احسن طبيب اسنان مختص بالحشوات و منو جربت حشوة السيراميك ؟

[سيدة المطر]

السلام عليكم
عندى اختى محتاجة طبيب اسنان تبى حشوة حق اسنانها .. و ودها تخلص قبل رمضان ..

طبعا المستوصف و المستشفى الحكومى زين شغلهم بس المواعيد مشكلة ما راح يمدى .. اذا تعرفون طبيب خاص شاطر

بالحشوات للسن و العصب و تثبيتهم .. اللى تعرف اطباء زينين اتمنى تذكرونهم محتاجتهم باسرع وقت

و اللى جربت حشوة السيراميك شرايكم فيها احسن من العادية البيضا و الرصاصية .. و اى عيادة موجودة فيها هالحشوة ؟

و مشكورين

 

[مهناز]

اي والله منو احسن شي حق الحشوات

وشنو حشوة السيراميك اول مره اسمع فيها

 

[Pissy Missy]

عن تجربة دكتور جمال بوجبارة عيادتة بالشعب 22656646

واعتقد ليلحين يشتغل في مستوصف بنيد القار اذا عندج واسطة روحيله هناك

ايدة خفيفة وتخصصة علاج عصب

انا مسوية عنده مرتين ما شاء الله علية يهبل وحطلي حشوة السيراميك التجميلية ما تبين بس سعرها شوي غالي

 

[سيدة المطر]

والله حتى ما اعرفها بس سمعت عنها .. و بحثت عنها و عرفت انها تشبه الحشوه البيضا ( كومبوزيت ) و مضاف له ذرات من السيراميك و له اسم تجارى و هو ceram-x .. و هذا الفيديو يوضح الحشوة
http://www.youtube.com/watch?v=j01gKy7iZPA&feature=related

و هناك حشوات اخرى حديثة و ما ادرى اذا موجودين بالعيادات الخاصة و لا لا .. مثل Tetric ivo-ceram from Ivoclar company
او نوع اسمه السيراميك المطبق INlay ولا اعرف اذا كان نفس الاول ceram-x او يختلف عنه و لقيت هالصفحة و فيها فيديو يوضح هالحشوة ...
http://www.checkdent.com/sv.php?id=12308088982192078

 

[سيدة المطر]

اختى بيسى ميسى يعطيج العافية و مشكورة

بس شرايج بالحشوة السيراميك افضل و لا كومبوزيت البيضا ؟

و جزاج الله خير

 

[الخاشعه لله]

السلام عليكم بالنسبه حق منو احسن حشوة الرصاص او البيضا للضروس انا مره قالي طبيب الاسنان ان حشوة الرصاص احسن للضروس خصوصا ان الطواحن ما تبين ومحد راح يشوفها وقال انها احسن لانها اقوى وتدوم اكثر وتتحمل اكثر طحنج للاكل عليها فانا حبيت انقلج اللي قاله للفائده

 

[سيدة المطر]

الخاشعة لله كلامج صحيح حشوة الرصاص او الاملغم قوية بس مشكلتها باللون و ايضا مادة الزئبق اللى فيها خطره و مو مضمونه

و البيضا زينة بالشكل بس ما تتحمل .. بينما السيراميك اللى سمعته انه يجمع بين الاثنين الشكل و القوة بس مو منتشر استعماله يمكن

لانه جديد .. يمكن شفت مره اعلان عيادة ابها اذا مانى غلطانه عندهم الحشوة بس بغيت اعرف تجارب اللى ركبوها ..

و العيادات الخاصة عندهم حشوات كثيرة بس ما نعرف مميزاتها لانه تكون جديدة مثل الزركون و الايماكس بس يبيله نتعرف عليها

و شرفنى مرورج

 

[Pissy Missy]

اختى بيسى ميسى يعطيج العافية و مشكورة

بس شرايج بالحشوة السيراميك افضل و لا كومبوزيت البيضا ؟

و جزاج الله خير

صراحة مادري شنو الفرق بينهم

بس الحشوة السيراميك الي حاطها ليه ما شاء الله ما تبين كلش وما تأذيت منها

 

[LuLiTa]

للرفع,,,,,,,,,

 

[~Princess~]

ما انصح بالحشوه الرصاص عندي ضرس اخترب لونه بسبة الحشوه الرصاص.. شكلها بشع خصوصا بعد فتره طويله يتغير لونه يصير اقمج ويخرب الضرس

انشالله ناوية اشيل كل الحشوات الرصاص وابدلها بحشوة بيضا

 

[مهناز]

بنااااااااات وينكم

ضروري اسناني حيل تعبانه ابي دكتور متخصص عصب و دكتور حشوات

 

[سيدة المطر]

صراحة مادري شنو الفرق بينهم

بس الحشوة السيراميك الي حاطها ليه ما شاء الله ما تبين كلش وما تأذيت منها

مشكورة حبيبتى على الافادة و الرد

 

[سيدة المطر]

لوليتا شكرا عل الرفع

وبرنسس شكرا على الرد و اختى نفس الشى حشوتها رصاص ما ادرى ليش تقلصت و دخل السوس تحتها و وصل للعصب

و هى خاطرها بالسيراميك .. و هم بعد اكتشفت الزركون يقولون هم افضل من السيراميك و ناطرة تجارب البنات

 

[سيدة المطر]

مهناز اى والله يا بنات نبى اسماء دكاترة للعصب و الحشوات .. و رايكم بحشوات السيراميك و الزركون و وين العيادات اللى يتعاملون فيها ؟

و جزاكم الله خير ..