احس بناااار بقلبي من زوجي لانه يخوني مع نفسي 

[بولندية]

من جذي ما أأيد اللي تفتش من ورا ريلها

واللي تفتش عندي تقط كل شي ورا ظهرها احسن مع ان ادري صعب عليها

الله لايقوله حتى الطلاق ترى مو شي سهل ادعي ربج والله يسخره لج يارب

 

[Tom ♥ Jerry]

,

خلج معاه على الخط يعني كملي الفلم !
و قوليله كلمي عن زوجتج و جي شوفي شنو الي يحبه فيج و شنو الي مآ يحبه
استفيدي من هالـ خطه .، يعني خليها لـ مصلحتج .

 

[very valentino]

allah ykoon be 3oonek

 

[أمولة أمول]

كملي وشوفي أخرتها معاه ولا تقولين انج تكلمينه لان هالنوعية شكاكين ويمكن يقلب الامور ضدج

 

[كراميلا مرة]

الله يبرد حرتك
ويهديه
كملي وياه وشوفي شنو يصير

 

[GaLbI t7aWaL]

نصيحه لكل البنات المتزوجات :

صيروا رفيجات حق زوجج وليس زوجات فهمتوا ..

100%:eh_s(15):

 

[classicyah]

الصرآحه انتي غلطآنه ،

المفروض مآ اتفتشين و لآ اتكلمينْ زوجج بالبرنآمج ،

90% مآ ايي من ورى هالحركه غير عوآر القلب و الصدمآت . .

يعني وحده اتكلمه و تتقرب منه ، بيقول لهآ لآء مثلاً و أنآ متزوج و عيب ؟

مآ بيسويهآ الآ الي ايمآنه بالله قويْ ، :/

،

لآ اتكمليـن ويآه ، و لآ جنج شفتي شيْ ،

و دآم قآل انج مشفوحه ع السوق ،

لآ تطلبيـن منه وآيد ،

كوني صديقته ، و لآ تطلبين منـه السوق وآآيدْ . .

و شوفي اهتمآمآته و خلج مرحه و فرفوشه ،

و ان شآءالله مآ بيطآلع غيرجْ . .

الله يخسره لج و يهديه ،

 

[احلى ـآ وحده]

لآ تكلمين ولا شي راح تكرهينه وطريقتج غلط ..

 

[dream_q8]

والله فتحتي ع نفسج باب جهنم

انتي تحترقين وهو يعيش احلام اليقضه والمشكله ماراح تنحل بالطريقه هذي

استهدي بالله وادعيله وكلميه بطريقه غير مباشره وحاولي تشغلينه باي شيء

مشاوير ,تجديد بالبيت ارتباطات عائليه اي شي...

وانتي اشغلي بالج باي شي ........ ادري صعب بس عشان نفسج(تخففين عنج)

وبعدين انت ادري بزوجج اذا صارحتيه هل بيحقد وياخذها حجه عليج ع الرايح والجاي


وبعدين رد ع البنات الي يقولون اساليه شيحب !!!!!!!!!!!!!!!!!!!!!!!!!!!!

الخاين خاين لومرته ملكه جماااااال لانه مرض ويحتاج معالجه وتذكير بالله

ياما شفنا شيف وجياكر ورفلات بس زوجها يحبها ومايدور غيرها

فالي يخون العيب فيه مو بمرته

 

[المديـ بنت ـنة]

لااااااااااااااااااااااااا

وشو تكملين معااااه وربي بتتعبين .. ولو عرف انه انتي تحسبين انه بيخاف ويتعدل ..

انتي كذا تزيدين الطين بله .. عسى ربي يثلج صدرك ويبرد حرتك ومايشوف زوجك الا انتي قدامه ويجملك بعينه .. اللهم آمين ..

بس سالفة تكملين انتبهي ... ترى ماحد بيندم الا انتي ..

ولو اصريتي تكملين ..<< لاحظي لو اصريتي ..

تعالي له من باب ثاني .. يعني تخويف من الله ومن الآخره وعقاب الله وبهالشهر الكريم الواحد يدور الرحمه والغفران من ربه ..

اما انك تمشين معاه ع سالفة انك تشبكين معاه ومعرفه وخمبقه .. انتبهي

ومثل ماقالوا البنات حاولي قد ماتقدرين تتقربين منه خليه يحب كل شي فيك شوفي وش مو عاجبه وسويه له خليه يحس ان فيك

شي تغير في عينه .. حتى لو هالشي ماعجبك انتي الاهم يعجبه وتملين عينه ..

الله يبرد حرتك يارب ويسخره لك ..

وخلي بلسااانك دااايم هالكلمه ($اللهم اني استودعك زوجي وبصره وقلبه ولسانه وفرجه)

الله مايضيع ودائعه .. ربك كريم لاتوقفين عند هالشي وتقولين الحياة انتهت ..

ماحد كامل ترى بهالدنيا ولا احد معصوم من الخطأ لكن وين اللي يعرف خطأه ويتوب..؟؟

اسئل الله لزوجك الهدايه .

 

[أميره الدوسري]

اول شي صلي على سيدنا محمد عليه الصلاه والسلام

والله انتم الحريم مشكله احد يدور على جرحه ؟؟
في عباره اعجبتني مره (لو كشف لك غطاء القدر لاخترت الواقع)
يعني الانسان احسن يجهل بعض الامور اريح له عشان مايدخل بدوامه
وبما انج دخلتي الدوامه لازم تطلعين منها...
شوفي غناتي بهاللعبه انتي خسرانه ومانصحج تكملين لانج بتنجرحين زياده
ياقلبي كل اللي عليج تعوذين من الشيطان وتتقربين لزوجج وبما انه يحبه الانوثه والحركات<<هذي نعمه
يعني وصلتي المفتاح الاساسي<<وركزي عليه بدال ماتركزين بامور ثانيه وتكملين بهاللعبه الغبيه وتعورين قلبج
رجلج باختصار فاقد هالشي<<عطيه <<سافري معاه <<عطيه جوه
والشي الثاني<اطلعي معاه شاليه وتمشو عالبحر وساليه شنو الي تحبه فيني وشنو الشي الي ودك اغيره ترا حتى هو راح يسالج نفس السؤال وقوليله انا ابيك لي وماتحمل احد يشاركني ووووووووووووووووو ومن هالكلام

وبدال ماتبجين وواجهي مشكلتج انا ادري انج انصدمتي عادي ..بس الحين جا دور الحلول
ومالج شغل بالبنات اللي تقولج كملي اللعبه لاااااااااااا وانج خسرانه لو بتكملين لانج بتجرحين نفسج بنفسج ..دامج عرفتي العله زهبي العلاج ..
وسمعينا الاخبار الزينه

:eh_s(15):

 

[*^ *الليليم]

لا تييبين لنفسج المشاكل
,
اقعدي معاها جلسه حلوه و الافضل مكان رومانسي و اذكريه بايامك الحلوه و الملجه و شهر العسل و مناسباتكم الحلوووووه

و أساليه شنو يحب و ما يحب فيج ؟؟؟ و انتي كذلك ؟؟

و بس ساعدووو بعض تتخطون هالازمه !!

 

[*^ *الليليم]

خليج رفيجته

,,

اضحكي و نكتي و البسي و تعطري ( جنج ايحه ليمعه ) سولفي ييبي سوالف من كل مكان خاصه عن الاشيا اللي يحبهاااا

خليج فرفوووشه و تغزلي فيه و سمعيه كلام حلوووو

^^

جذيه تخلينه رفيجج !!

 

[TooTaaNy]

حبيبتي لا تكملين بهاللعبه اللي ماراح يتاذى منها الا انتي
لانه باختصار
زوجج اذا طاح من عينج صعب تحترمينه عقب
وبعدين انا اعتبر اللي سواه زوجج طيش ليس الا ... حاب يجرب البرنامج ويهايط شوي
انتي كبري عقلج وحاولي قد ماتقدرين انه يغير جهازه امدحي له اي جهاز ثاني او اشتري له تلفون ثاني على ذوقج
والله يعينج حبيبتي

 

[fdeet_shosho]

لاتكملين اللعبة وياه اخذيها نصيحه منى
انتى نبشتى وتلقفتى ورحتى وضفتيه وكلمتيه شنو استفدتى ؟؟ قوليل شي واحد زين استفدتى منه
ماكو شي !! اللى خذيتيه عوار قلب وتعبت نفسيتج وكرهتيه وعصبتى وضغطج ارتفع وطول اليوم متضايقة وتاكلين بعمرج واهوا قاعد ماكل شارب طالع ومستانس - ماتقدرين تواجهينه باللى اكتشفتيه ولا تقدرين تسوين شي
انا ضد ضد التفتيش والتنبيش ورا الزوج اذا ربي كاتبلج تكشفينه راح يكشفه لج ودام ربي يبيله الستر وخيرة لج بيستر عليه
الحين جدامج حلين :
اذا انتى تبين زوجج ومتمسكه فيه لاتفتشين وانسي المحادثة وعموما كل شي قاله لج بالمحادثة جذب يعنى كان يلعب وهذول الشباب وحدة ضافته وتسولف اكيد بيسولف ويسوى افلام - عيشي حياتج واهتمى فيه شوى واهتمي ببيتج وعيالج ولاتنكدين على نفسج بالاخير انتى اللى بتتعبين
-اذا ماتبينه وطابت نفسج منه خلاص قوليله وواجهيه منتى خسرانه شي لانج بايعته وهالشي انا استبعده
والله يهديكم

 

[كبرياء اميرة]

سبيه وقولي كنت العب معاك ياحقير علشان يكره البنات

ولاتقولين انها انتي

 

[ماروكوالصغيره]

امممممم
شوفي نصيحتي لج كملي معاه بالبرنامح
والعبي دورين بحياته ولا تهتمين لو قال زوجتي زوجتي اكيد يجذب
دام بدايتها جذب انه مسافر ومادري شنو
الدور الاول .. اهو الزوجه الحلوه المثاليه اللي تحبه
والدور الثاني .. البنت الي بالبرنامج .. الهايته ام لسان طويل .. لا تعطينه وجه
المهم انتي تعرفين شلون تخلينه يفرق بينح وبين اللي يكلمها اللي هي انتي
يعني راح يشوفج ملاك ويشوف بنات الهوز هير شياطين
مع احترامي لهم ..
وهو لمن يكلمج بالبرنامج .. وياخذ ويعطي معاج بيقولج شنو يحب وشنو يكره
وانتي طبقي بحياتج كزوجه معاه .. وسوي العكس كصديقه
فاهمه علي طبعاً
تدرين وناااسه اللي قاعده تسوينه .. بس اهم شي لاتضعفين وخليج قويه جدام الصدماااات
وتذكري ان كل اللي يقوله جذب ×جذب
اكيد بس يبي يضيع وقت

 

[لمى...]

يمه قهر ):

 

[آوص ياجرحي سكوت]

انا من رااايي توقفين اللعبه وتشرين راااااااااحتك
كان من الاول ما طلعتيله دااام محد عطاه وجه كان خليته على عمااه يمكن يعوووووفه بس الحين على باله صادله صيده ما رااح يترك البرنااامج
عمومآ الله يهدي سركم وبردي على قلبك بالدعاء والا ستغفااار لانك ان كملتي راااح تهدمين حيااتك كلها مو بس بيتك رااح تنشغلين عن كل شي حتى طاعتك ربك
وبالاخر انتي الخسراااانه لانك ما استفدتي شي من هاللعبه ماعدلتي بنفسك وعرفتي شنو يبي وسويته لا واذا عرف انه انتي اللي كنتي معه رااح يحقد عليك ويكرهك صدقيني لان الرجال مايحب احد يصيد عليه شي
الله يهديه ويبعده عن الحراام هو شباب المسلمين

 

[كويتية بروما]

فتحتي ع نفسج باب الشيطان اللي يوسوس لج يبي يخرب بيتج
بدال ما تتصيدين عليه قومي جابليه سوي له جو ينسى الفون واهله
الله يهديج