احلى تجمع لأمهات مواليد فبراير 2012 يااافديتهم والله

[beauty rose]

ههههههههههههه افا عليج اسوي معاج اللي تبينه احلى سلطات و حلويات و علميني عالذبيحه
بس زوجي مشكلة بس اسويله شي يبيه على طول هههههههههه
انا ابي اسوي مرة وحده و خلاص و لي طق براسي مرة ثانية اسوي بسوي
مرة سويت له قباقب و صار يصدمني يدش البيت شاري قباقب ههههه

يوعتيني بهالليل

 

[سراج الليل]

بيوتي شكلج فاضيه نفسي

بيوتي شلونج بطبخ الزفره ؟؟


يعني تضبطين السمج ؟؟

تصدقين انا تقريبا اعرف اطيخ بس اخاف من السمج

تصدقين من تزوجت طبخت سمج يمكن ٤ مرات

ابي طريقه حلوه اذا عندج يعني ابي يكون زبيدي او هامور

انا وحده غراااامي السلطات وابي احلى سلطه عندج


يلا عشان انا اخدمج

 

[سراج الليل]

بيوتي الله تخيلي سفره شطووولها وفي هذاك الصحن اللي فيه عيش ومو إُيٌــــyes"ـٌـٓيٍْ عيش كل حبه زعلانه مع الثانيه وعليه زبيديه منسدحه ومبتسممممه وماخذتلها حمام زييييت عقب مساااج محشينها بخوش حشوه المهم والزبيديه منسدحه وطالعج بنظره مستحييييييه وتقولج يلااااا تعااااااالي طبعا اهي تكون متلحفه بالحشو اللي يااااله تشوفينها منه


خخخخخ


تأثير ابو الشباب عندي


المهم وعلى السفره نوعين سلطه وخووووش دقوس فيه شبت وراس سمج


ورقيه باااااااااااارده ومعبوج

 

[سراج الليل]

واااااي لا صج والله قفلت ابي سمج

 

[beauty rose]

ههههههههههههههههههه سمج بهالليل
السمج اكثر شي اسويه بالفرن
نقارير مثلا

اسوي زبيدي ابهره بهارات سمج مع كركم و شبنت و كزبرة و اخليه ليلة كاملة و اليوم اللي وراه
اقليه و آخذ روس السمج للمرق و لطبخ العيش و اهم شي احط ليمون سحاري ( سودة ) بالمرق يمي يمييي

 

[beauty rose]

هذي مواضيعي للزفره ههههههههه

http://www.q8yat.com/t1031190.html
http://www.q8yat.com/t1039134.html

و هذي مواضيعي ثانية للطبخ اذا تبين تتشوقين

http://www.q8yat.com/t1032072.html
http://www.q8yat.com/t1026898.html
http://www.q8yat.com/t1024335.html

 

[سراج الليل]

بيوتي يعني تقلينه من غير ماتفوحينه ؟؟

يعني يستوي

خخخخخ


والله ماعرف

 

[سراج الليل]

بيوووووووووتي انتي مووووووصج


السنج واااااي يذذذذبح


والقباقب مع اني ماحبها بس تغري


شرايج
عندي لج اقتراح


اطلخي وبيعي علي


خخخخخخخ

بسوي طريقة السمج بس اول بجرب لي بروحي واذا ضبطت سويت لزوجي

 

[beauty rose]

ههههههههههه
سوي لج و لزوجج على ضمانتي

السمج بالفرن سهل حييييييل

بس اهم شي تغسلينه عدل و تتبلينه مدة طويل

و قصدريه و قطيه بالفرن ساعه و تلقينه مستوي

 

[beauty rose]

الزبيدي اي اقليه على نار هادية و يستوي من داخل
بس لا تعلين النار عشان ما يصير من برة احمر و من داخل توه ني

 

[سراج الليل]

ان شااااااالله بسويها ان شاالله واذا ضبطت يااابيوتي

بدعيلج بأحلى دعوه ربي يرزقج بالجنه من غييير حساب



ممكن سؤال ؟؟

فضول طبعا


امج مصريه ؟!!!

لانه مادري احسج حيل مع العيش المصري

 

[beauty rose]

حبيبتي تسلمين

هههههههههههههه لا امي و ابوي كويتييين درجة اولى و لله الحمد

انا احب العيش المصري احلى من العيش العادي بالطبخ لذيذ
و المقلوبة اردنية او فلسطينية مو مصرية
و العيش مع الحمسة من اختراعي هههههههههه احب الجبدة

يوعتيني رحت المطبخ قاعده اسويلي شوربة خضروات مع معكرونية الحروف و الشوفان
اذا خلصت صورتها خخخخ حياج

 

[اجمل الذكريات]

مرحباااااا
بيوتي
ماااشالله اكلج لذيذ عجبني السمج والعيش المصري
لووول

 

[اجمل الذكريات]

سراج
انا ماعرف اسوي الذبيحه بس حدي مجبوس لحم
هههه

 

[دلوعت مودها]

قووووه امهات
ياحلو سوالفكم حسافه ما الحق عليكم والسبه عيدي ماخذ كل وقتي الله يخليه
بس مو مشكله اسولف وانتو بعدين اقرو ردي خخخخخخ
انا ساكنه مع حمولتي وعلى طاري الاسم انا للحين ما اعرف اقول ((ام عايد)) احس وايد كبير علي
واااي ياحلو الطبخ بس انا قليل ما ادش المطبخ بسبب دوامي بالجامعه ما ارد الا العصر مافي وقت
اخر طبخه طبختها (((فقع))) الاسبوع اللي طاف اول مره اسويه بس ونااااسه طلع عجيييب




سؤال مهم امهات متى يبدا الياهل ياكل؟؟؟!!
ودي اذوق وليدي شوي فواكه او عصير
ابي ترد صحته !!! شرايكم!!؟؟

 

[اجمل الذكريات]

أصبحنا وأصبح الملك لله . والحمد لله لا إله إلا الله وحده لا شريك له له الملك وله الحمد وهو على كل شي قدير. ربي أسألك خير مافي هذا اليوم وخير مابعده وأعوذ بك من شر مافي هذا اليوم وشر مابعده
ربي أعوذ بك من الكسل وسوء الكبر ربي أعوذ بك من عذاب النار وعذاب في القبر ،
اللهم بك أصبحنا وبك أمسينا وبك نحيا وبك نموت وإليك النشور ...

صباح الخير والرحمه والمغفره
صباح معطر بذكر الله  

 

[اجمل الذكريات]

اي صح بنات علا طاري السكن انا ساكنه برووحي بشقه والاسم عادي تعودت ينادوني ام عادل مع اني صغيره
لوووووووول
دلوووعه انا عن نفسي ابلش اأكل اليااهل من ثلاث شهور ونص او اربع شهوور اشياء خفيفه مثل سيريلاك خضرا مهرووسه مهلبيه عصير فريش
اما العيش والمرق وهالسوالف هذي من السادس وفووق

 

[بنت المها]

ماشالله كلكم سنعات تعرفون تطبخون
انا وحده كلش كلش ماعرف اطبخ وتوهقت بهالغربه
كل يوم يا اسوي ساندوتش تيركي مع ميونيز وخس و طماط
ولا دياي بالفرن ومره مستويه حيل ومره لا يا صرايين يا ظلمه
واكثر شي اسوي معكرونيه بالجبن
ودي اسوي باستا بس ليلحين ماعرفت
واحلى شي اسويه البيض والفول
ههههههه
اي اي واعرف اسوي مشخول وعيش وطماط
وفنااانه بالجاي
شرايكم فيني ؟
:$
اشوه ريلي مو نوعه اكيل ولازم وجبه دسمه عادي الموجود ياكله
امس طبخت
قليت جوانح جاهزه وسويت صمون همبرغر وبطاط
اليوم مادري شسوي
ودي اسوي معكرونيه ماكو غيرها صار دورها ;p

 

[بنت ذآك الأمير!]

شلونكم امهات
بغيت اسئلكم كل جم ساعه تعطون عيالكم مميه

 

[دلوعت مودها]

^^^
انا عن نفسي كل ٣ ساعات او اذا قبلها بغا حليب اعطيه الا بالليل قبل كان ينام من دوا البطن خخخخخخخ
واطول اربع اوخمس ساعات بس الحين قمت اقوم كل ٣ ساعات اعطيه لان حرام تطوفه رضعه جذي مايكبر....