احس الي فيني شي مو طبيعي

[ضاع عمري]

بنات انا مشكتي في السواقة ان ماخذة الليسن صارلي اربع شهور بس مشكتي اني مادل الاماكن يعني المكان اروحة اميت الف مرة لكن لين ييت ابي اروح المكان الفلاني بروحي ما ادل احس روحي ضايعة ومشتته في الشارع مادري ادش اي لفة او اخذ اي طريج وهااللشي وايد مضايقني ووايد معطل حياتي تخيلو ان انا عندي ليسن وسيارة لكن مااطلع خير شر الا اذا احد بدليني الطريج يعني روحي يمين دشي يسار وجذي ليما اوصل المكان يعني انا مااثبت ولا احفظ الاماكن وهم عندي مشكلة ان انا اخاف اطلع بروحي كله يتروالي ان باضيع او حتى باسوي حادث ولا بارجع البيت تخيلو من خذيت الليسن ولا مرة طلعت بروحي قلولي شسوي بعمري نصحوني الللي مثلي يروحون وييوون وانا صايرة مثل الياهل الي لازم احد ايي معاي يدليني الطريج ويعلمني شاسوي وما سوي شورو علي قولولي شاسوي بعمري شنو الحل

 

[دكتواره]

والله مادري اب لرفع

 

[f6om]

حبيبتي انتي

شوفي لازم تطلعين و تجربين و تضيعين لين تتعودين و يصير عندج عادي

مع الممارسه و الله

بس لا يصير الموضوع عندج وسواس قبل لاتطلعين صلي و استغفري بالدرب و مافي الا العافيه و كلمي نفسج قولي اللي الله كاتبه بيصير و كل شي من ربي حلو

مايصير هالخوف ياقلبي

باجر بتصيرين ام شلون !!!


بالتوفيق و قوي قليج و اخذي نفس عميق و قو هد ؛)

 

[سفيرة العشق]

حبيبتي اقري دعاء الركوب وعلى طول كثري من الاستغفار
وممكن تحطين نفيقيتر بسيارتج يساعدج اكثر ولا تطلعين بروحج خلي معاج احد يدليج بس ما يكون ملقوف
ههههههه

 

[قسوة الزمن]

عادي حبيبتي انتي اول شي روحي الاماكن الضرورية دليها مستشقى صالون والمجمعات القريبة بعدها روحي الابعد بالتدريج

 

[جلكسيه اس 3]

هذا اسمه عدم تركيز بالاشياء
انا اول كنت ما ادل و بنفس الوقت ما اركز
الحين قمت ادل اماكن وايد
ركزي و شوفي اشلون بتدلين كل شي

 

[ام الدرر]

حبوبة الحين الاي فون فيه برنامج خرائط
يدليج اي مكان بالكويت
خلج واثقة من نفسج كلنا اول ماسقنا ما ندل ونضيع وندش شوارع غير
اهم شي لا ترتبكين وتخافين
وحاولي مشاويرج تخلصينها قبل الليل
والله الحافظ​

 

[يآلبى ضحكتي:$$]

آبي نفسسسسسسسسسسسسسسسسسسي

بس حددددي آلجمعيه وآلخيآآط وآلممشى​

 

[طموحه بزياده]

امبيه انتي نفسي

انا اسوق وتوه شريت سياره ما ادل ولا اركز ولا احفظ

مستحيل اروح مكان ماعمري رحتله حتى لو وصفوه لي لازم احد يقولي (ويكون معاي بالسياره هههه) يمين يسار


صج ودي ادل واعرف اتصرف اففففففف واخاف اروح بروحي والسبب اخاف اضيع ههههههههه

 

[Ray.Bana =$]

عادي خوري ضيعي عشان تدلين هذا شي طبيعي لأن اللي فيج خوف ولازم تقضين عليه

وصح الآيفون والبي بي في جي بي اس اللي اهوا الخريطه يحطلج وين انتي بالضبط وانتي تختارين وين تبين تروحين وتمشين ع الخريطه بس لازم تكونين مشتركه بخدمة النت

 

[ولهـ مطير]

عاااادي مع الوقت بتعودين حطي الجي بي اس وروحي الاماكن اللي بمنطقتج حيييل مثل صالون او دوامج او الجمعيه الرئيسيه وشوي شوي اطلعي لبيت عمامج او خوالج حاولي تطلعين بل اوقات اللي ما فيها زحمه يعني من 9 الضحي لي 11 الضحي العووود افتري بكل مكان قريب من بيتج ومسهله إن شاء الله 