احس اني اراح اكرهه بعد 3 شهور من زواجنه

[شموخي اتعبهم]

حبيبتي مافيه بيت خالي من المشاكل والرجال مايحب يعتذرمهماكان انتي ادعي ربج انه يهديه يسخره لج وشوفي شخصية زوجج لابدفيه نقطة ضعف بس لازم تكتشفينهاالان توكم متزوجين والخلافات عادي وعلى فكره تسرعتي بروحت بيت اهلج وربي يهديكم ويبعدعنكم الخلافات

 

[انسام الكويت]

شنو سبب مدة الايد ؟؟
حبيبتي انتي مطوله لسانج عليه ورافعه ظغطه ولا بدون سبب ؟
خلاص اذا شي يخليه يعصب وخري عنه حتى لو كان غلط لاتسوينها قصه طنشي طالما انه شي تافه ومو قوي
راجعي حساباتج وشوفي بعض الجنسيات العربيه اغلب الرياييل يتمنونهم بسبب دلعهم ومعاملتهم للريال
تصير نفس الجاريه حقه تحسسه انه ملك واهو بالمقابل مايقصر معاها لو تطلب شنو ماتبي يقولها تامرين لانها مقدرته ومعطته الجو الي يبيه

كلام هالاخت صح واهم شئ لمن يعصب الريال سكتي لا تراددينه ولمن يهدأ ناقشيه بهدوء

 

[Um Tuki]

هذي مشاكل اول الزواج طبيعي جدا
انتي من بيئة و اهو من بيئة مختلفة لازم جذي ..
بعدين كل شي يتغير

الله يهنيج حبيبتي و يسعدج

 

[ليدي بجد]

ممكن نعرف شنو الي خلاه يعصب لدرجه يضربك بوحشيه مثل ما تقولين؟

 

[Pinky -cat]

حياتي الاطباع عقب الزواج تبين وتطلع وعادي ترا وضعج عندي تقريبا هالمشكلة ، تبين الحل طوفي وطنشي وتعلمي شي
اسمه التغافل دام شي ما يستاهل تحرقين اعصابج عيل انسيه وطوفي بس مو على حساب كرامتج يعني شوفي الصح وسويه
ولا يتعدى حدودة ، تبي تعصب امنه بالله عصب بس احترم نفسك ولا تهيني ، وترا صدقين اول سنه عادي جدا هالوضع

عقبها راح تعودين وتعرفين طبعه اكثر ولا تقولين قبل كان وقبل مادري شنو ياحبي عقب الزواج وييهج بويهه غيررررر

 

[lulu0]

ممكن نعرف شنو الي خلاه يعصب لدرجه يضربك بوحشيه مثل ما تقولين؟

اهو مد ايده لانه طولت صوتي بس المشكله انه اهو كان يثارخ ليمه استفزني والمشكله الاكبر انه ليش الريال يحاسب المره اذا عصبت امية الف مره واهو مايحاسب نفسه

 

[Smchoocha]

المفروض كان ما تصارخين عليه حتى لو يصارخ و يعصب خليه يصارخ لمن يخلص و هديه بعدي عنه خليه يهدي بعدين تكلمينه عن الهوشه
عموما اول سنه زواج صعبه شوي يبيلها طولت بال و صبر على ما تعرفون حق بعض وتتفهمون شخصيات بعد و الله يوفقكم

 

[امـ خــزامـى]

اول سنه بالنسبه لي طبيعي تكوووووون سوداااء وبعدين تصير رماادي بعدها ابيض

واللي عكس اولها بياااض اخرتها سواااد

هذا الشي تعلمته من اللي حوووووووووولي عاد صح غلط الله العالم

عمرما كل شي يبيله صبر



الا



الضرب عشان سبب تافهه طولت صوتتها صااارخت
هذي اسباب طبيعيه ماتنضرب ابد الزوجه عليها !!!!!!!

اليوم ضربك عشانك طولتي صوتك عليه بكرا بعلقك بالسقف لان الغدا مافيه ملح وخانس

وبيموتك اذا ماسويتي عشاااء


كل شي له حدووووووووود واساس اي علاقه هي الاحتررام
لا الحب ولا الرومانسيه ولا اي شي

فقط الاحترااااااااااااااام

وهذا الشي ناقصكم

 

[مولاي الفرج]

اذا نوعه يهدى لما انتي تسكتين فخلاص تحملي خلي يصارخ لين يشبع اخرتها بيتحسف

 

[مناير ...!]

بيوم من الايام وانتم قاعدين بساعه صفاء بدون اي مشاكل
وبدون نجره بطي الجربه وقولي الي بقلبج بس بهداوه نقديه على نفسه

 

[Red Al Rainbow]

آستغفر آلله . . . آلله يعييينج و آلله
لأآزم آطولين بآلج وآآآيد . . . و سوي طآآآآآآآآآآآآآآآآف . . و حآولي تشكين لشخص قريب منج عشآن مآ تنفجرين عنده ^^

 

[سارووونه22]

تدرين طبع ريلج مثل ريلي مايتناقش ابداً وحتى اذا كان. غلطان لازم يطلعني غلطانه ومايعتذر صارلي ٥ سنوات متزوجه ولي يومج هذا وانا مو عارفه اغير طبعه والمشكله اذا طنقر يقعد بلايام مايحاجيني اول كنت اتضايق وابجي وحاله بس تعبت عندي منه بنت اهوه طيب وحبوب وقلبه ابيض بس طبعع عصبي حيييييل وايد وايد مشاكل صارت معانه هم مد ايده علي اكثر من مره بس اخر مره حذرته وقلت له لو فكر انه يمد ايده بعد اطلب الطلاق حتى لو كنت انا غلطانه ودخلت اهلي بلموضوع عشان يكلمونه والحمدالله صارت الامور احسن من قبل بس للحينه على طناقيره ويتم بلايام وراسج اول كنت اذبح عمري عشان اراضيه الحين مطنشته على اخر صار يرد من نفسه يكلمني عرفتي يبيلج طولت بال و تطنيش وقت النجره اذا قعد يصرخ ومادري شنو سكتي عنه وطنشي ما كلمج لاتكلمينه سلي نفسج بأي شي اهوه من نفسه راح يكلمج والله يعينج ويعيني على هل رياييل

 

[حميدانيه سريعه]

حبيبتي الله يكون بعونج
شوفي انا عندي نفس هالنمونه
اللي تسوينه انج تحاولين تذكرينه بايام حبكم
اذا عندج صورة اول هديه جابها لج
او عندج ياها قوليله تذكر يوم كنت تحبني
وتمووت فيني ولو اطلب منك قمر تجيبه لي والحين تتاخر علي وماتدارين
شلي غيرك مو كنت ميت ع الزواج قبل مانتزوج
كاني انا عندك انا حبيبتك اللي تعذبانا على ماصرنا مع بعض تخليني
كنت اتمنى ولدي تصير انت ابوه يشيل اسمك
بس اذا ضلينا جذي اعتقد راح نفتررق ونتطلق
انا مابي هالشي لانك حب حياتي الاول والاخير وحبنا تتوج بزواج وابيه يستمر طوول العمر

والله يجون بالمسايس سايسيه عاتبيه لاتخسرون بعض تحملييه لان صعبه كلمت مطلقه ​

 

[تولة مسك030]

شنو سبب مدة الايد ؟؟
حبيبتي انتي مطوله لسانج عليه ورافعه ظغطه ولا بدون سبب ؟؟
اذا انتي مراددته ومطوله لسانه فحبيبتي حاولي تعدلين من نفسج
وخري عن الاشياء الي تستفز ريلج
نظام التحقيق وخري عنه
وين كنت وليش طولت لاتفتحينه معاه
اهو ريال مو ياهل
يعني حطي فبالج ان ممكن تصيرله ظروفه ومايرد بالوقت الي وعدج فيه واهو اساسا يقولج برد الساعه الفلانيه من باب الذوق ولانه يحبج مو من باب الاستئذان
حبيبتي هاذا ريلج انتي محاسبه عليه وحطي فبالج انه خذاج من بد كل هالبنات لانه يبيج وشاريج
اهني دورج انج تريحينه وتونسينه وتدلعينه وتتغاظين عن التصرفات الي تبط جبدج مو كل حركه لازم تسوين عليها سين وجيم
طوفي تأخر عليج قوليله عادي حبيبي مو مشكله عمري وحتى لو بتطلعون وكنسل الطلعه قوليله عادي عمري معوضه ان شاء الله
اذا حسيتي انه متنرفز بوسيه وطيبي خاطره بكلام حلو خليه يحس نفسه ملك وانتي مدلعته اخر دلع
لاتخلين علاقتكم عناد وتحدي وتقولين انا طوفه
لا منتي طوفه
يعني اذا رديتي عليه وتناجرتي تحسين روحج قويه وخذيتي حقج وانتي بالمقابل قاعده تنفرين الريال منج ؟؟
الريال ما يي بهالطريقه
الريال نفس الياهل يبي دلع وحنان واحترام ويبي حرمته دلوعه ولينه مايبي وحده قويه وتداحره
شوفي بعض الحريم تكون مو حلوه ولا فيها زود بس اسلوبها مع ريلها يخليه مايشوف غيرها ويخليه خاتم بصبعها
الاسلوب والابتسامه وكلمة ان شاء الله وحاضر وتامر امر حبيبي كافي
واسلوب العناد والشد وخري عنه ترى ينفر الريال منج والله لاتستهينين بهالشي لاتخلين ريلج يتغير ويتصرف معاج تصرفات ماتعجبج ولاتعجبه بس عناد ولانج مطلعته عن طوره
خلاص اذا شي يخليه يعصب وخري عنه حتى لو كان غلط لاتسوينها قصه طنشي طالما انه شي تافه ومو قوي
راجعي حساباتج وشوفي بعض الجنسيات العربيه اغلب الرياييل يتمنونهم بسبب دلعهم ومعاملتهم للريال
تصير نفس الجاريه حقه تحسسه انه ملك واهو بالمقابل مايقصر معاها لو تطلب شنو ماتبي يقولها تامرين لانها مقدرته ومعطته الجو الي يبيه

الله الله الله الله
على الدرر اللي تقولينهاا
ماشاء الله عليج
ربي يسعدج

 

[M!SS.LOBY]

لا حول ولا قوة الا بالله

 

[M!SS.LOBY]

كثري الا ستغفار