احلى تجمع امهات موالـــــــــ سبتمبر +اكتوبر يــــــــــــــــــــــد 2010

[Tejan]

صباح الورد يا عرايس

 

[Tejan]

استراليه شلونج حياتي و شلون توته << يا حلو اسمها احس كل طيوبه تدخل القلب
حياج ام طيوبة ما سوينا شي و الله يعينج صج الولاده بالغربه مو سهله احنا بين اهلنا و نحس ضايعين
واااي الله يعينج على التطعيم اشوى احنا تو الناس على هالمرحلة

آهات حياتي عظم الله اجركم يا قلبي .. وييي ضاق خلقي على اللاب توب .. انا موبايلي اخترب يوم واحد زر عقلي صج صايرين ما نعرف نعيش بدون تكنولوجيا .. اقتراح >> اتصلي على احد اييج البيت يصلح اللاب توب اريح و اسرع تلقين اعلاناتهم تارسه الوسيط

Pure انا كنت ناوية احمل لما يصير عمر البيبي 6 او 9 شهور .. كنت ابيهم ورى بعض
بس الحين ما ادري شكلي بعيد حساباتي !! و محتارة بالنسبه للمانع قلت بسأل الدكتورة شنو تنصحني فيه موعدي معاها الاربعا الياي ان شاء الله .. و بسألها حتى عن الجهاز تنصح فيه او لا

ميمو شلونج ؟؟ و شلون الصغيرون ؟ ما ادري اذا يصير تدفعين النص .. اتصلي عليهم او روحي لهم اتوقع اذا شافوج جد يرضون :016:

جوجو قصتج تنشف الدم و توقف القلب و تخلي الحريم يعزفون عن الحمل و الانجاب لوووول
الله ياجرج يا رب و يطلعج من باجي شره .. سؤال جانبي >> تتوقعين له علاقه عدم احساسنا بالامومه بأن احنا والدين قيصريه ؟؟ تتوقعين كان احساسنا بيفرق لو والدين طبيعي ؟؟ :eh_s(2):


ايفا يا حياتي ولدج كسر خاطري ما يشوف شر حبيبي خلج يمه ميخالف يومين و يعدون بسرعه الله يعينج

ام رتوجه صاجه مليون بالميه الصدقه و قيام الليل و الدعاء و البقره يفتحون لك الابواب و يسهلون كل صعب .. الله يخليلج حمني و اخوانه و يصلحهم و يقر عينج فيهم

ام جود ميخالف هذي ضريبه الامومه ماكو نوم .. اممم انا اتوقع جودي غيرانه .. شرايج مو يمكن ؟؟

الماسه حيااااااتي
:happybday: كل عام و انتي بالف خير :happybday:
:lolo: عساها سنه حلوة تتحقق فيها كل احلامج :lolo:
و انا اقول ليش حبج شكل ثاني اثاري كلنا ام سعود يا هلا بالسميه :balo:
و الله مسكين كاهو يمي ما نام و لا دقيقه يسكت شوي و يرجع يصرخ يكسر الخاطر ما احب الياهل لما يمرض يعور القلب تحسين الكبير ميخالف بس الياهل ما يتحمل
ما تشوف شر اسومة يمكن من الجو او سنترالكم بارد عليها
مبرووووك طلوعج من الاربعين عسى كل ايامج افراح و عسى ربي يخليلج زوجج و عيالج و ما يحرمكم من بعض
انا كلش مو راعيه مخيمات حدنا شاليه او مزرعه كلش ما اقدر افيدج .. بس شلون يكون الوضع ؟ وااايد برد ؟ الصغيرونه تقدر تتحمل تتوقعين ؟

 

[المـاسة]

تسلمين حدي فري

وأنت بخير ياقلبي

توتو صباإاح الأنوار يالغلاإاإاإ

 

[Tejan]

هلا وغلا بتجتوجه حياتي انتي الي كل القلوب تفز لشوفت نكج ولي هل عطرج بالمنتدى بعد قلبي والله احبج من صمصومة قلبي

وااااااااااااااااي لا ماقدارش ااا ألبي ألبي
شنو هالكلام المنمغ حدج احرجتيني :s141:
صج ما يصلح بسس و الله استحيت و خدودي صارت حمرة
و انا احب اكثر يا صمصومة حياتي انتي :hjy5jewf:

بنات اتصدقون ولدي ماينام كله بجي ذابحني كله بطنه لويه مع انه حليبه ابيتاميل كومفورت وايد زين وأعطيه بمبي فاز وهملايا بس ماكو فايده غير الينسون والكمون شنو الحل ساعدوني ابي أنام ساعه على بعض

حبيبي والله يمكن غازات .. دهنيه بزيت زيتون دافي مع مسمار ما يشوف شر ان شاء الله

بنات ابي حل سريع وافرقة انقاذ أنا احس يطلع من رحمي هوا مع ان باقيلي 10ايام على طلعتي بسرعه ابي حل شلون مابي افتشل جزام ريلي

طاطو طاطو طاطو << فرقه الانقاذ كاااااااااااك
امممم صراحه ما عندي سالفه و ما اعرف بس بحاول
استخدمي تحاميل تنظف الرحم ..
سئلي دكتورتج ..
ييبي رداده زينه تضبط رحمج ..
و ان شاء الله ترجعين لبيتج احلى عروسة

 

[المـاسة]

هلا توتو كل أم سعود حلوه خخخخخ يافديت كل أم سعود

وأنتي بخير يا قلبي والله ماتذرين شكثر يفز قلبي لما اشوفج

وع طارئ البيبي ماينإم كلهم جذي توهم صغار ومايعرفون يشكووون لو يتكلمو أهون جان عرفتي علة البيبي


أهات عظم الله أجركم حبيبتي


أنا اليوم الصبح بصراحه مشتهيه اطلع ضايق صدري وقلت دام اليوم لي أربعين يوم بقز مع بنت أختي وبنت اخوي وان شاء الله ناويه اطلع بعد خمس أيام يعني قلت بروح حده حده ع حزة العيد احلى الواحد ماله خلق يكشخ مرتين وراء بعض كفائه الميزانية تعبانه والله يعيين

 

[Tejan]

هلا الماسه شلونج مع اللويه ؟

انا تعبت يا بنات كل يوم عندنا ناس
صج يمعه و سوالف و وناسه بس تعب احس جسمي مكسر
اليوم كانت عندنا جمعت عمامي تدرون متى طلعوا 3 الا ربع الفجر << و الله العظيم
يعني توهم ماشين من ثلاث ساعات !!!!!!!!
ما عندي وقت للصالون و للسوق و زوجي اليوم يقولي خلي طلعتج بالعيد

كلش مو متهيئه نفسيا للرجعه و ما سويت و لا شريت شيئ

ودي اروح العمرة قلبي مقموت
و كارهة زوجي شيئ مو صج .. اليوم زارني مو طايقه ريحته مو متحملته احسه قاعد على قلبي !!
<< عادي نساة بالنفاس !!!!

 

[Tejan]

لوووووووووووووول

الماسه فديتج ام سعود و فديت سعود

اقول حق امي احس اسمي يحتاج سامرية !

 

[Tejan]

سؤال برئ وين فتون ؟؟

و هم سؤال برئ ..
بنات سبتمبر وينكم ؟ اذا ما تبونا نمشي افا عليكم ِ:ِ(

 

[المـاسة]

ههه يا حلوج يا توتو


الحين موسم حج واذا ربج كاتب لج العمره روحي بعد الحج وان شاء الله مكتوبه. لج


ع فكره والله يا توتو ان حالتئ نفس حالتج وكل مايزورنا أبو العيال اتضايق وكله أقوله هاه متى بتمشي طرده ذربه خخخخ

وكل يوم يكلمني يقول أحس انج متغيره وماتبيني وأنا اتحجج وأقوله لاإاإ هذا من النفاس مو متحمله حتى نفسي وع طارئ الزواره صاجه بيجان الناس يطولون ليش

أهم مايعرفون ان النفاس تتعب وتبي تريح وتنام الله يعيين أنا أمس زارتني مرت حماي بس ماطولت عندي والمشكله اين بالفتره هذي حيل مشغوله يعني الوحده من بعد شهر قاعده تجهز يعني مو فاضيه لأحد

أهم شيء انه مايصيب الوحده أكتئاب النفاإاإس ئالله الحمدلله كله باجره

 

[Tejan]

اشوة طمنتيني لاني مستنكرة عمري

اقول اشفيني مو حابه البيبي و كارهه زوجي و منزعجه من الناس !!

مو معقوله طبيعي اكيد فيني شيئ

بس اذا كلنا بالهوا سوا يعني فترة و تعدي ان شاء الله

 

[المـاسة]

بإذن الله فتره وتعدي بس تعوذي من الشيطان الرجيم


بس مافينا إلا العافيه هذي كابه النفاس انتي ماتلاحظين نفسيتج تغيرت بالنفاس

أنا كل ولاذاتي جذي يعني تحوشني الضيقه وعادي تصيب معظم الوالدأت وان شاء الله فتره وتعدي يا عسل

 

[Tejan]

ان شاء الله يا مسمس << دلع ماسه ام اسومة خخخخ

لان العسارة تبي تطلع من خشمي

والله اونس وقت باليوم لما اكون بالتجمع حدي افصل معاكم

 

[Australia girl]

صباح الخير ياامهات ومساء الخير لي

شلونكم انشالله بخير

تيجان حبيبتي والله انتي اللي تدشين القلب وتوته تسلم على خالتها ام سعود لوووووووووووول

وعن الغربه هانت تاريخ25 انشالله مسافرين ورادين لديره ووقتها بسوي استقبال احس لويه ....مرات الغربه لها مميزات ومنها البساطه يعني ولدت بين امي وزوجي واختي وطلعت عادي مخي مرتاح ما احاتي كفر ولاده حلويات تجهيز وقبل الاربعين ماينتهي يومين بالسوق اشتري لي بجايم يديده وبس وورده من زوجي على طلاعتي وعشا من بيتزا المهم القلوب الصافيه والمحبه ..

 

[MeMoO-q8]

سلاااااام عليكم
باركولي اليوم طاح الخياط بس باقي غرزه وحده
وييييع الخياط اكتئاب ومحاتاة وضيقة خلق


شلووووونكم جميعا ؟

 

[MeMoO-q8]

كل عام وانتي بخير الماسه جم صار عمرج ؟ ٢١ ؟ العمر كله يااااارب. اتغشمر لوووووول عقبال ١٠٠ سنه يارب تقضينها بطاعه وعمل الخير يارب


حدي فري شخبااااااارج ؟ واي انتي وينج حدج قديمه !!!! عادي كلنا جذي ودعنا النوم والراحه بس يستاهلون عيالنا ،،


تجتوجه انا حجزت باجر عند الميدان ،، يقولون عندهم عرض للعيد خصم ٥٠٪ للعيد. التبييض كان ب١٠٠ وصار الحين ب٥٠ دينار. لايطوفكم ،، العرض من تاريخ١ هالشهر الى ٢٥ هالشهر

 

[نورهـ]

بنات شدعوا طلبت رقم ليندا محد رد علي

أبيه ضروري واللي يعافيكم

أبيه على. الخاص لأني ماشبك كثير

 

[Tejan]

استراليه .. عسى ربي يتمم عليكم و يسعدكم و تردون بالسلامة.. صاجه البساطه حلوة احنا اهني شقيانين من و انا بالخامس افتر يا كفر يا سوفنير يا حلو يا ورد و اخر شيئ الزعلان اكثر من الراضي و طول النفاس استقبل ناس ما اقدروا ايون المستشفى !!
منو خالتها ام سعود .... !!!!!!!! << ما عرفت عمري !

ميمو حياتي كيف الحال ؟
مبروووووووك و عقبال هالغرزة اليتيمة تستسلم و تطيح
الله يعينكم على الخياط صج احس يعور .. بس عالاقل تردين بنوته
انا عمليه احس ما راح افرق على زوجي بس زياده جرح بكرشتي

سويت تبييض مره عندهم .. ما حبيته ابدا ابدا و عقب اقل من شهر رجعت ضروسي حق لونهم < كان قبل عرسي و مشتطة
انا اسوي عندهم تنظيف كل 3 شهور واااااايد يونس و ما يضر الاسنان نفس التبييض

 

[Tejan]

افا عليج

ليندا
25754502
99526830

 

[Tejan]

نكته ذكرتني بحالتنا مع الرضاعه ..

محشش دخل امتحان علوم و كان السؤال الاول: اذكر 4 فوائد لحليب الام :080402ask_prv:

جاوب المحشش..

1- بلاش
2- متوفر 24 ساعة
3- لا تستطيع القطط سرقته


4- محفوظ في علب مغرية :s141:

كااااااااااااااااااااااااااااااك :icon30:​

 

[MeMoO-q8]

تجتوجه عاد انا بعد مجربه التبييض وماعجبني بس ماسويته عندهم لاااا مسويته بعياده ثانيه
والتنضيف اي انا ناويه عليه ان شاءالله ،،، واااااي مشتهيه اروح السوق بس مستحيه اقول لامي بطلع لان ادري بتزفني خخخخخخ