احلا تجمع المسافرات للبوسنه والهرسك حيااكم

[.:lady bug :.]

كوينتيه من قلب الفندق مادري ماحبيته مادري ليش
مع ان كله كويتيين
احنا انا وريلي معطينا غرفه بسريرين يقولون زحمه شنسوي
و ماكو كوايه بالغرفه
وبالليل بالعطل تسمعين الديسكو تحت
لان في صاله رقص تحت
بس موقعه حلو لانه قريب من النبع والنهر والسنتر



انوتاا
شخبااااارج وينج ماشفتج ودي اششوفج



انا اليوم رحت جبال ايقما تخبل وبراد وقعدنا قعده حلوه
والمرشد ياب لنا خووووش غدا بعدين رحنا صوب جبل يطل ع سراييفو كلها
وردينا الفندق نمنا شوي واحتمال اروح السنتر اشتري مكياج منهاتن عجبني ششريت منه حمره تهبل واااايد
وبحثت عنها ودريت انها تنباع بس بميونخ

 

[.:lady bug :.]

الجو فظييييع مطر وبراد بس الصبح حر
بس في اماكن باارده والله

 

[انوتاا]

‏​​‏​​هـ✾ـلا‏ الغاليه وانا بعد ودي أشوفج باجر ان شاءالله طيارتيع الساعه٥ .خلصت كل الرحلات تقريبا اليوم فاضيه خلاص والله شتاقت لي الديرتي .بس ياريت أشوفج بالوابي عشان انا زهقات ابي اتعرف ع احد

 

[كويتيه من قلب]

اختي lady bug مشكووره على ردج

والله يسعدكم باجي سفرتكم وترجعون لوطنكم سالمين

 

[باربي للابد]

السلام عليكم بنات:eh_s(7):

انشالله راح انضم معاكم بتجمع البوسنيات

حجزنا مع سفريات المرجاح رحلة 21/8

وايد متحمسة للبوسنة الكل يمدحها ولما بحثت عنها بالنت تشجعت اكثر

واختي lady bug :hjy5jewf:

يزاج الله خير على هالمعلومات وااااايد استفدت منج الله يجعله بميزان اعمالج يارب

وعليكم بالف عافية والله يونسج مثل ما فدتينا

واذا سمحتي حابة استفسر منج عن جم شغله :eh_s(22):خاصة اني حاجزة مثلج من المرجاح

وحجزنا بهوليود وعالطيران الامريكي دايركت

اول شي انشالله انا معاي بنتي 9 سنين وولدي سنة ونص

اكثر شي احاتيه الصغير اخاف يتعب

فابي اسألج شلون الطيران مريح ؟

والفندق انا والله ما كنت حابه احجز هوليود على كلام الاخت بوسنية بموضوعها

بس المكتب اقنع زوجي فيه والحين ضاق خلقي لما قلتي ما حبيته وازعاج

ممكن تفاصيل اكثر بليز

وموفرين لكم غلايه بالغرفة؟

وبالنسبة للرحلات تتوقعين عادي ولدي مو راح يتبهذل معاي ؟

وفيه اماكن اقدر اغسله واغير له؟؟؟

وشلون عاللبس اخذ صيفي خفيف ولا اثقل باللبس ؟؟؟؟

انا مفكرة لبسنا العادي بس باخذ حق اليهال جاكيتات خفيفه شرايج؟

وعالرحلات انتوا اتفقتوا مع المكتب اللي تابع للمرجاح ولا مكتب ثاني؟

حبيبتي ادري ثقلت عليج بس ميخالف تحمليني وايد محتاجة خبرتج :eh_s(22):​

 

[باربي للابد]

‏​​‏​​هـ✾ـلا‏ الغاليه وانا بعد ودي أشوفج باجر ان شاءالله طيارتيع الساعه٥ .خلصت كل الرحلات تقريبا اليوم فاضيه خلاص والله شتاقت لي الديرتي .بس ياريت أشوفج بالوابي عشان انا زهقات ابي اتعرف ع احد

اختي انوتا شكلج ما استانستي بالسفرة ممكن تسولفين لنا وتفيدينا بليز​

 

[بوسنية]

السياحة في البوسنة و الهرسك
اهلا و سهلا
http://www.q8yat.com/t900875.html
​

 

[.:lady bug :.]

حبيبتي اخذي راحتج بالاسئله
بس خل اقولكم عن رحله اليوم حق بحيره بروكشكوش
صج الطريج ضيج وفلم رعب بس تهببببببل تهبللللل
ونصيحه ياتاخذون سماط للقعده او تاجرون كوخ بالجبل
وقبل ماتصعدون اخذو معاكم طق طقه
وبالنسبه لاسالتج ي قلبي اعتقد ع شهر 8 ع قوله رفيجتي البوسنيه بيتعدل الجو وبيبرد
بالنسبه لعيالج اخذي لهم للس ربيعي موثقيل وايد وجاكيتتات احتياط
والطيران الامريكي مادري كراسي ضيجه وتاخر ع ماطار بس شتسوين حجزتوا خلاص
والفندق ماكو غلايه هذي الي ازعج رجلي لانه لازم يشرب الصبح قهوه واحنا نسينا غلايتنا
ولاتنسين كوايتج
والرحلات بيتعبون الجهال باماكن لان اكثرهم صعدات وجذي
اما المرشد لقينا عدنان بالريسبشن هذا ماسك مكتب سياحه وعنده كتاب وعطانا رقم مرشدنا الي وااااايد وااايد طيوووب حده ويتكلم عربي ومطوع
دارس سنتين بالمدينه
واما عن ولدج وتبذيلته مادري يمكن ابتتعبين اخذي قشج معاج بكل مكان

والفندق متروس كويتين كله كويتيين واااايد
ومزعج بالليل بس بالعطل هذا من عيوبه
وهذا الي شفت من الفندق
ونصيحه لاتاخذون فيزه نصيحه خلوا فلوسكم كاش وبعضها ببطايق السحب
في مكاين سحب بالفندق وبالسنتر
فلوسنا الي بالفيزا كلش مااستفدنا منها
لاتفكرون بالتسوق لان ماكو شي


واما المطاعم انصحكم وبشده بالمطعم التركي الي قريب من الفندق لذيييييذ
والمطعم الهندي الي حده لذيذ اسمه تاج محل وقريب من الجامع الكويتي
اكل فندقنا ماحبيته
والمطعم الي بالسنتر الي اصحابه مسلمين ماحبيته بس حبيت الكوفي الي عندهم
وتظل الناس اذواق

 

[باربي للابد]

حبيبتي lady bug ما قصرتي حياتي

تصدقين ضاق خلقي

انا اذا بروحي مو مشكله بس ولدي جذي بحاتيه الحين بالطيارة قلتي ضيج اخاف يتعسر علي

والفندق دامه متروس كويتين عيل فوضى وازعاج الله يعينه عسى ما يسوون ديوانية

وزوجي يبسط عندهم

الله يعينا وانشالله ماتطلع السفرة من عيني

انزين حياتي ولا عليج امر ممكن اسم المرشد اللي مدحتيه​

 

[باربي للابد]

حبيبتي نسيت اسألج الفندق لما شفناه بالمكتب كان جدامه حديقة والعاب صح ؟

شلونها زينة حق اليهال ولا ما تسوى؟

وانتي كان معاج يهال ولا رايحة بروحج؟​

 

[انوتاا]

اختي باربي بالعكس الحمدالله استأنست بس وايد عليها ٨ وحلوروه طبيعتها

 

[.:lady bug :.]

الحمام سباحه للاجانب والمفاصيخ
بس يقول ريلي في حمام بالدور الاول لليهال
والمرشد لارديت بحط رقمه ابشروا
اليوم رحلتتا الي موستار وشلالات كرافيتس ونبع بونه ونااااااسه

 

[الـزيـــــن]

مآشالله ..
تردون بالسلامه إن شالله
انا حجزت على تآريخ 25-8 عالتركيه ,
شسوي مالقينا حجوزات ماشالله كله فل ,,
الله يتممها علي





بسسسسأل عن السـوق .. حلووو اخذ مبلغ للتسوق .. وإلا مآفي شي يذكر

 

[لينوفر]

انا بعد يومين باذن الله بكون في البوسنه

 

[.:lady bug :.]

الزين لاشي يذكر صدقيني ماكو سوق
الا مكياج منهاتن الالماني مادري في بالككويت او لا سمعت انه متواجد بس بميونخ
لينوفر ان شاء الله تتهنين
اليوم رحنا مكان متعب لرابع اكبر شلال باوربا
ويقول مرشدنا السياح مايجون اهني احنا اول سياح
لان الطريج يتعب
صج بنات تعبنا واااايد ماانصح فيه متعب

 

[.:lady bug :.]

هذا رقم مرشدنا مدين رايد طيوب وخلوق وطيب ومحافظ ع الصلاعه
0038761536000
وتعرفت ع زوجته تهبل وقامت تروح معانا بكل الرحلات
ووايد طيوب واايد ومحترم وينصح وويعلم

 

[.:lady bug :.]

قولو اخذنا رقمه من سعد وزوجته ههههه

 

[الـزيـــــن]

.. يوه عاد انا غرامي التسوق,
نقزرها بتركيا بالسوق الحره هههههههه حريم فينا فينا

ان شالله تردوون بالسلااامه , بس بشكل عام الديره حلوه

 

[.:lady bug :.]

تهببببل اديره
والله يسلمج حبيبتي
واحنا بنقزر الهدايا من سوق الكويت الحر هههههه

 

[.:lady bug :.]

وداعا البوسنه
وداعا يااجمل دوله
وداعا يامادري شقول خنقتني العبره
ان شاء الله لي رجعه باذن الله
ياحلي ايام عمري والله
يااجمل ذكري يالبوسنه