احسن واقوى حضانه في جنوب السره ومشرف وسلوى

[هني وعافيه]

بنات ابي ادخل بنتي حضانه عمرها سنه ونص ومحد راضي يسقبلها الا شهر تسعه تكون كاملة سنيتن ووالصراحه ماابي اقعدها بالبيت اكثر خلاص اسم عليها قامت تفهم فا الي اتعرف حضانه قوية تقولي حتى لو غاليه

 

[ام دودو المزيونه]

حبيبتي في حضانة كيدز تايم بمشرف وياخذون من عمر 4 شهور لي اربع سنوات انا امدخله ولدي فيها حلوه والستاف تعاملهم راقي وبالهم طويل مع اليهال ولدي ابسرعه حب الحضانه وكل يوم اثنين عندهم رحلة والحضانه علي طول امبطله حتي بالصيف لأنها مو تابعه لمدرسة علشان ينطرون التسجيل لشهر 9 وعندهم مناوبه الصبح تاخذ الياهل ولدي اقطه علي ال6 و45 دقيقة واخذه 1و45 دقيقة واشوف يهال ينطرون اهلهم
وسعرهم فتح ملف 30 دينار وبالشهر 75

 

[مارشيلو]

up up up

 

[shoka]

اب اب اب

 

[سفرجل]

حبيبتي في حضانة كيدز تايم بمشرف وياخذون من عمر 4 شهور لي اربع سنوات انا امدخله ولدي فيها حلوه والستاف تعاملهم راقي وبالهم طويل مع اليهال ولدي ابسرعه حب الحضانه وكل يوم اثنين عندهم رحلة والحضانه علي طول امبطله حتي بالصيف لأنها مو تابعه لمدرسة علشان ينطرون التسجيل لشهر 9 وعندهم مناوبه الصبح تاخذ الياهل ولدي اقطه علي ال6 و45 دقيقة واخذه 1و45 دقيقة واشوف يهال ينطرون اهلهم
وسعرهم فتح ملف 30 دينار وبالشهر 75

انا بعد وياها
بنتي بهالحضانه وماشاءالله انا واايد مرتاحتلها
وانا درت كل الحضانات بس مثل هالحضانه ماشفت
وولدي تخرج منها
ومنهجهم قوي يعطونج كل بدايه الشهر المنهج الي راح يدرسون فيه الياهل
حطي ولدج وانتي متطمنه:nbvppw:

 

[علياء 2]

بنات ابي ادخل بنتي حضانه عمرها سنه ونص ومحد راضي يسقبلها الا شهر تسعه تكون كاملة سنيتن ووالصراحه ماابي اقعدها بالبيت اكثر خلاص اسم عليها قامت تفهم فا الي اتعرف حضانه قوية تقولي حتى لو غاليه

هلا والله حبيبتي .. آنا افتريت على أغلب حضانات جنوب السرة ولقيت أحسن أثنين وأقواهم رعاية للأطفال ومنهج تعليمي (موني فيس إللي بالزهراء ) و(الحضانة الإنجليزية إللي بالسلام ) .. طلي عليهم وشوفيهم والأثنين ياخذون هالعمر
والله يخليلك الحلوة

 

[زوزو الحلوه]

حبيبتي في حضانه بس برميثيه وايد حلوه ونظيفه ويهتمون بالياهل حيل ويعلمون احرف انجليزي وارقام بعد.. اسمها الحضانه الانجليزيه ثنائيه اللغه تصير على اخر شارع المدارس من البيوت الي عقب مدرسه الشايجي..انتي روحي شوفي الحضانه احسن .موفقه انشالله

 

[مارشيلو]

ام دودو المزيونه

وسفرجل


شلون عيالكم من ناحية الانجلش ؟؟؟

انا مدخله بنتي بهالحضانه بس مدخلتها العصر بس مادري عن مستوى الحضانه بفترة الصبح ؟؟؟

 

[لوكريسيا]

الحضانة الانجليزية العالمية اللي بالسلام ياخذون سنتين و فوق انا توني مارتهم

 

[ام دودو المزيونه]

ولدي صاره شهرين معاهم لما الحين ما بين مستواه بس اهو حيل مستانس عليها وللأمانه انا دخلته علشان ما يقعد مع الخدم بالشقه ابروحه خاصة عقب ما صدنا وحده منهم مع مصري بالانسنسير يتباوسون
صاره اسبوعين يغني ماما بابا حبوني < اقوله حبيبي والله نحبك احنا مو قاطينك بالشارع > وميري ميري وما يكمل الباجي
وبنهاية الدوام معاه اوراق فيهم حرف او رقم ملونه مع المس ويعطونه هديه بسيطه اخر الدوام من سوق بو اميه بس حده مستانس سياره او جنجفه او كراسة تلوين
انا اساسا ناويه بأذن الله ادخله بلي غروب مستوي روضة مستوي الأنجليزي روعه عندهم

 

[بسبوووسه]

ام دودوو اي صوب هالحضانه

عندج رقمهم بليييييييييييييز

 

[ام اميره]

انا بنتي عمرها الحين سنه وشهرين وودي ادخلها الحضانه لانه اختها اتروح حضانه بالزهراء حق الاحتياجات الخاصه اسمها البسمه وودي بنتي بعد اوديها حضانه واتكون بالزهراء عشان مع بعض بنفس المنطقه والله يجزاها خير اللي اتعلمني على حضانه قويه وزيينه وناطره ردكم وماقصرتوا

 

[عبق الزهره]

السلام بنات ترا وايد يمدحون الحضانه الانجليزيه اللي بالسلام اهي مديرتها شسمها وشنو جنسيات مدرساتهم وهم عندكم حضانه عالم الطفل اللي جنوب السره هم عندكم ريبون يقولون قويه بالتدريس فما دري منو الافضل

 

[ام اميره]

من اي عمر ياخذون اللي بجنوب السره عالم الطفل وبجم سعرها واي ضاحيه

 

[عبق الزهره]

اختي حضانه عالم الطفل بجنوب السرة بالزهرا وعندتش تجمع امهات عالم الطفال اذا تبين يفودونتش

 

[البرق80]

يريت اللي راحوا الحضانه الانجليزيه بالسلام يعطونا اسعارهم ولا عليكم امر

 

[zoooba]

السلام عليكم
بنات انا ابي اسجل بنتي بحضانه اكادميه ريبون , بس عيزت ادق عليهم مايردون ورحت الحضانه امسكره اللله يوفقم بنات اللي تعرف شسالفه تقولي

 

[سفرجل]

والله انجليزيهم قوي
انا ولدي تخرج منهم اسم الله عليه يكتب من a -z
وغير اسامي بالانجليزي مثل وانتوا بالكرامه حيوانات او الاشياء
وغير الاغاني بالانجليزي
والحين بنتي حافظه سوره الاخلاص
وجم حرف بس يبيلها بعد وانا قلتلهم شدوا عليها بس بنتي عيبها للحين ماتتكلم عدل وفي احرف ماتنطقها وعمرها 3 سنوات يعني لازم اصبر عليها

 

[مارشيلو]

انا انشالله قرررت ادخل بنتي فيها بس بدخلها 1-6

والله يسهل انشالله

 

[angel soso]

في حضانة بتر فلاي بمنطقة الزهراء وايد حلوة 90938500