احذروا مدرسة English play Group

[رقي]

انا ولدت اختي بالمدرسه
وايد مرتاحه فيها

 

[atooma]

خلوا عيالكم ياخذون صيفي بالبيت احسن واامن

 

[qooby]

ولدي فيها حضانه .. و نفس مدرساته اللي بالكورس الحين معاه بالصيفي .

بس الصيفي صج غير و مو شي مع انه فيه برامج حلوه لليهال و دراسه و تعليم .. بس حوسه و زحمه..و اليهال اشكال و الوان .. غير عن كورس الدراسه المدرسه منظمه و اليهال سنعين .

و العراقيه انا خبرتها مشرفه او شي جذي ..و ستاف الفلبن و الهنود البيبي سيتر نفسهم .. و المدرسات شي يديد جنهم من اوربا الشرقيه و شي قديم .

و المسبح انا ما اخلي ولدي يسبح لان عباله تبدله و هدومه .

و الاكل اشوف يقدمون لهم وجبتين ..و اللي ما ياكل و اهله اييبون اكله يعطونه اياه ..

انا كنت اعتقد مثلج انا بس المشرفة عراقية بس الي اكتشفته انا اغلب المدرسات عراقيات ومنهم مدرسة الكمبيوتر ومدرست الارت واغلب مدرسات الحضانة
اما بالنسبة للأكل انا كنت احط اكل زيادة لهم ولما يرجعون كانت الجنطة ترجع فاضية واعيالي يواعة ميتين من اليوع وانا انصحج اذا كان ولدج اصغير اتروحين اتشوفين السراير الي تحت وين موجودين ترى موجودين مع الحمامات اقبال المغاسل وروحي شوفي وتأكدي بنفسج .

 

[الفنانه79]

اقوووووووووووووووووووول
عيل ماسمعتي بسالفتي عندهم بالحضانه معروفه انا اهناك بام التوأم
بهذلتهم اولا الستاف كله تغير ايلوع الجبد نفس كلامج 100 ب100
لوووووووووووووووعه وولدي جم مره يطيح عندهم ومره انفلع تحت عينه وانشق ومره اشتكالي ان البيبي ستر طاقته طق الله حيلها وااااااااااااااااااااااااي انقهرت وانقثيت وسفلت فيهم وشهر 5 ماخليتهم يداومون وعلشان يبوني اسكت سوو حق اعيالي عيد ميلاد ببلاش وانا بعد اخس منك 1800 دينار حق الاثنين
كلامج صحيح هذي الانجلش ابلي اجروب وع وع وع

 

[كوكاكولا]

هاااااااااااااي بنات

ُEnglish-Scoolاللي بسلوي

كل عيالنا فيها من ،KG1
المدرسة زينة مافيها شي بالعكس يخافون على سمعتهم

الصيفي ماجربناة بس رفيجتي مدخلة عيالها السنة اللي فاتت وااااااااايد تمدحة

بالنسبة لأكل اليهال إذا ماكلوة يردونة معاهم

لمي سوينا عيد ميلاد بنت اختي تخيلوا ردوا باجي الكيكة والأكواب والكبابيس والبالونات الزايدين بس المس خذت هدايا للغايبين وخلت بنت اختي تقدمهم لهم ثاني يوم

 

[sondos]

انا كتبتعن نفس السالفه والمدرسه من سنه ونص وفعلا مستوى المدرسه حييييل تغير .........ولدى بالحضانه كانو يلونون عنه الاوراق ويشخبطون ويكتبون اسمه عليهم (عبالهم غبيه ماعرف مستوى ولدى)


والمدرسات صارو فلبينيات وهنود بس يدورون باليهال وينيمونهم والمدرسات الاجانب اختفوااا مافى ولا وحده

والصراحه انقهرت جنى اطلع ولدى من صباح الله خير والبسه عشان يقعد مع خدم ويهال ومايتعلم شى ........ولما رحت كلمت الاداره قلتلهم بطلع ولدى مو هذا المستوى اللى انا شفته قبل ومابيه يقعد زياده طلع لسانهم شطوووووله ..تقولى مانقدر نرجع فلوس وتبين تغيبينه كيفج

بس شاطرين كل شى بفلوس ........صارت مدرسه بس حق اللعب والبوق

حتى عيد ميلاد ولدى قلت بسويه جان يقولون ب 30 مع كيكه ودونات وبيتزا قلت احسن بدال ماشيل على عمرى .......يوم صار العيد ميلاد اصدمت!!!!!!!!!!!


كيكه علب مشخبطين عليها بكريمه ودونات من عندهم وبيتزا من عندهم وكل ياهل عطوه حبه وحده بس من كل شغله والباقى خذوة معاهم

صج صارت اى شى

 

[زيـنـه]

ولدي فيها حضانه .. و نفس مدرساته اللي بالكورس الحين معاه بالصيفي .

بس الصيفي صج غير و مو شي مع انه فيه برامج حلوه لليهال و دراسه و تعليم .. بس حوسه و زحمه..و اليهال اشكال و الوان .. غير عن كورس الدراسه المدرسه منظمه و اليهال سنعين .

و العراقيه انا خبرتها مشرفه او شي جذي ..و ستاف الفلبن و الهنود البيبي سيتر نفسهم .. و المدرسات شي يديد جنهم من اوربا الشرقيه و شي قديم .

و المسبح انا ما اخلي ولدي يسبح لان عباله تبدله و هدومه .

و الاكل اشوف يقدمون لهم وجبتين ..و اللي ما ياكل و اهله اييبون اكله يعطونه اياه ..

انا كنت اعتقد مثلج انا بس المشرفة عراقية بس الي اكتشفته انا اغلب المدرسات عراقيات ومنهم مدرسة الكمبيوتر ومدرست الارت واغلب مدرسات الحضانة
اما بالنسبة للأكل انا كنت احط اكل زيادة لهم ولما يرجعون كانت الجنطة ترجع فاضية واعيالي يواعة ميتين من اليوع وانا انصحج اذا كان ولدج اصغير اتروحين اتشوفين السراير الي تحت وين موجودين ترى موجودين مع الحمامات اقبال المغاسل وروحي شوفي وتأكدي بنفسج .

انا اللي شفتهم مدرسات الحضانه اجانب او عرب بس على مستوى انجليزيتهم ما جنهم عرب .. و الاكل انا ما احط حق ولدي لانه ابيه ياكل مع اليهال عشان يتعلم ياكل بروحه و يتعود على اكل غير اكل البيت .. فكان عادي اييني يوعان .
ولدي صغير بس الحمدلله ما ينام بالحضانه .. اشبعه نوم بالبيت و اوديه الضحى لهم .. فينام لا رجع البيت .. و السراير ما فيه شي مكانهم قبال الحمامات بس مو داخلها .
و بعدين المفروض متى ما شفتوا شي غلط على طول تناشبونهم و تتكلمون معاهم .. مو تسكتون .
يعني اول ما وديت ولدي كل يوم معاه بامبرز حبتين او 3 حبات يرجع بدونهم كلمتهم قلت لهم معقوله خلال ساعتين او 3 تغيرون له مرتين او 3 .. قالوا ايه .. قلت لهم غلط .. المفروض كل 3 ساعات تقريبا مره الا اذا مسوي العوده .. افهموا وما قاموا يستخدمون كل البامبرز .
بس ارجع وو اقول بالصيف صج المدرسه حوسه و هلاقه .. غير عن النظام و الانتظام في الايام العاديه .

 

[ساره ستايل]

لازم تشتكين عليهم لا تسكتين
هذا وانتي دافعه لهم فلوس وجذي يعاملون اعيالج ؟!!!!!!
حسبي الله عليهم

 

[ام اغلى الناس]

مالت عليهم
ياخذون فلوس عالفاضي
الموضوع قديم بس بطوا جبدي

 

[ام دودو المزيونه]

صج الموضوع قديم بس انا بنتي كانت فيها من الحضانه لرياض الأطفال kg1 +kg2 وكنت مرتاح للمدرسه وروعة بالأهتمام بالبيبي والحين انا امدخله اخوها kg1 علي السنه الدراسية القادمة وبالعكس ابي المدرسه له وما ابي غيرها ومستوي بنتي بالأنجليزي كمحادثة وحوار اكثر من رائع وابلتها بالحكومة حيل تمدحها لي وعالعموم انا ما كنت امجابلتها بالأنجليزي وايد وكنت اغيبها وايد بسبب مرضها المتكرر من اللوز وبالبيت ما نتكلم معاها كلش بلش انجليزي بس اتابع قناة ديزني وحلو مستواها بالأنجليزي
وكاني يوم اقري موضوعكم كنت قاعده اعبي بيانات ولدي للقبول

 

[السهم الصويب]

قطططططططططع هذا اللي ناقص علشان يردون يتكلمون عراقي بعد
امبيه السوالف ماينسكت عنها ! شنو ياهل مسكر عليه الباب بروحه
ولا الولد ملبسينه تنوره ؟
لو انا جان بجيت
المفروض يدقون ويخلونج إتيبين له ملابس مو مخلينه جذيه
يتضحكون عليه
ويع ولا ابيزه

جدا مشكوره على التنبيه

 

[حروف من ذهب*]

الصراحه لا تقولين المدرسه غاليه بيهتمون لولدي لا كلهم نفس الشي
وعيالي السنه الطافت كانو بخاصه وكان معاهم ولد مشاغب وكل يوم جايه امه تصرخ علي العيال وتبقق عيونها عليهم وتقولهم ياويلكم اذا حشتو اجي اذبحكم وعادي عندهم ولدي يخاف من الولد وامه
وبعدين الحكومه شنو تشتكي منه ؟؟ دخلتهم حكومه والله معاملتهم احسن من الخاصه وقبل عيالي ما يعرفون عيال جيرانا والحين كل بيت يقولي اسم ولدهم

 

[Edu.Technology]

والله حيرتوني اللي تمدح واللي تذم في هالمدرسة .. وانا كنت حاطه أملي فيها .. أدخل بنتي عندهم .. صراحة احترت وايد وين أدخلها عيل واهي حضانة .. وانا وايد خايفة عليها .. أبي حضانة زينة مو عارفة وين .. أرجو من اللي تعرف تقولي بالخاص وين في حضانة ممتازة ونظيفة ومحترمة ... أهم شي في عمرها الاهتمام والنظافة والأخلاق .. الطفل في هالعمر يتأثر وايد ... والله محتارة

وعلى كلام الاخت اللي اكتبت الموضوع شي مو طبيعي صراحة ان عراقيات اهم اللي يدرسون ويشرفون على العيال وفوق هذا زف ومعاملة سيئة .. معقولة؟ .. وشلون سكتي عنهم .. والله غلطانة .. أشتكي عليهم وأسويلهم سالفه مالها اول ولا تالي .. لان لو بسكت أكون راضية عن تصرفهم .. وما اكلمهم اكلم اللي اكبر منهم لان لو بسكت اظلم الاطفال الثانية اللي موجوده ومحد يدري عنهم .. وبجذيه ماراح اخافون ان يتصرفون مع الاطفال باسلوب سيء .. بقولون لا من شاف ولا من درا ... بس الله فوقهم ياخذ حق كل طفل اظلموه في تعاملهم أو أساءوا له .. وشكرا على التبيه

 

[Chic & Unique]

انا اعرف وحده قبل اسبوع بنتها ارجعت لها وجها مشمخ و مطقوقه يوم راحت للمدرسه قالولها في بنت طاقتها و المدرسه ماشافتهم ياسلااااااااااااااااااااااااااااام عيل ليش قاطه فلوس و مدخله بنتها عندهم عشان ترجع البنت مطقوقه بيتها


الله يعين

 

[ThaRbah .]

رد : احذروا مدرسة English play Group

امبيه وآي معقوله عآد آنا مآدحيلي يآها بس خلاص بصرف النظر عنها
تسلمين