احلى تجمع لأمهات مواليد فبراير 2012 يااافديتهم والله

[قلبي خالد]

جمول شلووونج شخباارج وشلون الاطا**ييل الاعندج

 

[frfr]

بنات شلونكم وشخباركم

ادري حدي مغبره تذكروني؟؟

الايام صج تمشي بسرعه صار لنا سنه من الولاده جنه امس

الحمدلله رب العالمين الحين بنتي صار لها سنه وقامت تمشي اسم الله عليها واضطريت ادخلها الحضانه

بس الحمدلله من اول يوم تأقلمت بالحضانه واحس الحضانه احسن من انه احطها عند خدامه بس تعب لازم

تقوم من الصبح والبسها واوصلها اهي وبنتي الثانيه بالروضه وبعدها اروح الدوام الروتين مو حلو بس اشوا الاسبوع

الياي اجازه :eh_s(9)::eh_s(9)::eh_s(9):

ما ودكم تعيدون التجربه وتحملون مره ثانيه؟؟ انا ريلي وده وقاعد يحن بس انا احس تو الناس

توه وزني رد طبيعي وارتحت شوي

 

[زين ودلال]

الله يبارك فيج جموووووله

مايشوف شر عبادين

 

[زين ودلال]

بنت المها الف مبروك الله يتمم عليج يااارب

 

[زين ودلال]

انا ولدي ليلحين مايمشيييي شكله مطول

يوم الجمعه يكمل سنه ان شاء الله

 

[قلبي خالد]

فرفر شلونج شخبارج صج صج قددييييمه
فرفر الحمل يعتمد علي ظرووفج وضعج قدرة تحملج لووول
يعني اللي تحمل بعلاج ماانصحها طول بالحمله الثاني
اللي عمرها كبير نفس الشي
اللي عندها كله بنات والريل يحن علي الولد ماراح يرتاح الا ليما تيب ولد
هم الوحدة تشوف وضعها وظرووفها علشان عقب ماتتحلطم
حتي تحسب باجر اذا دخلوا المدرسه اقعدة ادرس اولي وثانيه ابتدائي مع بعض واذا صيبان بعد الله يعين
انا محتارة انا ابي ولدي يكون بعمر اقدر اخذه معاي وين ماروح مايأيذيني رضعه ولا حفاضه
لانه كله راح يكون معاي لانه اكيد البيبي الثاني مع الخدامه ياه عند خالتي او امي هم قلتج الدراسه ابي اعطي كل واحد حقه بالدراسه يعني اولي وثانيه ابتدائي تاسيس لاتقولين ناحجين لا ابي اعلمه القراءه و الكتابه عقب ارتاح

 

[مشتطـه]

بنت المها مبروك الحمال


شنو شعورج متغربه وحامل


انا حييييييييييييييل خايفه

الظروف بالغربه صعبه

وموضوع الحمل ما راح عن بالي

بس مستحيل احمل الحين انا عارفه وضعي ما يسمح
ولدي حركي ويأذي ولو حملت بستخف


غير الولادة زوجي يبيني اولد هني مستحيل اقدر وايد افكر

انا اكل حبوب عسى الله يكتبلي الخير


ومبرووووك حمالج

انتي عالاقل الاردن

انا ديرتي ما تترقع

 

[بنت المها]

الله يبارك فيكم حبايبي


مشتطه

لاا انا بالكويت بس اروح وارد على الاردن وحاليا اكمل دراستي لي تخرجت خلاص بستقر بالاردن ان شالله
وشعوري الحمدلله استانست بس احاتي وايد دراستي خصوصا ولادتي بتكون بكورس تخرج !
الله يسهل يارب ويعين

 

[مشتطـه]

انا ولادتي بكورس التخرج كانت

اول يوم بالتاسع صادف اخر يوم امتحان فاينل

 

[بنت المها]

ماشالله حلو التوقيت انا بنص الكورس

يارب يتفهمون معاي الدكاتره ويمشووون

 

[مشتطـه]

بنت المها غصبن عليهم مو بكيفهم هذي ولاده مو عرس ؟؟؟؟؟


لج اسبوعين من الجامعه مو من الدكتور

 

[بنت ذآك الأمير!]

شلوووونكم بنات ادري حدي غباااااار..هههههههههههههههههههههه
بنوتي كملت سنه قبل جم يوم
سويتلها عيد ميلاد بسيط بالبر ..
متى ناوين تحملون ؟
انا احس تو الناس الحين..

 

[قلبي خالد]

بالنسبه لي بصراحه مافكرت بالموضوع بشكل جدي الحين ودي ولدي يكمل السنه وثلاث شهور او اكبر لانه اذا صار حمل علي ما اولد يصير ولدي بوسنتين مادري شرايكم بتفكيري ادري انه تعب في تعب

 

[مشتطـه]

انا عن نفسي لو بالكويت جان قطعت الحبوب الحين ليما احمل
بس دامي بغربه ما افكر الوضع جدآ صعب وأخاف حييييييييييل


شوفي انا اهلي و اهل زوجي حيل طايرين بولدي ويعشقونه لان اول حفيد

فاذا يبت الثاني ماراح احس بتعب لان راح اخلي ولدي على طول عند اهلي و اهل زوجي عرفتي


بس انا افضل اول اثنين بينهم سنتين

 

[كوكو لوكو]

السلام عليكم شخباركم بنوتات شخباري ماتوقعت للحين التجمع موجود نظرا لانشغالي مع ولدي وابشركم أنا حامل بالشهر السابع ادري استعيلت بس الحمدلله على كل حال ...ومبروك عيون المها حبيبتي الحمل والفال حق الي تبي .....ولدي ميلاده هالاسبوع يكمل السنة سمالله عليه فديته بجري وموعارفه شنو ممكن اجهز لميلاده بسويه بالبر الي عندها افكار تقولي ومشكورين مقدما

 

[قلبي خالد]

انا ولدي بعد بجري سويتله حفله ملمومه مع عماته عمامه عند اهلي ماسويت لانه كانوا مسافرين

 

[مشتطـه]

مو لازم عيدميلاد كبير

كيكة وشموع وتصفيق وصار عيدميلاد

 

[قلبي خالد]

صاجه مشتطه تخيلي قاعدة احتفل وناكل واهو بالغرفهرالثانيه علشان لايعفسنا ولا يدري شصار خل العيد الميلاد ليماشوي يكبر ونعزم اصدقائه ويستانس

 

[كوكو لوكو]

هههههههه من صجج قلبي خالد اي والله يعفسكم خلاص عيل شوركم وهداية الله لانه صج بهالعمر مايفهم بس التصوير ذكرى حقه مشكوووورين حبايبي

 

[قلبي خالد]

تصدقون بنات بيادر الأمل مختفيه
حتي زيون