احلى تجمع لأمهات مواليد فبراير 2012 يااافديتهم والله

[عروسة خالد]

انا مشكلتي مشكله عودت ولدي على صدري مو راضي يشرب

من المميه ياحياتي يرجعها على طول

 

[كــوب كــرك]

لاصار عمره اربع شهور اتعدل نومته انا جذي كان ولدي..
المها حبيبتي مايصير ماتاكلين اكلي عدل رتبخري هذا هوا
واللي يتكلمون عن اخت النفاس ماله شغل تنفستي عدل او لا
بس لازم الوحده تنتبه اذا ماتبي اتحمل لانه اللي تجيها ااخت النفاس لو مافيه اي موانع راح اتحمل لان المبايض تكون نشيطه

جنى ترى احتمال الحبوب ما ناسبتج لان انا صار لي جذي دوره خفيفه وافرازات ماتفصل بعدين طلعت الحبوب مو مناسبه لي

 

[كــوب كــرك]

ايه بنات الله الله في الزنجبيل اخر خمس ايام
يخلي الوحده حاره ويستانس ابو الشباب

 

[بنت المها]

كوب
شالحل مع الهوا ؟؟
شلون يروح
شسوي والله ما اشتهي الاكل !!

 

[frfr]

صباح الخير بنات

اجمل ترا غالبا ولدج يبجي عشان الغازات اللي في بطنه

أنا جذي تعذبت بنتي ما تنام وديتها الطبيب قالت لي شوفي بطنها متروس غازات

جربت ماي غريب ما فاد بالعكس قامت تحن زياده مره في وحده قالت لي ماي غريب يبين

مفعوله بعد ما تعطينه اكثر من مره واذا عطيتيه مره وحده يسوي له مغص يبيله اكثر من مره

وجربت دوا الغاز بمبي وهم ما فاد بس اللي فاد معاي دوا اسمه restropinal

وقمت اذا صرت فاضيه اسوي سيرج بقوقل يقولج اذا البيبي قام يبجي و انتي جيكتي كل شي من

حفاظات وحليب وما تدرين شنو فيه هذا معناته فيه مغص او غازات

فيه طريقه تسوين مساج حق بطنه راح يرتاح ويطلع الغازات جربته مع بنتي وصج نفع

وهني يعلمج ألطريقه http://www.youtube.com/watch?v=MrLPD20P80c&feature=youtube_gdata_player

وهم خمس حركات وهذي وحده منهم

واذا بتعرفين اكثر عن مغص اليهال كتبي باليوتيوب colic baby وراح يعلمونج شتسويين اذا البيبي قام يبجي بدون سبب

قرقت وايد قلبي متروسه ههههه

 

[frfr]

كوب
شالحل مع الهوا ؟؟
شلون يروح
شسوي والله ما اشتهي الاكل !!

احس اكثر وحده بتفهم عليج ام خالد خبيره الأعشاب سأليها عندها
موضوع حاسته حق اللي وحدها تسال او عندها استفسار وشوفي شتقول
أنا طلبت ادويتها وصج حسيت بالفرق

 

[frfr]

البيبي يبتدي يناغي و يبتسم لمن يصير له شهر
اذا غيرتو له الحفاظه وشربتو حليبه وكان ليلحين قاعد استغلو
الفرصه وحاولو تكلمون البيبي وشوفو راح يبتسم ابتسامه خفيفه وممكن
يناغي

بس بعد الاربعين راح تلاحظون عدل *

 

[بابريكا]

بنات شخباركم من زمان عنكم

 

[بنت ذآك الأمير!]

السلام عليكم..
رحبوا فيني ام جديده

 

[بنت المها]

بنت ذاك الامير
يا هلاا فيج
ومبروك ما يااج :**

 

[عــ2009ــــروس]

اجمل الظاهر الجو جذي

انا بنتي جذي

والحين سرها يندي دم

وقايلين لنا لازم كي بنطر اليوم

الانها بس تفحط

ان طولت من الالم بوديها لو خفاره اسوي لها كي

 

[عــ2009ــــروس]

بنت ذاك الامير

ولكم

ومبروك ماجبتي

 

[اجمل الذكريات]

فرفر
حبيبتي مشكوره ماقصرتي علا المعلوومه
عرووس
ياقلبي ماتشوف شر بنوتج
بنت المهاا
والله مادري شنو الحل بس كلمي ام خالد شوفي شنو تقول
بنت ذاك الامير
ياهلا ومرحبا فيج

 

[زين ودلال]

رحت اليوم جيكت على الخياط الحمدلله زين،، دخلت شي عشان تشوف الخياط اللي داخل اححح بس الحمدلله كل شي اوكي وقالتلي بعطيج حبوب تنزل الدوره قلت لها مابي باخذ مانع يوم 35 ومدحتلي اللزقه

 

[زين ودلال]

وقالتلي عندنا تحاميل تضيج قلت لها مابي الخياط كافيييييييييي،، قلت لها عندي البوثيل قالت ممتازين

 

[سراج الليل]

قوووه بنات

انا حدددي متضايقه ع ولدي يااااعمري صدره تعبااااااااااااان وياخذ كمام وحالته حاله

عروس سوري عالتأخير

تمارين كيجل تشد المنطقه وتضييجها

 

[غمـــ ^^ ـــازه]

مسااااااائكم عسل امهات

كل عاااااااام وانتو بخير فديتنا احلى امهات ^_^


سراج مايشوف شر النونو


وعلى طاري اغوو انا ولدي قام يناغي ويتضحوك مشالله فديت قلبه

 

[جنى q8]

كوب كرك صاجه حبيبتي من الحبوب ماناسبتني
امس ضاق خلقي حدي لان رحت السوق ورديت لقيت نازل علي دم
وشلون الخميس طلعتي وبروح العمره ان شالله
اتصلت ع دكتوره وقالت لي تعالي يمكن تكون دوره

ورحت الصيدليه وخذيت حبوب ترفعها بس خفت
ورحت بالليل مستشفى السلام الطوارئ هههه لازم اقتنع

المهم قالت لي حبوب ياسمين ماناسبتج تركيها وبلشي بحبوب اللي ترفع
وبس ترجعين من العمره راح تنزل عليج وبعدين ردي اخذي المانع
واااااي لوووووووويه

بس الحين سؤالي اصلي ولا لا؟
يعني اغتسل الحين واصلي
وبخصوص زوجي شلوون ؟؟ عادي يصير شي

والله محتاره حدي

 

[اجمل الذكريات]

سراج
ماعليه شر ولدج
زيوون
الحمدلله ان خياطج اوكي
انا مارحت مراجعتي لان الحمدلله طاحو كل خياطي
بناات
علا سونار الحوض للبيبي رحتوا سويتوه ولا شنو

 

[frfr]

أنا رحت سويته والحمدلله كل شي أوكي

ما يطول