احتياجات الخدامة من شامبو وصابون .. تشترينه من معاشج ولا معاشها ؟؟ تصويت

[فروووحه]

انا كنت اشتريلها معاي اذا رحت للجمعيه ومثل مشترواتي بالشامبو والكريمات والاولويز

بس مليت كل شوي جايتني ..ماما خلص معجون او صابون او كريم ...وانا اكون توني راده من الجمعيه ومالي خلق ارد لها


بالاخر زدتها على معاشها 5 دنانير وقلت لها لعاد اشوفج طالبتني ..... وارتحت حيل معاها... مع اني احس ان الحين معجوني وشامبو مالي يخلص بسرعه بس الله يسامحها

 

[Pissy Missy]

عندي 2 والحمدالله عمري ماخذت منهم فلس واحد بالعكس اعطيهم زياده ولا اخذ

وكل شي علي من اكل واغراض شخصيه وكروت تلفون وطوابع

حتى المسجله انا شريتلها وغير بالاعياد والمناسبات مانقصر عليهم بشي

والله يشهد على اني حاسبتهم من اهل البيت وامحسستهم بهل شي

 

[&رعبوووبه&]

انا اشتري كل شي والله ساعات كل ما اروح السوق(اذا سوق شعبي طبعا)
اشتري لها شغله اقول حرااام نفس وتشتهي
ما عـــــــــــــــــــــدا الدابـــــــــــــــــــــــــــــــــر انا بروحي شقه وانصرع منه
اخذ لها للصيف والشتا ملابس وفازلين ومعجون سيجنيال وشامبو سلفكرين او صانسيلك ودوا القمل اول ماتيي من السفر
وديودرنت وملابس داخليه +فوطه للسباحه نعال للبيت وشوز مسكر حق برا
ودمتم

 

[al_zain_80]

والله مساكين ... كافي غربتهم ....والدينار الواحد يفرق معاهم وحنا الحمدلله 20 دينار ماراح تأثر على معاشاتنا

 

[AL-LULU]

شي اكيد من معاشي لانه حرام كلها 45 دينار والحمدالله ما قاعده اقصر بعينها شييي بس انشالله يبين والله حتى ساعات افكر اشتري حق عيالها لانهم صغار وماشالله 5 يعني الواحد يكسب فيهم اجر

 

[Fantazya]

اغراض الجمعيه وكروت الاتصالات على الخدامة والجسوة على الوالدة
ولما تكون الخدامة بنت حلال وتشتغل بذمة الوالدة ما تقصر وياها وتجيب لها اغراض الجمعيه

 

[اخت الغالي الغائب]

كل اغراضها علي من لبس وجميع احتياجاتها حتى كروت الاتصال بس هي ماتطلب الا لما يخلص اللي عندها وتكلم مره بالشهر

 

[MISS^^CHANEL]

الصراحه من معاشها الشغلات الخصوصييه
بس الجسوه اذا تستاهل مانقصر معاها

 

[^kloOot^]

كل شيء اشتريلها من معاشي انا وزوجي

فازلين نيفيا ملابس فوط صحيه معجون

واهم شيء الاندومي (الاندونسيات يموتون عليها)

وحتى اذا تبي صوص او صويا لانهم يموت عالسوالف هذه اخذلها


بس اللهم اذا تبين كريم او شيء غااااااالى عاد من معاشها
يعنى مره خدامتى شايفه بداعيه كريم تفتيح خخخخخخخخخخخخخخخ عاد كيفها من معاشها

 

[Blue Dreems]

والله بالنسبه لنا
احنا انعامل الخدامه جنها وحده من العايله
ما نقصر عنها بولاااااا شي
نوفرلها كلشي حتى ما تحتاج شي
حتى مكالماتها ماتضطر انها تقول ابي اكلم اهلي انا اشتريلها كرت كل شهر واخليها تكلم اهلها
حرام تكسر خاطري احط نفسي مكانها ويعورني قلبي
واذا طلبنا من المطعم اسألها شنو تحب تاكل ونطلب لها معانا

الخدم على قد ما تحسسونهم انهم في بيتهم بين اهلهم على قد ما يعطونكم من قلب ويخافون عليكم مو منكم

 

[bnt-obooha]

انا اشتريلها من معاشي كل شي ما اخليها عليها قاصر من ملابس داخليه وشامبو وصابون وكل شي وبين فتره وفتره اهما اذا يبون يروحون السوق نطرشهم ويه السايق يشترون لهم .. حرام بروحهم ياين يترزقون الله على هل معاش وهل مره نخليهم يتشرون من حسابهم !


مشكورين على الموضوع الحلو

 

[أجاثا^كريستي]

مرحبا اخت دموووع أنا توني اشترك معاكم وحبيت اشارك بموضوعج
أولا انا اشتري لخدامتى من معاشي لانهم عموما شعب مسكين ويصرفون على اهلهم وهذي تعتبر صدقه بعد اما عن النوعية فبالنسبة للشامبو اشتري اللي نفس اللي اشتريه لنفسي واكيد طبعا الفازلين والدهن للشعر ((مايستغنون عنهم) وغيره اما الملابس صراحة اشتري الرخيص وزين منى:tomato2: وشكرا على الموضوع الحلو

 

[قلبي ابيض]

انا اشتري لهم كل شي حتى بالعيد اعطيهم احس بذمتي .... ( عندي ثنتين)

 

[د.شريفة]

كل شي انا اشتري لها

 

[امل2007]

الخدامه اول ماتي
اشتري لها كل شي
لكن بس يصير عندها جم معاش
هي تشتري الي بخاطرها وعشان تحافظ عليهم اذا هي دفعت مو مثل ماقالت ** ام طلال***
كل يوم تكرمون نعال وتقطعه
خدامتي قعدت 3 سنين ونص بواحد للبيت ____ لانها هي دافعته
انا اشتري لها بس عيد لكن الباجي عليها
************ الاكل الوجبات الطلعات لا احسبها وحده منا

وسلامتكم

 

[أمانيQ8]

والله كل شي اشتري لها من الألف الى الياء من ناحية اهدوم ولا الله يعزكم نعل او جواتي وادلاغات وشامبو وكريم وكل شي تدرون ذول بذمتنا والله بيحاسبنا عليهم ومعاشها يالله يكفيها

 

[ذابحهم غروري]

خداامتنا أمي تشتري لها كل شيء تبية من شامبو شعر وشامبو جسم وفوط صحية وكل شيء حتى بالمناسبات أمي تشتري لها


من عندنا لان حراااااااام اهما يشتغلون ويمعون معاشهم حق عيالهم


سي يو

 

[اطياب طيبه.أم عبدالله]

بالنسبه لي انا أييب لها كل شي من معاشي احس انها مسكينه تكرف طول الشهر ومعاشها 35 دينار بس
أييب لها كل شي حتي كرت تلفون كل شهر قيمته 3 دنانير من معاشي وتطلب صبغة شعر لونها اسود
علشان تخش الشيب وكله من معاشي
بس ما أييب لها نفس الماركات والملابس مالتي لييييييييييييييييش
لأن زوجي مايدانيها ويقول لي لو لبستي مثلها اخاف أكرهج نفس ما أكرهها
هههههه

 

[][^lorans^][]

انا خدامتي محيرتي ماتاخذ لاشامبو ولا فوط صحية ليش مادري بس ذابحتني سغنل ماما

 

[ذوؤوؤق]

أكيد من معاش باباتي


يكسرون الخاطر صراحه متغربين علشان يبنون بيت من خشب


والف شكر عالموضوع الطيب


لان في ناس مجرمين صراحه يخلون الخدامه تصرف على نفسها يعني بروحه المعاش 40 دينار

وتبونها حتى كرت تكلم اهلها اهيا تشتريه