احسن مستشفى خاص لتطهير الولد ؟؟

[GucCiQ8]

السلام عليكم ورحمة الله وبركاااته


شلونكم خواتي شخباركم ؟؟

حبيت أسألكم شنو احسن مستشفى خاص حق تطهير الولد وابي تقولون اسم المستشفى وسعر التطهير مع الادويه ومن غير ادويه واذا مع استشاري او من غير استشاري

انا رحت المواساة وقالوا لي التطهير ب 60 دينار .. من غير الادويه !!
واحس انه وايد عليه صراحه واتمنى كل وحده تقول تجربتها خصوصا الي توهم والدين اولاد وطهروهم


وان شاءالله بهالموضوع نفيد ونستفيد وجزاكم الله الف خير

 

[ديما الكويت]

وأنا بعد وياج ودي اعرف ؟
بس 60 مو وايد ؟
ومستشفى الولادة شلون طريقتهم بحلقة وله بدون؟ بنات ارجوكم ردوا ؟

 

[GucCiQ8]

وأنا بعد وياج ودي اعرف ؟
بس 60 مو وايد ؟
ومستشفى الولادة شلون طريقتهم بحلقة وله بدون؟ بنات ارجوكم ردوا ؟

انا بالنسبه لي السعر غالي صراحه
لانه في ناس قالوا لي سعر دار الشفا واايد ارخص وخصوصا فاتحين ملف في دار الشفا التطهير 40 دينار
وناس طالبين استشاري في دار الشفا حق التطهير ومع التطهير والادويه والتحاليل السعر 55 دينار
بس المواساة انا عندي ملف وكل شي اهناك وفوق هذا بدون ادويه 60 دينار !!

 

[GucCiQ8]

شدعوه مافي ردود !!

 

[سروري]

الراشد
واذا انتي محتاره تطلبين حلقه ولا شاش اقولج الفرق وانتي اختاري
الحلقه:
تستلمين ولدج نايم بعد التطهير او ساكت مت أثر البنج بس راح يتم جم يوم يعوره لان فج عنه البنج شكل المنطقه مقبول نسبيا والحلقه تطيح بروحها
الشاش:
تستلمين ولدج يفحط من الألم بس من باجر مافيه شي لكن شكل المنطقه مقزز نوعا ما
خاصه منظر الدم بالشاش
بس لاتحاتين حبيبتي هذي فتره بسيطه وبتعدي وكل أم تمر بمرحلتج وتحاتي واذا انتي من نفس نمونتي انا وحده بجيت مع ولدي لما كان يتألم وألحين أتذكر وابتسم
ومبروك التطهوره مقدما:ceaf32e183:

 

[@ دهن العود @]

تونى مطهره عيالى بالراشد ب 50 دينار حلقه ويابولى البيبى يبجى عالخفيييييييييييييييييييييييييييييييف

والحلقه طاحت خامس يوم

ووصفلى كريم ميبو + غسول abc

 

[روعة خيال]

اهلي و رفيجاتي كله يطهرون عيالهم عند دكتور مازن العيسى بس وااااااااااايد ارخص من 60 جنه بالاربعيينات على ما اظن

 

[Om-hamadly]

انا طهرت ولدي بالمواساة عند جراح الكل يمدحه بس مو عاجبتني صراحه طهارته وصج غالي ب60

وناويه ان شاءالله الياي اطهره عند المخيزيم اهلنا كلهم امطهرين عنده الكل يمدحه وسعره زين مو غالي

 

[ام دودو المزيونه]

انا ولدي بدار الشفا ب40 دينار تقريبا يمكن اقل مع الأدوية بحلقة

 

[الأماكن]

دار الشفا انصحج فيه

فتح ملف وتحليل وطهور ب 40 وشوي

ويحطون له حلقه

ويعطونج .. كريم فسيودين ... و غسول abc أو سيتيال ... على حسب

و بعد اسبوع تطيح الحلقة ... و اذا ما طاحت تروحين الطبيب وهم يشيلونها ... بس غالبيا هي تطيح من نفسها

وبعد كل تغيير حفاض لازم تنقعين الولد بطشت ماي وفيه الغسوووول لمدة 10 دقايق عشان الحلقة تلين و تطيح

و مبروكين ... العايدة تشوفينه معرس يارب

 

[GucCiQ8]

يعطيكم الف عافيه خواتي وجزاكم الله الف خير

حبيبتي الاماكن انتي توج مطهره اوليدج؟ ولا من زمان؟؟

لانه مادري بس بعرف اكيد فتح الملف وتحليل والطهورر ب 40 دينار؟!!!
ويمكن من غير الادويه صح؟
وانزين انا اطلب الحلقه ولا اهما بكيفهم يحطونها ؟؟ وشنو تنصحوني فيه؟

 

[التاجره ام ناصر]

مرحبا احسن شي مشتاق طهر عيالي ... عندي ولدين.. شحلات طهارهم ..والله وماحسو بشي اليوم يطهره وبكره تطيح الشاشة وايده خفيفة .... طهاره ب20 دينار وعلى فكره هو حييييل مشهور ومطهر اغلب عيال الكويت توكلي على الله ودقي عليه ويعطيج موعد ويطهره ويصرفله كريمات تشترينهم من الصيدليه كل العمليه ما تاخذ 5 دقايق انا وخواتي والعايله كلها عند مشتااااق ويجيج البيت بلا مستشفيات بلا غثاهم .....مشتاق99010938 ادعيلي ام ناصر وبرهوم....

 

[ZajiL]

طهرت ولدي عند دكتور اشرف كابش بالسلام وسعر الطهور 45 + ملف 15
بسسسسسسسسس الحلو انه لاحلقه ولا شاش باليزر والياهل مايحس وتتطلع مضبووطه شوفي ل=انا عندي 4 اولاد
تمنييت كل ياهل اطهره مثل طهور ولدي الخيييييييييييير

 

[om-3boody]

انا طهرت ولدي بالمواساه الحمدالله السهاله من الله بس تقريبا كان سعرهم 75 بس الادويه كريم بس على مااعتقد ويكون في حلقه مو شاش

 

[!! بطاطه !!]

الاميري

 

[في بحرهم عذبوني]

انا بودي ولدي الشفا و الي يطلع فدوووة

 

[omali_store83]

الراشد طهورهم وايد زين ويكلفج 50 دينار تقريبا ويعطونج كريم ميبو ومايطوف الاسبوع الا الحلقه طايحه​

 

[GucCiQ8]

يعطيكم الف عافيه حبايبي وماقصرتووا

وعلى طاري مستشفيات الحكومه ماتعرفون شلون نظامهم ؟؟ صج مثل مايقولون لازم بموعد ؟!! ولا مو كلهم ؟!

 

[غيـ الناس ـر]

لا يحوشج الشفا .. صراحه انا طهرت ولدي بس احس ان شكله مو طبيعي يعني تطهورته مو سنعه .. ومطهرته عند الاستشاري مالهم رئيس قسم الجراحين ..

واختي طهرت ولدها وراحت لهم عقب اسبوع شالو الحلقه وهي كانت تشم ريحه بشغل ولدها وقالولها مافيه شي لما ودته طبيب اطفال قالها ملتهب ..

فما انصح بالشفا ابدا..

 

[pink Engineerah]

المخيزيم ممتاز