احس بناااار بقلبي من زوجي لانه يخوني مع نفسي 

[C U T E]

ووااي الله يعييينج

 

[دمع القلوب]

ااااااه يا حرررة قلبي

كملت معاه

يقول وينج فقدتج

طبعا انا كنت ماسحه البرنامج وحملته وشفت الرساله اليتيمه

المهم كتبتله اعتذار اني انشغلت ونمت والحين بطلع للسوق ورد علي بعدها بوقت قال عادي فديت قلبج وانا بانتضارج


بنات امس قلتله ليش انفصلت عن زوجتك قال لانها مو فاهمتني اجيب لها اللبس وما تلبس

قلت اهي حلوه قال اي والله مزيووونه


بنات انا صح مهملته حيل من ردينا من السفر مالي خلق بس قسما بالله بالسفر كنت اروح انا وياه واخليه يختارلي والبس ومرات البس وانا مالي خلق اكون كارهه هالشغله بس اتحمل عشانه

تصدقون من رديت الكحل ما حطيته الا اول يوم رمضان مكياج بعد الفطور وبس

صج صج هملته

بس ما توصل يقول انه منفصل وانه متعرف على وحده بالسفر ونمت معاها

ويتكلم بالكلام الوقح اللي يقهررر


يا ربي شسوي 

 

[المـــــها]

شوفي حبيبتي هو أكيد بيجذب و يلف سوالف لي وحده تكلمه
ليش؟؟؟
يمكن يتسلى \ يمكن يبي شي بالحرام ؟؟ الله أعلم
لـــــــــــكن إياني و إياج تخلين بنت على بو انه ثقه تاخذ و تعطي معاه ديري بالج ما تدرين بنواياها
مالج إلا الدعاء و انج تشوفين شالسبب اللي خلاه يدور هالسوالف

 

[* بنت المطر *]

دام عندج سياره واعديه واكسري عينه !

 

[مزيوونه حيل]

لا تكملين معاه بيطيح من عينج اكثر .. دام يهمج وقاعده تبجين خلي بينكم شوية قدر و واجهيه قوليله انج شفتي بتلفونه سوالفه مع هالبنت وعطيه كل السوالف وازعلي

يتأدب عقبها صدقيني وبيجيه احساس بالذنب وصج بيتعدل معاج

 

[فطووومة]

لا حبيبتي لا تكملين معاااااااااااه ديري بالج

ولا تواعدينه انتي اللي بتخسرين بيشك فيج ويقول متعودة على المواعد وهالسوالف


ولا تقولين له انج اللي كلمتيه

ترى انتي الخسرانة بيصيبه الشك وما تنفعج هالسوالف كلها

----------------------

انتي عرفتي شنو يبي وشنو اللي ناقصه وانتي اعترفتي

خلاص الحل عندج


سوي اللي حاسه انج مقصرة فيه واللي قالج عنه

والله يهديكم يارب

نصيحة لا تدخلين احد بينكم ترى الرفيجات هالايام مالهم امان خوفج تستانس فيه وتاخذه حقها هههه

ولا تيبيين طاري البرنامج بيطلعج انتي الغلطانه ليش تفتشين بتلفون



الله يوفقكم يارب

 

[الغاليه نونو]

ياقلبي والله كسرتي خاطري


بنصحج لوجه الله وانتي وكيفج يمه ان طعتي كلامي سلمتي من الشر بإذن الله ون طنشتيني انتي وضميرج

الحين انتي حستي بتلفونه ولقيتي خياناته علي قولتج مع البنات وكل شي قايله لهم جذب وييتي انتي كملتي عليه وكلمتيه ودريتي انه راعي بنات وحريم

شاللي بتوصلينه؟؟؟؟؟؟؟؟؟؟؟؟؟؟؟؟؟؟؟؟؟؟
دريتي ان ريلج لعوب بس علي خفيف
+++++++++++++++++++++++++ اهني مربط الفرس

انتي الحين حاولي تصلحين من نفسج معاه حتي لو انتي كااامله مكمله ومافيج عذاريب لابد في شي مخليه يدور غيرج بالسوالف دام يتغشمر ويضحك مع البنات يعني مولاقي من تضحك وياه وتتغشمر بالبيت انا اقول يمكن

تقدرين تحولين بيتج من جحيم لي سعاده بيدج كل شي تقدرين تسوين كل اللي تتمنينه وياه بس بعقل وبركاده
اذا بتتبعين تصرفاته من وراج بتتعبين يمه وبيشيب راسج قبل اوانج

تقدرين تواجهينه وتحطين حد حق تصرفاته لكن بنفس الوقت ماتضمينين انه مايسوي هالشي من وراج بموبايل ثاني ماااتدرين عنه
تقدرين تزعلين وتروحين بيت اهلج ويطلع ريلج من السالفه مثل الشعره من العجين وانتي تدفعين الثمن
تقدرين تتهاوشين معاه وتصارخين وتفقدين احترامج وتستمرين معاه وشرخ الثقه بينكم يبيله جبيره ترممه

كل هالاشياء اللي قلتها لج تقدرين تسوينها بس احسنها وين؟؟؟؟؟؟؟؟؟؟؟؟؟؟؟؟؟؟؟؟

اكيد بتقولين ابي بيتي وريلي وابي احافظ عليه وهذى نزوه وطيش واقدر اداوي ريلي بيدي الثنتين بالتفكير الصح والتدبير السنع وقبل كل شي الاتكال علي الله حق التوكل ونيتج الصافيه بتملكين قلبه وبينسا كل بنات ابليسسسسس وبتكونين انتي الوحيده اللي مابعدج بعد ولاقبلج قبل

 

[krkooora]

كليتوا البنت بقشورها !!
شفيكم ترا بهالطريقه
راح تعرفين شخصيته اللي انتي ماتعرفينها و تعرفين و تسحبين معلومات انتي ماتعرفينها و اهوا يمكن ما يتجرا يقولها
صيري ذكيه هالطريقه سلاح ذو حدين على قولتهم يا اما تنقهرين او تعرفين شخصيته و يتعلق فيج اكثر ليما تسوين اللي يحبه
ما قصرت ام زايد العتيبي اقري ردها ولها تجربه بنفس السالفه

 

[..~Goolz]

والله انتي فتحتي ع نفسج بااااب صعب تسكرينه

نصيحتي لج تنسين الي دار بينكم وتمسحين هالبرنامج من عند ريلج
وخلاص

لا تعورين قلبج اكثر

كل ما بحثتي كل ما تعبتي

الريال عيونه زايغه مهما كان وافي

 

[أغلى أمنياته]

الله يعينج​

 

[lovely jojo]

الله يعينج ويصبر قلبج

 

[أم الجوري]

اوووف قوووويه الله يعينج
ما اعتقد بتقدرين تثقين فيه ابدااا
فتحتي ع نفسج بااااب ما يتسكر
الششششششك والغيره

 

[هذا مزاجي]

الله يبرد حرتج حاسه فيج والله

 

[انسام الكويت]

الله يكون بعونج خلاص دام انتي عرفتي ريلج عدل تعدلي صري

وحده ثانيه خلي السوق عنج وحطيه بين عيونج تغيري بدون مايدري انج

تعرفين بسوالفه وخرابيطه دام انج عرفتي شنهو نقطة ضعفه تغيري وصيري الششي

اللي يبيه اهوا قال يحب كلام وانوثت هالدوله الفلانيه يعني انتي ناقصه نعومه وشويه انوثه

تدلعي تمنعي وبقلبج كثري استغفار وان شاء الله ربج يرده لج رد جميلا ترا زمنا اقشر حتى الملتزم لازم تحوشه

عرات ودام انه ماوصلت الامور للزنا والمواعد تلاحقي عليه وتسنعي والسوق تركيه عنج مو كل ماشفتيه حنيتي ابي سوق

شوف فلانه شرت كذا وعلانه حطت كذا انتي اهتمي بنفسج اولا وتغيري ترا عادي الدلع يبييله شويه تعويين جم حرف وتدلعين

ضحكي بنعومه وسالفه انج تكلمين اللعب والله بتتعبين وتكرهين يوم عن يوم وكلي امرج لله ودام في رب بالسما ان شاء الله بيتعدل وبيشوفج

انتي الحلوه بعيونه

 

[هيبة ملك]

ليش تتعبين نفسج

 

[ترف بابا]

هذي حلقة جزء قديم === بطاش مــــــا طاش

ناصر القصبي وعبير احمد

 

[حلوه بس بلووه]

لا لا تكملين بس سوي هالشغله وشوفي ردة فعله واعدي باي مكان على الاساس ان انتي البنت الي بالايفون ولما ييلج مثلا المطعم كلمي بكل هداوه وعاتبيه وازعلي وانشالله براضيج ويندم واللهيهدي ويسخره لج يارب

 

[LadY BuG 80]

اشيطان شااااااااااااااااااطر على قولتهم ,,,

بس مو كنهم مكبلين هشهر ؟؟

انا اقول مثل ما يخونك معاكي ,, انتي سوي نفس اشي و خونيه معاه :ggdw:

يعني اعتبري هاذا الي تواعدينه على التشات صديق و فضفضي له

قولي له انك متزوجه ,, و زوجك هاملك و كله على الهو از هير و انتي مليتي من تطنيشه و عدم اهتمامه و اتجهتي الى التشات مثله ,,

و كل يوم غثيه بشكاوي من زوجك ,,, يعني سوي معاه علاقه اخويه ,,,

راح تستفيديا اشيا كثثثثيره

اولا ترتاح نفسيتك لمن تكتبين الي بقلبك و تفضفضين عن خيانت زوجك و هبالته مع البنات

ثانيا راح يحن عليكي ( رفيقته الي في اشات) , و راح يحط زوجته مكانك و يستحي على وجهه و يعرف انه ارجال الي هامل مرته يخليها تنحرف و بتالي يبتدي يراعي الله في زوجته عشان لا تنحرف مثل الي يعرفها بلتشات

و الاهم من هاذا كله را يحس انه الحريم كلهم واحد ,, يعني الي عاجبته في التشات زوجها مل منها

و مرته مثل ماهو مل منها ممكن تعجب غيره ,,,

صحيح هاذا هو المضحك المبكي كل واحد مخلي حلاله و عينه على بنات اناس ,,,

الله يهديه و يبعد عنك وساوس ابليس :eh_s(17):​

 

[عذوووب الووورد]

هههههههههههههههه اضحك من القهر
شووفي انتى بهالطريقه تكرهينه فيج وبيتعلق ببنت الشاات فهمتى الحين العبي صح وكرهييه بهالعاااااااااااااااااااااااااالم قوليله انج تعرفين واايد وان كل هالبنات الى هنى جذي سوي روحج خاينه وكرهييه بشخصيه هالبنت الى بالبرناج فهمتى ورجعييله وصلحى اغلااااطج معااه


هو قال زوجتى بس تحب السوق << اخذيها بعين الاعتبار ولاتسولفين عن الاسواق سولفي عن مواقف تضحك عن سوالفه اهو ربعه قبل ضحكى معااه تعرفي على شخصيته اكثر وكثر قصيله قصص عن التاريخ وهالامور حطى نفسج موسوعه بالعربي رافجيه اقلبــــــــــــــــــــي الطاوله


والله يكون بعونج

 

[دلع العتبان]

واااااااااااااي ليش تنبشين وراه الرجال والله مايملي عينه غير الاتراب والله مصيبته مصيبه
بس لو مكلمله معاه وشوفي شنو اللي فيج عيوب وكمليها وقطعي كل شي وصلي واستخيري واستغففري حبيبتي ولاتنسين الدعاء حياتي والله يهديه ​