احــلف بالله راح ادعي للي تساعدني انشالله بكل صلاه لي !! {لتصفية البشره}

[all0o0o0ya]

السلام عليكم ورحمة الله وبركاته...
بنات انا بيضه بس مع الزمن صرت بيضه محترقه
خصوصا فتره ما كنت اهتم بنفسي وحاليا والله اشلع جلتي بالليفه بس ماكو فايده وسنفره
وسوالف ولا تفتح درجة لووني لو واحد ابي حل ابي اصيييير بيضه :gr4uu:
مثل بياض ايدي وفخذي المشكله جزء ابيض وجزء اسمر
:krkrkr: بتاع كلو انا
جد تعبت بس عموما مو بيضه وايد انا يعني حــمره مشكلتي اييدي وااااااااايد بيضه
وويهي احمر ومحترق اتفشل لما احط ايدي ع ويهي
قمت اشك انيي مركبه مو اصليه هههههههه :080402ask_prv:
لان الفرق شاسع والكل علق على اختلاف الالوان بين ايدي ويهي فشله والله ...
ياريت اقدر اكون فاااتحه ...:eh_s(11):
غير ان جسمي كله حب شباب واشياء جذي ماعليكم كلافه ياريت
تدلوني على كريم ولا شي ويكون مضمون ومفعوله قوي لتصفية البشره وهم اخير طلب
ادري كثرت طلبات بس انتو طيبين وانا والله استاهل
خدودي مختفيه مافي خدود لاني ضعفت واختفت وشهش صار مو شي ابي حل بس
ما ابي حل مؤقت الله يعافيكم :bbbiu:
انشالله تفيدوني املي متعلق فيكم حبايب قلبي فديتكم.

 

[عايشه حياتي]

رد : احــلف بالله راح ادعي للي تساعدني انشالله بكل صلاه لي !!

حبيتي مو الكريماات ولا الخلطات بتنفعج اذا تبين نصيحتي روحي طبيب جلدي وهو يعطيج علاج وكريماات وانشالله بشرتج بترد مثل قبل واحسن انشالله اكون ساعدتج هااا عاد لاتقصرين بدعاائج لي ان الله يحقق الي في بالي ...

 

[MiSs*StYle]

رد: احــلف بالله راح ادعي للي تساعدني انشالله بكل صلاه لي !!

حبيبتي شوفي موضوع تلاقينه بنفس هالصفحه كاتبه فيه كل شي والله يوفقج ان شاءالله

 

[om al ghaleen]

رد: احــلف بالله راح ادعي للي تساعدني انشالله بكل صلاه لي !!

حبيبتي روحي دكتوره جلديه رآح تفيدج آكثر
تعطيج فيتامينات تساعد بشرتج ولاتنسين التغذيه لها دوٌر


\\

 

[دغيسه]

رد : احــلف بالله راح ادعي للي تساعدني انشالله بكل صلاه لي !!

حبووووبه انا مثلج عندي او عندج خير اعاني من اثرالحبوب او حبوب تطلع مادري وين
رحت المستوصف شهر 9 هذا او عطوني تحويل على الجلديه الي بشارع سالم لمبارك جبال مجمع الفنار يم مركز السلطان اول مادشيت حسيت اني سيلانيه
من كثرتهم والريحه سوري انا اقولج من الحين عشان ماتنصدمين
الزبده
صعدت فوق
عشان عندي تحويل من مستوصف دشيت على الدكتور حمدالله مافي زحمه عشان دواامات اليهال
او قلت حق الدكتور اني اعاني من اثر الحبوب
عطاني غسول او نفسيته وايد حلوه حبوووب عايلته الشايجي
او حبوب مضاد حيوي حبوب بعد الأكل
او كريمين
واستخدمهم بليل
يعني السبت استعمل الأول
الأحد استعمل الثاني
يعني بتناوب عرفتي
او قمت احس بفرق
الدكتور قالي يبيلج 3 شهور صح كلامه مافي شي بيوم او ليله بس لحد الحين حسيت شوي بفرق انشالله ايام اليايه اشوف نتيجه حلو
نصيحه مني
لحد يقص عليج يقولج استخدمي كريم مادري منو ولا خلطه او مادري شنو كل وحده خلطة كريم الفلاني مع خلطه مادري شنو صارت خبيره خلطات سوري بس هذا الصج او هذا جسم المفروظ ان احنى مانستهين فيه
حبيت انقلج تجربتي
او موعدي مع الدكتور الشهر هذا
سوي الي قلت لج عليه اذا تبين اسم لكريمات الي عطاني اياهم قوليلي
لاتنسين تدعيلي ))

 

[آثار حمده]

رد: احــلف بالله راح ادعي للي تساعدني انشالله بكل صلاه لي !!

السلام عليكم خواتي حبيت إن أقولكم معلومة في غاية الاهمية ما يجوز تكتبون إنشاء ولكن إن شاء الله لازم تفصلون إن عن شاء لأن إنشاء تحمل معنى خطير في حق الله تعالى وشكرا

 

[ســكره ورديه]

رد: احــلف بالله راح ادعي للي تساعدني انشالله بكل صلاه لي !!

اولا شي استخدمي واقي شمس اختاري اعلى درجه حمايه

لان وجهك الشمس لعب فيه والشمس يحرق غير النمش غير بقع الشمس فأول شي الحمايه خليه معك بالشنطه وكل 4 ساعات حطي منه

بعدها اذا رجعتي استخدمي غسول او صابونه خاصه لنوعية بشرتك يعني اذا هي دهنيه او مختلطه كاحالتي انصحك بصابونة المره والكركم روووووووووووعه قليله فيها طبعا مااعرف اذا فيه تقليد بس اللي عندي الصابونه لونها عسلي غامق وعلى الجنب المره حتى انها خشنه من الجنب عشان المره

اشربي عصير برتقال فرش مفيد لجمال البشره

وكثري مويه

طبعا خلطات تبيض للوجه مااستخدم ولا اعرف لها كثير بس البنات راح يفيدونك وبعد القسم فيه خلطات

استخدمي اسكينول بالليمون الاصفر احلا شي بالقطنه الصباح وقبل النوم وجهك ورقبتك

خذي لك كريم مرطب خفيف على البشره انا استخدم اولاي طبعا لان بشرتي دهنيه فما استخدمه بكثره بس كم نقطه بعد الشاور او اذا غسلت بصابونة المره وحسيت اماكن بوجهي نشفت اما الدهنيه مااحط عليها

خذي لك سكرب للوجه افضل شي بالمشمش مرتين او مره بالاسبوع عشان تروح طبقة الجلد الميت و تتشرب اي شي تبين تحطينه عليها


هذا اللي انا اسويه حاليا طبعا قبل فتره استخدمت غسول بوندس لما تعصرينه يطلع لك مثل الكريم وفيه حبيبات رووووعه احس بشرتي تفتح بعد مااستخدمه جربيه اذا تبين لان فيه بعضهم ماناسبهم للاسف وترا صابونة المره والكركم تبيض غير انها تعالج الحبوب


اما المتن اشوف بنات ينصحون بالسيريلاك يمتن جربيه ان شاء الله يفيدك


وبالتوفيق حبيبتي اتمنى اكون افدتك لو بشي البسيط

 

[مزيونه وشقره]

رد : احــلف بالله راح ادعي للي تساعدني انشالله بكل صلاه لي !!


شوفي هالموضوع يفيدج ان شاء الله

http://q8yat.net/showthread.php?t=496880

وللجسم شوفي توقيعي وتجارب البنات



مع تحياتي ياحياتي

مزيونه وشقره

 

[آنسه دراقه]

رد : احــلف بالله راح ادعي للي تساعدني انشالله بكل صلاه لي !!

حبيبتي دام ان كنت بيضة و تغيرتي هذه ممكن انها تكون تصبغات جلدية ناتجة عن خلل في صبغة الميلانين نتية تغير هرمونات الجسم بسبب حمل او ولادة او من التعرض للشمساو غيره فراجعي دكتور جلدية احسن لج و اضمن و عموما اذا كنت تستخدمين شي خلطات او غيره هديه و خليج على الصابون المغربي و ماسك ماء ورد و نشا و ادعيلي الله يوفقني بدراستي و يكتب لي كل اللي فيه خيرة لي

 

[جروح خالده]

رد : احــلف بالله راح ادعي للي تساعدني انشالله بكل صلاه لي !!

اول شي اهمتي ابشرتج بالتقشير والحمايه

سوي تفشير بااي عياده وعقب الكريمات والمرطبات لاتقطعينها ابد وكرررريم الحمااااايه

 

[Lilly - KSA]

رد: احــلف بالله راح ادعي للي تساعدني انشالله بكل صلاه لي !!

خشيت عرض
شوفي انا وحده عجازة ومااستمر على الخلطات لا جسم ولا شعر
لذلك راح اتفلسف عليك شوي
انا أؤيد كلام الاخت اللي قالت انه ممكن يكون تغير بالهرمونات وكذا , لذلك فيه نبته كانت تستخدمها صاحبتي
لان تغيرت بشرتها بعد الحمل والولاده وشفت نتايجها عليها ..النبته اسمها البردقوش ..مدري وش يسمونها عندكم بالكويت
تغلينها وتشربينها يوميا ,فايدتها انها تنظم هرمونات الجسم اللي خللها يسبب الحبوب والتصبغات الجلدية وتساقط الشعر وتسوي كل شي يعني بتاع كلو
اقري طريقة استخدامها من موقع الدكتور عبدالباسط
استعمليها وبشريني ع الخاص بعدين لاني اضيع المواضيع ومارجعلها :d
ولاتحرمينا من دعواتك