعا ما قاعد يشرب مو كل الرضعات كامله بس قاعد يشرب 120
مع انه على حليبه بالقوطي المفروض يشرب 150 الحين بس صعبه

 

[بنت المها]

شخباركم بنات ؟؟
دلوعه
مايشوف شر والله يحفظه لج طمنينا عنه ؟

بسالكم
التحاميل اللي تستخدمونها شلون شكلها ؟ وبجم ؟
لاني شريت من الرداده ٦ تحاميل ب ٥
وقاعده استعملهم
تهقون اشتري اللي نفسكم ولا كافي مالت الرداده ؟

 

[اجمل الذكريات]

انا بجرب باجر اعطيه ١٢٠
لان انا اعطيه ٦٠ مل ساعات يشربها كلها وساعات لا وبعدها بسااعه يبجي يوعان بجرب باجر
وعلا التحاميل احسن شي تاخذين طبي من الصيدليه انا خذيت بيتادين لونهم احمر علا مااعتقد ورخاص ٣ دنانير و٢٠٠ فلس وفيها العلبه تقريبا ١٤ تحميله
وانا بلشت فيهم اليووم

 

[عــ2009ــــروس]

دلوعت

حمدالله على سلامته وفاللي يكرهه


بابريكا

انت قالولي بعد سنه بعد

وفعلا بعد سنه حملت

بس قالي حتى 6 شهور عادي وانا خفت 6 شهور صعبه ولدي صغير وعمليه

سنه سنه ونص زين

واللي الله كاتبه اهو اللي في لنا خير الحمدالله*

 

[عــ2009ــــروس]

بنت المها
انتي شريتي البوثيل من الرداده