اول مره ادخل القسم وعجبني اقرا الموضع ولا شدني اكتب لج رد ونصيحه مع احترامي لنصايح العضوات. مع اني قايله ماببي اشارك الا بعد الامتحانات...
انتي اكيد دخلتي طرف ثالث ومافاد واكيد حسبتيها انج تتركينه وتروحين بيت اهلج والنتيجه فيها خساير...
فنصيحتي ياطويلة العمر انج تحصنين نفسج هذا واستغفر الله ان ماكانت هيه اللي تسحرج وتسحر ولدها والله اعلم.. اللي تقول جذي اكيد عندها تجربه او مريضه من تجارب عليها.
المهم حصني نفسج انت نفسيا روحانيا وخارجيا.
يعني طمني نفسج وخليج رايقه دوم انفعلات وتبجبج مانبي واي شي يجي من برا كلام او شي ماراح يجيج لانج بتحطين حاجز والحين اشرح لج شلون، والروحاني مثل ماقالو الخوات القران الصلاة وقيام اليل .
ريلج طنشيه ولاتطنشينه يعني لاتبينين له انج ميته عليه وتبينه يسوي لج شي او ياكل معاج.
شوفي هو من يجي البيت سوي اكل بيت طبخج واحلى الطبخات واكلي انتي وعيالج وان شالله تعزمين امه وخواته علاكل وهو لاتعزمينه قولي قدام الكل انج تحرجينه بانه اكل برا او راح ياكل مع ربعه وسكتي وغيري الموضوع وسولفي وضحكي وعلقي على شي يضحك الكل وعيالج استانسي معاهم وطنشيه عل الاخر بيني له انج مو محتاجته. واذا احتجتيه اخذي منه فلوس ومشي العيال وطلعيهم برا ان شالله تاخذين خواته وتمشينهم مع عيالج وتتسوقين لهم من فلوسه صرفي انتي فلوسه احسن مايصرفونه هم بطريقتهم..
هو شوي شوي تبين حقيقته
ها لاتنسين تكونين دوم حلوه ورمانسيه بغرفه النوم والبيت
اكتبي اشعار بخط ايدج وخليها على الطاوله وكانج تسوين مجموعه شعر وخواطر،، وان سالج قولي خيال مايهمك تقراه.
والعيال اذا عندج او عنده اخو خليه هو يطلعهم خليه يغار شوي ..
بعد مايميل من هل الطريقه تجي الطريقه اللي تقربينه منج مثلا تنشغلين وشغلج اللي الحين تسلمينه له يعني اكل هو يجب لكم يطلع العيال...
بخصوص الام والخوات صبري عليهم ، مثل مايقولون كما تدين تدان.. يعني الدنيا دواره.
المهم ادري طولة عليج
بس انتي لاتكلمينه ولاتفاتحينه بالموضوع لانه من النوع اللي يعاند.. طنشيه قدامهم تحصلين على اللي تبين.
وبس ان شالله النصيحه تنفع
