احلى تجمع لأمهات مواليد فبراير 2012 يااافديتهم والله

[مشتطـه]

بنت المها ياقلبي
نفسي الخياط سببلي ازمه مو طبيعيه

ومكان البربيش يحرني كان واخترعت منه بس شي عادي
واول الايام كرهت ولدي

مت من البجي


عادي ترى بس لما الاسبوعين وتحسين براااحه

والحين الجو دفى من يصير اسبوعين طلعي يالله يمدي ترىىىى



فرفر

التشقير حق الجسم موجود بالصالونات
لو فيج شعر صغار يختفي لانه يصير لونه اشقر
ومن مكان لي مكان يفرررق اتوقع سألي وين احسن مكان


يهببببببل انا ركبي واكواعي حسيت بالفرق فيهم ولوني صارررر شحلوووة

 

[قلبي خالد]

هانت يلا ما بقي شي و نطلع

 

[frfr]

مشتطه شوقتيني عالتشقير شكلي بسوي

والنفاس اااه منه لو يت على قلت النوم وبجي البيبي جان هانت
بس النفسيه اذا صارت مش ولا بد أهني الوحده تكرهه عمرها بس
الحمدلله اول أسبوعين بس بعدها الوضع يتحسن و الطلعه تهون الوضع
حتى لو مراجعه طبيب

بس نطرو الجو يدفى ماله داعي تمرضون الحين

 

[كــوب كــرك]

قوه بنات شخباركم..
وشخبار بيبياتكم،،

ياحلوات منو نفسي خياطتها الخيوط الذائبه يعني مايصير اشيلها لازم انطر تطيح بروحها بعد ٣ اسابيع( وايد صراحه)
ولا ازيدكم من الشعر بيت فيه خيط واحد انفتح وعطتني الدكتوره مضاد وقالت اخذيه لمدة اسبوع لو ما التألم راح اخيط الفتحه اللي انفتحت( ياااااويلي)


تكفون منو صار لها جذي حدي خايفه

 

[worood82]

بنات انه بنتي طالع لها حبوب اصغيره حمره وفي شي احبوب راسها ابيض مكان الحفاض ما ادري من شنو شريتلها كريمين من الصيدليه مو راضيه اتروح الحبوب شنو رايكم اوديها الطبيب ولا لا

 

[سراج الليل]

الوووووووو

 

[فتاة-العنف]

ورورد حتى انا ولدي جذيه صارله فتره مو راضين يروحون بس خفو عن قبل

سراج شلون طهور ولدج ؟؟

 

[عــ2009ــــروس]

مممممممم

 

[اجمل الذكريات]

كوب كرك
انا مثلج خيوطي طريه بس ماطاحوا وحدي خااايفه
وانشالله جرحج يالتأم بدون خياط

 

[بيادر أمل]

.
.
صبااح الخير نفوساات ،،
واااي الله يعينج كوب كرك ع الخيااط ان شااء الله ما تحتااجينه ان شااء الله يلتم الجرح من غير خيااط ..
وروود لا تخلينها روحي المستشفى شوفي شنو سبب هالحبوب تدرين انا اشك من اكلج اذا انتي ترضعين بنتج فاعتقد هذه الحبوب من الرضااعه يمكن لان حمااتي اول اياام نفاسها كانت في حبوب حمر في وجه ولدها وطلع من اكلها ومن الرضااعة فانتبهت لاكلها ورااحت الحبوب !!
.
.

 

[كــوب كــرك]

الله يسمع منج اجمل الذكريات

 

[كــوب كــرك]

بيادر الله كريم..

 

[بنت المها]

الخيوط متى تطيح ؟؟
انا احس خياطي فيه شي وايد يعورني

امس ولدي ما نومني ينني
ماغير يبجي شكله بطنه فيه غازات !
تشربون عيالكم شي غير الحليب ؟ ينسون

 

[بيادر أمل]

.
.
انا اشربه ينسون يرتااح عليه
بعد عندج ماء وسكر نبات هم زين حق الغاازاات
.
.

 

[مشتطـه]

بنت المها عادي الخياط كااارثه ويذبح وكله عبالي بيتبطل تعبت نفسيتي منه اول


اي انا توني اهب بالكراوية والينسون

اعطيه ماي وحبة حلوة وحليب

بعدين شريت سكر نبات وعطيته

والحين عالاعشاب و الحليب والماي

 

[worood82]

بيادر
عاد انه الحمدلله مهتمه باكلي في ناس قالولي يمكن فطريات فلازم اوديها الطبيب

 

[عــ2009ــــروس]

بنات انا خياطي طول

ورحت لدكتوري شال الباجي اللي بقى من الخياط


روحوا للدكتوررر

 

[اجمل الذكريات]

انا صاي اسبوعين وخياطي طاحوا منه ٣ غرز وباجي شويه بنطر علا هالاسبوع واشوف

 

[مشتطـه]

انا اموت واعرف عيايزنا شلون كانو يولدون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ماكو خياط ؟

 

[بنت المها]

اولاااه يطول الخياط ؟؟
عبالي بس اسبوعين !!