احس بينه وبينه نفسه يقول جان زين لو زوجتي ..

[دلوعة الحلوين]

اهو صاير غزو من شباب ولا انا بس الي يتراوالي كل المواضيع من كويتيات جدد ما له الا 3 او 4 مواضيع !!!! اعتذر من الجدد ما ارد عليهم

 

[!! دلوعته !!]

اب اب

 

[dandrma]

اقولج شي لما اتطالعين نفسج بالمنظرة قولي اشحلاااااتي ويبخته فيني وصدقيني بتتغير نفسيتج واتحسين ابجمالج

وهم لما اتطالعين نفسج شوفي الاشياء الحلوة اللي فيج وحاولي تبرزينها

واخر شي اقولج لو انج مو حلوة بعيوووونه ما تزوجج الريال خلللللللللللج واااااثقة من نفسج

 

[Mjnont '3lay]

عندنا وعندج خير حبيبتي بس الثقه اهيا اللي تسوي اللي ما يتسوا صدقييييني
اذا انتي مو حابه نفسج صدقيني الناس مرح تحبج اذا انتي وثقتي بنفسج رح تلاحظين انه الناس تحبج بعيوبج
انتي من كثر ما تتشكين رح تطفشين الرجال منج
بسييييييييييييييطه قالج ليش لونها غامج !! قولي له وانت بعد ليش لونه غامج < سوري عالكلمه بس للتوضيح
المهمـ لا تقعدين تحظين عذر ما يتصدق بالعكس ناقشيه قوليله احنا جونا معرووف كله حار وهالمنطقه مكتومه علطووول ومسكره
وما يجيها هوا الا دقيقه او اقل بوقت الحمام اكرمكم الله فشي طبيعي انه رح يتغير لونها وطبيعة الجسم جذي من الله لازم تكون هالمنطقه اغمج من الجسم بدرجه او درجتين بس هذا مو معناه اني مو مهتمه !! < يعني اقنعيه بعذر قوي يخليه ما يعرف يرد مو تقولين كلمتين وتسكين
وبالنسبه للعين ترى اغلب البنات عيونهم صغيره بس مو نهاية العالم بالعكس فيه عيون رغم انها صغيره بس رسمتها حلوووه من الله
بس انتي ما تطالعين رسمة العين للاسف انتي كل همج حجم العين يعني تطالعين الامور من جهه وحده عشان جذي ماعندج ثقه باي شي وبعدين ليش تقولين انا مو حلوه وانا وانا وانا ليش انتي مو راضيه بحلقة ربج مثلا !! بالعكس انا قبل كله اقوول خشمي مو عاجبني اف ياربي ودي اسوي له عمليه واصغره وللاسف كل الناااااااااااااس تقول خشمج حلو وانا اقول العكس ليش !! لاني انا مقنعه نفسي بشي غلط وهالشي راااكز بمخي عشان جذي مهما الناس تقولي وتتكلم انا ما اسمع غير الصوت اللي بداخلي يقولي انه هم غلط وانتي صح بس الحين بالعكس دااااااااااااايما لمن اشوووف شكلي بالمنظره اقول الحمدالله اللي خلقني باحسن صوووره وبعدين بدااال لا تتحلطمين طووول الوقت ومو عاجبج شي دشي اليوتيوب وشوفي مشاااكل الناس وقولي الحمدالله الللي خلقني كامله ما ينقصني شي عالاقل انتي مو عاجبج شكلج بس غيرج ماعنده ايد ماعنده رجل ماعنده نعمة البصر اللي عندج اياها ماعنده نعمة السمع ماعنده اشياء واااااجد انتي عندج اياها انتي دايما احمدي ربج واشكريه عالنعم اللي انعمها عليج وصدقيني شوي شوي رح تتغير نظرتج للحياة بس نصيحه مابي نظرتج تتغير بعد ما تخسرين زوجج وعزوتج ترى كلمة ياليت ماااااتنفع لي فات الفوووت فهمتيني اتمنى تستفيدين من كلام البناااات وتطبقينه لانه احنا كلنا خواتج ونبي الزين لج وقاعدين ننصحج من كل قلبنا ومانبي منج غير انج تسمعين النصيحه وتطبقينها
والله يوفقج ياااارب مع زوجج

 

[pusy cat]

الثقه نص الجماااال

ولو انه مو حاب شكلج جان ما وافق عليج من الاساس

انتي باسلوبج راح تخلينه يستهين فيج ويطالع غيرج لان انتي مو معطيه لنفسج قيمه

ياما حريم مافيهم من الجمال ذره ورجاجيلهم يموتون فيهم وياما ملكات جمال ورجاجيلهم يخونونهم

اذا انتي حاسه ان فيج نقص جمال تجملي بشغلات ثانيه باللبس بالترتيب بالمكياج راح تطلعين حلوه

واهم شي تجملي بالاخلاق والأدب معاه ومع اهله

وسالفة المنطقه الحساسه نفس سالفة الركبه السوده لاهو وصاخه ولا احتكاك وكلام فاضي

الحطناويات جذي توزيع الالوان بجسمهم خلقه من الله ولا تقارنين نفسج بالشقر

اهم شي تنظفي عدل وتعطري وترتبي وخلج واثقه من نفسج

 

[قلبي عبدالله]

مافيه بنت موجميله وخصوصا في هالزمن

كل وحده فيها شي يميزها جسم او شعر او ملامح او لون والشاطره اللي تبرز جمالها

مافي احد كامل لكن ثقي تماما لو رضيتي عن نفسج وحبيتيها كان ماحسيتي بكمية هالاحباط

مثلا شيرين عبد الوهاب شوفيها قبل وبعد

فرق السما عن الارض كانت قمة الجكاره شوفي شحلاتها الحين ولاتقولي عمليات تجميل لا البنت اهتمت في نفسها واحلوت

وبعدين ليش تقولين له طالع البنات وكحل عيونك فيهم وانا مو مثلهم اسلوبج يخليه غصب يلتفت عليهم ويقارن

 

[popa]

الثقه تخليج حلوه غصب وفي عيادات تسويلج تبييض للمنطقه الحساسه

 

[فتون777]

شوفي صور نانسي عجرم شوفي عيونها شلون صغار

المكياج ماخلا شي

وصدقيني حسيت ان زوجك يحبك
واهله لو مايحبونك كان بان عليهم وسوللك مشاكل

حبيبتي
عسى ربي يجملك بعيون كل البشر
ومافي بنت مو جميله بس بنات كثير
مايعرفون يبرزون جمالهم

بالتوفيق يارب

 

[انت مناي]

حبيبتي كثير بنات مو حلوين ورجالهم مزين وحيل بعد وماسوو مثلك بالعكس
وربي مبسوطين حيل مع ازواجهم وصدقيني ربي اختار لك هالزوج لانه
هو اعلم بان هذا الشخص المناسب لك الله يهديك ويسعدك

 

[نشيج الروح]

البنات كفو ووفو بردودهم اساسا إبداع
ومالي الا الدعاء لج ان ربي ييسر امرج ويهديج
ونصيحة لا تقارنين نفسج بالاوربيات الوصخات الي شفتيهم الله يهدييييييج
لا تشوفين هالمناظر غير مرة
وانا اعرف ريايل بيض خطو سمر ويحبونهم عادي

 

[ديانا سبنسر]

البنات كفو ووفو بس في شغلة ابي اقولها انتي تقارنين روحج معاللي بالافلام ؟ حبيبتي لو تحفرين الصخر ماراح تصيرينمثلهم لانهم موطبيعيات ومسويات شغلات لادينيا ولاطبيا نقدر نسويها حبي نفسج

 

[Tom ♥ Jerry]

.


ما ازيد على كلام ebda3
كل كلمه قالتها صحيحه .. و مابي اكرر كلامها

بالنسبه حق سواد المنطقه وايد اسمع انه عقب الليزر
تتحول المنطقه للونها الطبيعي ..
جربي تسوين ليزر منها تفتكين من الشعر و يروح السواد
و اهم شي الترطيب و العنايه و لا تخلين المنطقه رطبه على طول مسحيها
وقت الدورة اهتمي بنفسج اكثر .. لا تسمحين حق ريلج يقولج انتي فيج و فيج
و اهم شي الثقه بالنفس شوفي نفسج حلوة و مزيونة عشان يشوفونج الناس حلوة ؛$

عززي الثقه بالنفس عندج و لو تحتاجين انه تروحين دورات روحي
لا تبخلين على نفسج .. ترا الثقه بالنفس مو بس تأثر فيج كـ زوجه !
تأثر مستقبلا على بيتج و عيالج ، راح تتأذين طول عمرج اذا ما كنتي واثقه بنفسج

و هم في سالفه شدتني ذكرتيها و ما ردو البنات عليج بخصوصها !
سالفه انه ما تعرفين تسولفين ويا حمولتج تقعدين اغلب الوقت ساكته
حياتي هاذا كلا بسبب الثقه بالنفس و بسبه الكلام الي قاعد توجهينا حق نفسج
انا فيني و فيني .. و ريلج للاسفمو مقصر بعد انتي فيج و فيج
خلاج تتاثرين مع كل الناس تصير علاقتج سطحيه
دخلي بمواضيع وياهم و سولفي شوي شوي


موفقه يا قلبي ؛*

 

[chatterbox]

انا شاكة بشغلة
مادري اذا في غيري شاك أو لأ؟؟؟

 

[تفاحه صفراء]

وانا بعد شكيت وكأنج تفكرين نفس تفكيري

 

[اخت خالتهم]

عبالج احنا ناصعة بياض
والبنات هذول بالافلام الخايسة
يحطون كريمات قطيعه عشان يحسسون الناس بالنقص
و يحدونهم على الحرام


انتي خلج وااثقة
او حطي كريم او بودر ابيض

 

[خلود الزمان]

واثق الخطى يمشي مــــــــــلك

خليج واثقه من نفسه وحبي نفسج
وترا الجمال موكل شي صدقيني
ياما شفنا ملكات جمال بس اخلاق موحلوه وماحبيناهم كلللشش
وياكثثثر اللي نشوفهم جمالهم عادي بنظرنا ملكات باخلاقهم

وعسا الله يسخر لج ريلج

 

[نونو العصله]

انا ما شكيت
شكيتو بشنو علموني

 

[chatterbox]

وانا بعد شكيت وكأنج تفكرين نفس تفكيري

اشوة في احد معاي

 

[العفو يارب]

الله يجملك بعين زوجك

 

[غنج اهلها]

سوي لج لوك يديد قصه صبغه رسمه حاجب يديده

واهتمي بجسمج دشي نادي اذا مومتناسق او متينه اشوي

اذا نحيفه كلي حبوب تفتح شهيه

دشي قسم هني العنايه بالجسم والشعروالبشره

اذا متوفره لج الماده سوي ليزر اسرع نتائج

بخصوص الافرازات وجذي ماعرف لهالسوالف توني بنت بس روحي لدكتورة نساء وخل تعطيج علاج وهالسوالف

وخليج واثقه بنفسج اذا حسيتي قايمه بكل واجباتج

اذا يتكلمون بشي عندج عنه معلومه سالفه شاركي مولازم كلامج وايد الموهم مشاركه منج وياهم

واذا ماعندج شي بالمرة كافي ابتسامتج بويهم والله الابتسامه سحر

والاخير انصحج باهم شي االاستغفار و لدعااااااااااااااااااء ان الله يسخر لج زوجج ويجملج دوم بعينه واطلبي الله بصلاتج

كل شي لاتستحين فصلي وبثي شكواج للي ماتنام عينه والله ماتخسرين