احسن كريم لسمط الاطفال عن تجربه

[انا لها شمس]

السلام عليكم ورحمة الله وبركاته

حبايبي انا عندي بنتي عمرها سنه ونص حاشها سماط قوووووي
تكرمون لدرجة لا بالت تموووت بجي تقعد تناقز
تعبت معاها والله ماخليت كريم بالصيدليات مانفع فيها

تخيلو اني والله صرت استخدم لها ميبو من كثر ماصار جلدها يتسلخ وبنيييي

والحمدلله لقيت خووووش كريم بالصيدليه اسمه


Perderm

لونه ابيض والكتابه عنابي


واااااايد زين وسعره تقريبا 6 دنانير



بس انتبهي انه يحرق اذا كان في جروح يمكن يبجي البيبي


وبسسس:eh_s(7):

 

[KOKO_284I]

مشكوره عالافاده

 

[نجووولي]

و الله و انا اختج مافي مثل الخواجوا و النشا وحدة بوحدة

 

[hooryah q8]

مشكورة حبيبتي

 

[عسل مرت قيمر]

شنو يعني سماط حبيبتي

اول مره اعرف

فيدينا

 

[ركازية]

بتضحكون علي انا شنو احط اول كنت احط نشا صج واحده بواحده .الحين قالتلي رفيجتي عن زبدة الخل اللي بالجمعيه او عند العطار علبه قزاز كبيرة وغطاها اسود اسمها man عجييييييييييبه فوق الخيال حتى ادهن فيها رجولي وجسمي صج ينعم جربوه مو خسرانين شي احسن من هالادوية

 

[beauty rose]

كريم الراعي بلا منازع حمدلله ياربي ولا مرة عانيت من هالمشكلة

و اللي تسأل شنو يعني سماط قصدها التهاب الحفاظة و الاحمرار اللي يصير بالبيبي

 

[مطرها يسبق رعدها]

مافيه مثل ميبو وحده بوحده سحررررر

 

[beauty rose]

مطرها : كريم ميبو اساسا للحروق و ما يستعمل بشكل يومي
ما جربته حق الاحمرار القوي بصراحة
يمكن اهوه يفيد للاحمرار بس اذا راح لا تكملين عليه استعملي كريم للحفاظة اليومي اهم شي غسلي ولدج كل يوم بليفة ناعمة و لوشن للاطفال و حطيله من الكريم و المنطقة ناشفة ما تكون رطبه

 

[مطرها يسبق رعدها]

صح ماستخدمه يوميا انا استخدمه اذا صار فيه تسلخات بسسسس

والايام العاديه استخدم سودو يجنن

 

[om MaRyooM]

كريم الراعي يهبل



واذا التهاب قوي استخدم مرة بيبانتين بلس ومرة فوسيدين اللي فيه شووية كروتيزون
يهبل



ومشكوورة حبيبتي

 

[جذابه بنت ذيابه]

بنات كريم الراعي من العطار والا الصيدليه ؟!
بنتي فيها حفا من الاسهال تكرمون .. وحطيت لعا كريمات المستوصف مافاد و الصيدليه هم مافاد
ولا سودو ولا نشا فادووو

 

[beauty rose]

كريم الراعي من الصيدلية او الجمعيه اهوه تابع جونسون

 

[نشميه]

انا مره حاش بنيتي تسلخ ووصفولي لها ميبو حلو وعقبه رحت المستوصف وعطاني كريم يهبل شويه عليه وانا قبل كنت استخدم سودو بس وقفته وصرت استخدم كريم المستوصف