احسن دكتور اسنان

[دلوعه و مزاجيه]

السلام عليكم ورحمة الله وبركاته
كيف الحال اتمنى للجميع الصحه والعافيه

انا عندي مشكله بالاسنان السته الاماميه ناقز برا شوي وانا ابي دكتور يشيلهم وبركبلي زراعه بدالهم لان مايمديني احط جسر يطول وانا عرسي مابقاله شي
واتمنى من اللي نفس حالتي او لها خلفيه بالموضوع تنصحني
انا امدحولي ابها اللي في ابو حليفه وامدحولي الميدان
واتمنى الفائده وشكرا للجميع

 

[مندوبة ام بندر]

روحي الميدان حلوو

 

[الدلوعه2008]

والله ما عرف وانا الحين حطه تقويم بالعياده الحكومه

 

[om mishaal]

حرام تشيلينهم وتحطين زراعة
حطي جسر شفاف ما يبين ابد وهذا افضل لك

 

[فاهمه *]

حراام اتشيلينهم والله انا من راي الاخت

 

[^_^ حوراء ^_^]

عن تجربه بالعياده روحي عياده الفوزان فوق بالمهلب ..

 

[SnowdroP]

حطي جسر من داخل وايد احسن ومايبين رفيجتي مسويته وحتى لو صار عرسج عادي

 

[أم عزة]

أنا مع راى البنات حرام تشيلينهم الأسنان الطبيعيه ما تتعوض وحظى جسر مثل ما قالوا البنات وبالنسبه للعيادات يمدحون الفوزان فى ا لمهلب

 

[درة أهل الطولات]

:eh_s(6):الميـــــــــــــــــــــدااااااااااااااااااااااااااااااااااااااااااااااااااااااااااااااااااااااااااااااااااااااااااااااان

 

[دلوعه و مزاجيه]

مشكورين على ردودكم بس اسناني موحلو ولافيني صبر

 

[eman84]

روحي عيادة الحكمة اللي ببلازا حولي في استشاري مفيد الصواف عن تجربه شغله روعه وخبره
وعلى فكره واايد معارف مسوين عنده من سنين

 

[ابلة رسم كتكوته]

انا مسويه الاربعه اللي جدام بعيادة ابها اللي بالشعب البحري
ممممممممممم ناسيه اسم الدكتور اذا ما خاب ظني انور
بس اذا عرسج قريب ما يمدي ترا الموضوع يطول ومو هين
انا اتذكر دكتور يعقوب اللي شال ضرس العقل بس واللي سوا لي تلبيس جنه انور
واهما ما يسوون زراعه يسوون تلبيس

 

[عسولة الكويت]

انا مجربه ابراهيم بهبهاني وفيصل الفوزان رووووووووعه هالاثنين ماشاء الله عليهم شغلهم لايعلى عليه

 

[لاب توب]

هلا حبيبتي
إذا أنتي بالمنطقة الرابعة عندج عيادة الثريا فوق مجمع المناور عند الدكتور كلود حيل شاطر

 

[*الهوا الغايب*]

رفيجتي مسويه تقويم الشفاف عند الدكتور فرج بهبهاني بعيادة ابها اللي بالشعب البحري

البروز الي عندج مومن الاسنان انا اعتقد من اللثه عندج باارزه

فأحسن شي تركبين التقويم علشان ترد ورا ويخف اويختفي البرروز بلمره انشالله

فنصيحه سوي التقويم بصراااحه رفيجتي تغيرت 180 درجه بعد ماشالت التقويم

 

[نسكافيه بالحليب]

انا اختي نفس حالتج تقريبا سوتهم عند عيادة الحكمة بالفحيحيل عند الدكتور يحيى ولا تقويم ولا شي يمكن بجلستين او ثلاث ضبطلها اسنانها من غير تقويم لان حبيبتي الحين الطب تطور ويقدر يضبطلج اسنانج من غير تقويم فنصيحة انتي روحي لعيادة الاسنان واهم راح يقولولج انتي شنو تحتاجين

وموفقة إن شاءالله

 

[INFINITY]

تبين نصيحتي !!!

دكتور احمد بعيادة عفاف الرومي بالجابرية

الصراااحة قــمة

 

[دلوعه و مزاجيه]

مشكورين على الردود

 

[عود ومسك]

اذا تبين زراعه لا تروحين على سمعة العياده..دوري دكتور مختص زراعه لأن ممكن تسمعين عن عياده انها زييييينه حيل والبنات مجربين عندهم صح..بس يمكن مجربين دكاترة التركيب او التقويم وغيره..انتي اهم شي اذا تبين زراعه دوري دكتور مختص بالزراعه وممتاز
انا محتاجه زراعه وقاعده ادور دكاتره للحين اللي سمعت انهم ممتازين واحد اسمه نائل الهزيم بالميدان
والدكتور الثاني هادي الصفار بأسنان كلينك بس للحين ما جربت ولا سويت شي بس رحت خذيت استشاره عند دكتور هادي وللحين ما قررت

 

[وهــم]

الله يعينج وحده اعرفها نفس حالتج اسنانها ناقزه شوي من قدام وكانت حاطه تقويم وعقب سنين ردت اسنانها نقزت راحت ركبت اسنان وصارت اسنانها تهبببببل صغيره وصفه وحده تهببببل عند عيادة ... والله ناسيه اسم العياده بس الدكتور اسمه فراس وهذا رقم العياده 25630508 انا كنت مركبه اسناني بالهادي ونصابين مركبين لي اسنان اكبر من اسناني القديمه رحت لدكتور فراس وركبت عنده اسنان اقسسسسسسم بالله تشفينها ماتقولين انها تركبين صغيره حييييل مو نفس الاسنان التركيب دايم تجي صغيره يعني لما اضحك تبين لثتي وبياضها حلوه انا اخترت ابيض درجه ودرجة الشفافيه فيها حلوه تبين كانها طبيعيه اذا انتي صامله صامله وتبين تركبين لاتروحين لغير هالدكتور هذي نصيحتي انا سمعت عن عيادة الزلزله حلوه حيييل يمدحونها بس عيبها مواعيدها لووووعه تروحين من 7 الصبح يالله يوصلج الدور انا قبل لا اركب سالت وسالت لين طحت على دكتور فراس واختي عقبي هم راحت وركبت اسنانها عنده


واللي يقولج انه يطول لالا غلطانه السالفه كلها تصير باسبوعين مو اكثر اول مره تروحين له ياخذ لج قياس عقب اسبوع تجينه يحك اسنانج ويركب لج الاسنان المؤقته وعقب اسبوع تروحين له يشيل المؤقته ويركب لج الاسنان النهائيه بس انتي لاتعجلينه على الاسنان النهائيه خليه يسويها بسهالات وقوليله انج عروس عشان يشتط معاج انا اشتط معاي لاني مركبه من قبل قالي حرام جذيه ثاني مره تركبين قلت شسوي انقص علي ولزززمي عليه انها تكون صغاااار قوليله اذا طلعت كبار مابيها خوفيه لوعي جبده عشان يشتط معاج بس لا تستعجلين فيهم عشان يضبطهم لج هههههههههههههههههه انا طولت عليج جنج بتروحين له

بس هذي نصيحتي اذا بتروحين له

وموفقه انشالله