احلى تجمع لأمهات مواليد فبراير 2012 يااافديتهم والله

[worood82]

مشتطه ما يشوف شر ولدچ حرام اهو وين والرمد وين صغييير

 

[worood82]

بنت المها
بغيت اسإلچ عن الدوره اشلونها معاچ ولي لحين ترضعين
انه الدوره لاعبه فيني لعب هالشهرين

 

[قلبي خالد]

سلامت ولدج شطشط مايشوووف شر الغالي

 

[زين ودلال]

تسلمون ماقصرتوا


ههههههه حتى انا افضل البنات فديتهم احبببببهم

 

[زين ودلال]

ويييي مشتطه مايشوف شررر

انا قبل فتره بنتي ياها رمد يمممه عيونها لاقعدت من النوم تخرررررع مسكررررررره

وعادت ولدي بس ياله خفيف الحمدلله

 

[بنت المها]

شط شط
مايشووف شر والله يشافيه ويحفظه

 

[بنت المها]

زيووون
تبارك الرحمن ربي يحفظج ويحفظج من العين
انا احب الصبيان وان شالله اكثر من البنات معني عقب ولدي اشتهيت ايب بنت يشووقوون البنات

بس بحاول اضعف وعلى السنه اليايه ان شالله احمل يصير فرق سنتين حلو

 

[بنت المها]

وروود

انا الدوره زينه كانت تيني كل شهر بوقتها بس هالشهر تاخرت ١٥ يوم اتوقع نفسيا !
تعبت حيل منها وتازمت نفسيتي
مايندرا الشهر الياي شلونها

 

[بنت المها]

ولدي ليلحين ماشريت له بدله مالت عييد
باجر بروح اشوف له ان شالله
الدشداشه خيطناها بقت البدله بس

 

[مشتطـه]

زين ودلال عسى الله يتمم عليج يارب


تصدقين رفيجتي بأول الثاني اليوم نزل منها بقعة بنية
ياعمري كسرت خاطري هذا اول حمل لها

وطريتي علي
شقولها شطمنها


بيادر الشر ماييج يالغاليه

 

[مشتطـه]

بعد عمري الشر ما ييكم

ياله على شوي مو وايد الحمدلله


انا ذبحني بالحنه

بعد 8 ايام بسافر سياحه
وبقطه على امي

واي بنااات تدرون متعقله فيه
تدرون لي طرى علي يوم السفره اقعد ابجي مثل الخبله

الحمدلله والشكر تعبت نفسيتي
مادري شبسوي ما احب ابجي جدام احد
وانا نظامي ابجي ودموعي تصب

احببببببببببببببه

يارب يارب يارب تحفظة وتخليه لي
بنات تحبون عيالكم كثري والا انا غير

احس اني امووووت فيه ؟

 

[worood82]

واااااي مشتطه ذكرتيني لما كنت بروح الحج كان عندي عادي اخلي ولدي واروح بس حزتها بالمطار بچيت بچي چني انه الياهل مو ولدي

 

[worood82]

انشاءالله تروحين وتدردين بالسلامه وتستانسين ولا تفكرين وايد ابولدچ بما انه راح يكون عندچ امچ استانسي عدل ولا تخربين السفره باچر بيونچ اعيال اكثر وتحاتين اكثر اشلون تسافرين وتهدينهم

 

[بيادر أمل]

ورووود عُاَدّيَےّ ٱ‏نـِْ♡̨̐ـِْا ولدي يقعد في دراجته

 

[بيادر أمل]

صّـْْ(☑)ـْْحّ كلامكم
مافي احن ع الام في هالزمن غير البنت ولا الولد صار هالايام ولد حرمتوه خخخخخخخخ
بَـßÊـسّ يمكن مجتمعي غرس فيني هالفكرة وخلاني اميل للاولاد اكثر م̷ـــِْט البنات
مع انه اشوف اهلنا اللي اغلب عيالهم اولاد كثرتهم على غير سنع يعني مابه رجا وبناتهم هم الي بهم خير !!!!

 

[بيادر أمل]

شطشوط تروحين وتردين بالسلامة
كلنا مرينا بهالشعور البايخ يلا الله يعينج

 

[قلبي خالد]

امهات فيني بجي قويه توني عطيته اول رضعه من الحليب رقم 2مسكين يوعان يشرب شوي جان يبجي عرف حبيبي انه هذا مو حليبه مارضي يشرب حدي ضايق خلقي نام و اهو يوعان والله قلبي يعوني عليه علي
شطشط انا بعد 11يوم بسافر سياحه هم بحطه عند امي اقولها عفيه ديربالكم عليه لاتيوعونه جان امي الله يطول بعمرها طلعتني بنظره غريبه و لا اقولهم لاتنسون تطعيمه و لا دير بالكم عليه حرام بيبي شطشط جم يوم السفره انا عندي سؤال محيرني جم علبه حليب اشريتها لهم جم عدد الحفاظات اللي احطهم عند اهلي و هم سيريلاك و غيره بصراحه ما ابي اتعب اخواني اهم ممقصرين بس ودي اشتري كميه تكفي حق 18 يوم ما ابي ينقصه شي ودز حق اخواني للجمعيه اخاف يبون غلط و هم يتعنون عاد هذي اول سفره مع ريلي تخيلوا ماسافرت معاه و لا مره وناسه

 

[سراج الليل]

قووووه بنااات

شخبااااااااااركم

ادري مغبره ومع

هذا محد فقدني

 

[worood82]

هلا بسراج انتي اساااااااااااااااااااااس هالتجمع اشلون مانفقدچ
وينچ انشاء هالغيبه الطويله مو من شر
نورتينا برجعتچ ونورتي الموقع ابكبره

 

[worood82]

قلبي خالد
الله يعنچ والله بس ما اعتقد انه حليب رقم ٢ يفرق طعمه عن رقم ١
وبالنسبه حق كميه الحليب انتي حسبي چم علبه يستهلكها خلال اسبوع واما الحفاظات اشتري زايد بس حطي بالچ تاخذين كميه وبعدين تصغر عليه الحفاظه يعني اخذي على الاقل چيس قياس اكبر