احسن نوع قهوة (عربيه-فرنسيه-تركيه)

[أم راشد المطيري]

السلام عليكم

بنات فكرت بهالموضوع وقلت اكيد راح يفيد بنات واجد

الموضوع واضح عن شنو يتحجى

من تجربتكم بعرف شنو احسن انواع القهوة اللي جربتوها سواء عربية او فرنسيه او تركيه

انا الصراحه ما احب لا الفرنسيه ولا التركيه
بس بالنسبه للقهوة العربيه استخدم قهوة الزهره عجيبه شوي عليها انصكم فيها

يلا نبي تفاعل

 

[bnt_kwt]

يا هلا ومرحبا

ويسعدني اني اكون اول وحده ترد عليج

بالنسبه للقهوه العربيه

ناخذها من الصباح او الزين اللي يم سوق لندن

الفرنسيه ما احب الا قهوه العميد روعه


القهوه التركيه او العميد او الرفاعي

وسلامتج

 

[أم راشد المطيري]

حياج الله بنت كويت وانا يسعدني ردج

وبجرب العميد للقهوة الفرنسيه انا القهوة العربيه اعتمدت الزهره

 

[foshia girl]

انا اموووت على القهوه الفرنسيه من بن العميد ماأخذها الا منه ناطعه حيل


موفقه

 

[اشلون يعني &]

القهوه العربيه احلى شيء من مطحنة الديوانية

 

[غاية مرامي]

القهوة التركيه غرااااامي. من الرفاعي او المطحنه الدوليه روووووووعه البن ونصيحه اللي يحب القهوة التركيه يقول حق الموظف يزيدها هيل تطلع عجيييييييييييبه وريحتها تهبل

 

[((shoOoshoOo))]

اب
اب

 

[ام البنات123]

القهوه العربيه

الزهره

واسوي قهوه بنفسي لا تركيه ولا فرنسيه

قهوه نستله صافيه واخلطها مع حليب سفتي روعه

واذا ابيها مع رغوه اضربها بالخلاط وهي حاره روعه

 

[دلال و غلا]

خوش موضوع يعطيج العافيه ام راشد

انا للحين ما طحت ع قهوه عربيه حلوه و ع المزاج
احلا قهوه عربيه شربتها قهوه بيت اهل زوجي فضيعه
بس ولا مره سألت شنو نوع القهوه اللي يستخدمونها
واحب القهوه التركيه وعادي اي نوع يمشي معاي

 

[manoooram]

القهوة العربية من الصباح أو المطحنة الدولية
القهوة الفرنسية من بن العميد أو المطحنة الدولية بعد

 

[Om-hamadly]

القهوه العربيه ما احبها وايد لكن اخذها من الصباح
القهوه التركيه احبها بالهيل من بن الضيافه وانصحكم فيها احلو من العميد
القهوه الفرنسيه من الضيافه
والقهوه الي ما استغني عنها من nespresso الاسبريسو والكابوتشينو منها عجيييب
​

 

[بكيزة هانم]

شكرا

 

[دارسين]

أنا احب القهوة العربية شاعر المليون اللي مكتوب عليها القصيم لانه في نوع ثاني رووووعه تعدل المزاااج

طبعا أحط بالدفاية زيادة هيل شويه

 

[دلال و غلا]

اخذت لي قهوه بس محوجه و جاهزه اسمها وضحه والله عجبتني حيل

جربوها

 

[بنت الاحلام]

جا بوقته انا ابي قهوه عربيه حلوه