احلى تجمع لأمهات مواليد فبراير 2012 يااافديتهم والله

[اجمل الذكريات]

جم مره تعطون بيبياتكم ماي غريب باليوم؟؟؟

 

[اجمل الذكريات]

لازم سونار الحوض!!

 

[ريح قهوه]

اجمل لازم سونار الحوض عشان يشوفون اذا فيه خلع او مشاكل لاسمح الله انا سووه او مانولدت بنتي

زين ودلال وين والده ؟

 

[زين ودلال]

سونار الحوض احسن شي عقب شهر من الولاده،، انا باجر ان شاء الله بودي ولدي

 

[زين ودلال]

ريح ولدت بالشفا

 

[زين ودلال]

جموله انا اعطيه مره وحده ماي غريب بليل وبعض المرات ما اعطيه

 

[زين ودلال]

جموله لا تهيونين بالسونار ترى ضروريييييي

 

[اجمل الذكريات]

زيوووون
لما يكمل شهر اسويه صح!!
انتي جم لج الحين؟؟

 

[زين ودلال]

باجر يصيرلي شهر

 

[زين ودلال]

اي صح جموووله

 

[كــوب كــرك]

جنى الله يعينج تدرين احنا شنو غلطتنا ان احنا مانسوي تحليل دم علشان نعرف شنو الحبوب اللي تناسبنا دكاترة النسا عندهم تحليل دم يبين لج شنو الحبوب اللي تناسبج انا الله وكيلج ثلاث حبوب ماناسبتني والرابعه ضبطت اللي هي جينيرا بس بعد ما افتر مخي.

بنات يمدحون حيل بيبي كال للغازات بس فيه ناس يقولون يضر الجاهل ..

 

[بنت المها]

بنات
انا ما اعطي ولدي ولا شي لا ماي غريب ولا مال الغازات ؟
عادي ولا لازم اعطيه ؟

 

[بنت المها]

اذا مابي اخت النفاس تيني اكل حبوب اللي ترفع الدوره ؟؟
ومتى ابلش اكلها ؟ انا لي ٢٤ يوم

 

[بنت المها]

ولدي وايد يرجع !! ينني عقب الرضاعه بفتره !
من شنو ؟
اخاف فيه شي

 

[اجمل الذكريات]

كوب كرك
امس قاعده واسوي بحث بالنت عن بيبي كال واااايد يذمون فيه ويقولون موزين وله اضرار
بس هو في نسبه مخدر عشان جذي موزين وماينبااع بالكويت في لبنان

 

[اجمل الذكريات]

بنت المها
اذا ماتبين اخت لنفااس اخذي مانع من٣٥ يووم انا جذي بسوي
وعلا ولدج
اذا يرجع شوي مع الهوا عادي ممكن زيااده اما اذا وااايد كل الحليب لا شوفي وديه الطبيب
وماعليه شر انشاالله

 

[زين ودلال]

بنت المها اذا رضعتي ولدج لا تخلينه يشرب الحليب مره وحده لا خليشرب نص وطلعي الهوا اللي فيه وعقب كمليله النص الثاني

 

[بيادر أمل]

صباح الخير يا حلوات
ابي اناام راسي يبي ينفجر من قلة النوم
سروجة حياتي ما يشوف شر يا عمري الله يشافيه لج ان شاء الله
بنت ذاك الامير حيااج ارحبي العين أوسع لج من الدار ؛)
عروسه ياقلبي ع البنوتة الله يشافيها لج ان شاء الله انا ولدي كانت سرته يطلع منها دم شوي وريحة كريهة وديته للطبيب وقال انه السرة ملتهبة وعطاني كريم ويومين والحمدلله الامور تمام
بنت المها يمكن الحليب ثقيل ع معدته وديه للدكتور خل يشوف علته اذا كان يرجع واااجد وراء كل رضعة

 

[جنى q8]

اي بنات سونار الحوض ضروري

انا وديت ولدي بعد قلبي طلع فيه خلع
ولازم يلبس حفاظتين لمده شهرين وبعدين يشوفنا الدكتور مره ثانيه وربي يشافيه ان شالله



بنات والله لاعت جبدي من هالدم اللي ينزل

شسالفه

امس اخذت الحبوب اللي ترفع الدوره والحمدلله كله امس مانزل شي
اليوم نازل علي تكرمون خفيف ولونه برتقالي
هذا من شنوو؟
اصلي ولا لا ؟
واااااي المفروض اليوم طلعتي شسوي
وعقب باجر بنروح العمره ان شالله
شلوووووووون

لاحول ولا قوه الا بالله

 

[بيادر أمل]

ما ادري يا جنى ان شاء الله البنات يفيدونج وما يشوف شر وليدج يا حياتي الله يشافيه ان شاء الله بس ما قالج الدكتور من وين جاله الخلع