احتياجات الخدامة من شامبو وصابون .. تشترينه من معاشج ولا معاشها ؟؟ تصويت

[^^دموع الكويت^^]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

جزاكم الله كل خير بنات وفعلا هذا الصح


لانه سمعت عوايل كثيره للأسف يخلون الخدامة كلشي تشتري من معاشها والقهر مرات ما يعطونها المعاش كامل من جذي فكرت انزل الموضوع


احنا الوالد حتى اذا بتدق على اهلها يخليها تدق من تلفونه ... يكسرون الخاطر

 

[LajoOona]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

انا اشتري لها من معاشي كل الي تبيه والنوعيه الي ترتاح عليها من شامبوو وصابوون وكريم وفوط صحيه ومعجوون اسنان وفرشه
وهذا كل شهر لما اروح الجمعيه قبل لا اسالها شنو ناقصنا بالبيت اسالها عن اغراضها الي اهي محتاجتهم
طبعا الملابس كسوة الصيف وكسوة الشتا توصلها من ملابس داخليه ويونفرمات وملابس للنوم ودلاغات وتكرمون جوتي ونعال للبيت وحق الطلعه وغير ملابس العيد بعد
وتعودنا على هالشي من امي من فجينا عينا على الدنيا وامي تسوي مع الخدم جذيه وبعدين حرام اهم متغربين وياين يشتغلون وهم رووح يشتهون يلبسوون حالهم حال الاوادم ومعاشتهم يدووب تكفي

 

[لووولوو]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

اي والله حلوو كلامكم

والله حتى الجمعية مثل حلوبات وبفك واي شيء كل ما نروح نشتري لها معانا حتى الوالد تعود واهوا عودنا علىالطريقة خذب

ومشكوورين

مشكوورة أختي دموووع

 

[MaYoOoma]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

انا اشتريلها من معاشي كلشي تبيه وخاطرها فيه حتى لو مامنه فايده بس بخاطرهاااا حرام تكسر خاطري
وكل مره اروح الجمعيه اوديها معاي واخليها اهيا تاخذ اللي تبيه ما اخذلها انا على كيفي
ونفس الشي الاكل اخليها تاخذ اللي تبيه حتى اذا طلبت من مطعم اسألها شنو تبي قبل لا افكر اخذلي ولا اسأل ريلي ..
مسكينه والله تكسر خاطري وايد
والملابس والاغراض الباجي ساعات اخذها اهي تنقي وساعات تصير اهيا مو معاي واييبلها معاي
والله حتى اشتريلها قبلي وقبل ولدي وريلي لما اخلص شغلها اخذ حق ولدي
ما اخلي شي بخاطرها انا تقريبا يوميا اروح الجمعيه كل يوم اييبلها شي معاي وكافي انها تكرف كراف من صباح الله خير لي تالي الليل .. تستاهل اعطيها اللي تبيه مسكينه

 

[شمس و قمر]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

الله لايحرمنا الاجر

انا ماخليها تجيس معاشها

حتى كروت الاتصال اشتريلها من معاشي

وادويه من الصيدليه اذا تعبت

 

[مُناي]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

والله أنا ماأشتري


آخذها الجمعيه كل شهر مشوار لها بروحها


وقول لها خذي اللي تبين


عاد تدرون


كريم مال الويه فير اند لفلي

وللجسم نيفيا

وشامبوها

وسكينول وقطن للويه

وفوط صحيه احسن نوع (( فام ))

والفازلين والمعجون


تقريبا نطلع من الجمعيه


من سبع الى عشر دنانير

 

[مُناي]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

هذا ضرورياتها

أما بفك وكاكاو وهالسوالف

مايحتاي

اصلا اعيالي من اييون من المدرسه


عاملين حسابها



حتى لما اروح المكتبه



يشترون لها استيكرز




تصدقون بنات


ذاك اليوم طبعت لعيالي تلوينات واهي وياهم خخخخخخخخخ


انبطحوا عالارض وهي وياهم تلون خخخخخخخخخخ بألوانها

 

[ظلال القرآن]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

والله اهما يشترون يستلمون 55 والفرع قبالنا وبس


والله عساني انا اروح الجمعيه ما اواطنها ريلي يشتري الماجله والاغراض كل اسبوعين

والاشياء اليوميه خبز روب لبن السايق وبس

 

[jolie_q8]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

انا مثل مناي

تروح وياي الجمعيه .. ويشترون احتياجاتهم

وطبعا ما يرضون الا بأحسن نوع يالله من فضلك

الشامبو هيد اند شولدرز وكريم جلسويد وكوتكس يا فام يا برايفت

وقطن الاذون واخذ حق وحده منهم شبه واخلطها مع بيبي جونس

وملابسهم من الرداء

وشغل عدل

وحتى التلفون يمكن اول مره خليتها تشتري كرت من تلفونها (علشان اصعب عليها الموضوع)

والباجي من تلفونا..بس اقعد على راسها

هههههه

والله احنا نراعيهم..جود يبين فيهم.. ويراعون اعيالي

هذي اهم نقطه

 

[jolie_q8]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

اي و المعجون الا كولقيت... اذا يبت سيغنال يزعلون !!

تهقون شنو الحكمه من كولقيت ؟

 

[@ الرسامة @]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

مشكورة على الموضوع

وانا اشتري حق خدامتي كل شي تطلبه من فوط صحية وصابون وشامبو وخدامتي تكتب النوع اللي تبيه بورقة واي شي يخلص منها تطلبه وتكتبه بورقه وانا اعطيها

 

[كويتية بالغربة]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

والله انا خدامتي كل شي اشتريلها من معاش ابونا اللي تبيه
ملابس وصابون ومعجون اسنان وشامبو وفازلين وفرش وجواتي وملابس داخلية
وكسوة الصيف والشتا وحتى العيد حرام هم معاشهم مايكفي يالله يطرشونه لاهلهم
ودايما اخليها تكلم اهلها من نقالي اونقال ابونا ونخليها على راحتها بس اهي تستحي وماتطول
والاكل كل اسبوع او اسبوعين تروح معانا الجمعية ونخليها تختار بس للامانة اهي ماتاخذ الا اندومي
ونوع ثاني هم اندونيسي وصلصة الصويا
والثلاجة انا فاتحتها اللي تبي تاخذ منها مااقولها شي ودايما تاكل مع ولدي حلويات وفواكه


وعلى فكرة اهي الحين بتكمل عندي سنتين وماطلبت كوتكس الا مرتين مادري لييييييش ؟؟؟؟؟؟؟؟
مع انها تجيها الدورة كل شهر

وعندي وحدة من خواتي كل خميس تخلي خدامتها تكلم ولدها بتندونيسيا
تقول مثل مانجي لاهلنا ونتونس ولله الحمد هم هي خليها تونس

 

[الفرحه]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

اهيا اتروح معاي الجمعيه فأقول لها اخذي شنو تبين بس خدامتي تستحي..مع ان صارلها3 اسنين عندي وهذي السنه الرابعه
يعني اذ تبي شامبو تاخذ اصغر شي مسكينه ... انا اقول لها اخذي الي تبينه كله
طبعا بداية الصيف والشتاء لازم اشتريلها شي والعيد بعد .
..مساكين احس معاشهم مايكفيهم يالله ولبهم يطرشووونه حق اهاليهم

 

[al7reyaa]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

اشدعوه مسكينه معاشها شيكفيي اطرش حق اهلها ولا تشتري اغراضها
انا اول ما تيي الخادمه اعطيها موس وديودرنت وفرشة اسنان وصابونه ومعجون اسنان وشامبو و فنيلتين جم قصير قطن علشان تمص العرق ولا يشف الستيان واشتري ستيانات بيج 2 و3 نيو فورمات ويالله نلحق معاهم
واعطيهم من نفس شامبوي لان مالي خلق ينقص اللي عندي وله يزيدونه ماي وله شي ونفس اغراضي اللي عندي وديودرنت النوع الزين هذي ريحة عرق مو غشمره

 

[kwaiteyah100%]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

انا والله اشتري لها من معاش ابونا....وساعات يتحلطم بس اذكره انها فقيرة والله راح يعوضه خير ( الفوط النسائية ، معجون الأسنان ....الخ ، واهم شي البندول و الفكس لأن كله راسها يعورها ( من شنو مادري مع ان الشغل يوم خفيف ويوم ثقيل ) بس كسوتها ( حق العيد ودخلة الصيف والشتا ) من معاشي.........بس فيه اشياء اهي بروحها من كيفها تبي تشتريها من معاشها.....وساعات ما يعجبها نوع الشامبو او المعجون....بس شنسوي .......الله كريم
يلا كله اجر لنا ان شاالله.......

يلابااااااااااي

 

[bedour18]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

الشغاله انا اشتريلها اغراضها الشخصية من مصروف البيت ، احس حرام لأنها تشتغل عدل و ما تسوى اذا بتشتري اغراضها بنفسها خلص معاشها، بس اكثر المرات اذا رحت رامز تختار لها من اهناك و تستانس عليهم مثل النيفيا و الفازلين و الشامبوهات تكون احجامها كبيرة و سعرها زين

 

[عنايد]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

انا بعد الحمدلله كل شي اشتريه لها واذا كتبت طلبات الجمعيه آخر شي اكتب طلباتها واشتريهم لها شامبو ومعجون وصابون جسم وكوتكس وفازلين وذا راحت معاي السوق تشيل ولدي اقولها شنو تبين واشتري لها طبعا غير الشتا اذا دخل علينا والصيف الحمدلله واكلها مثل ماناكل سواء من البيت ولا المطعم بعد اهم لهم نفوس

 

[bnt_kwt]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

الحمدالله انا من فتحت عيوني على هالدنيا امي تعامل الخدم مثل ما تعاملنا
يعني كل شي نشتري لهم من فلوسنا مو من معاشاتهم مثل ما قالوا كل البنات

والحمدالله انا اكيد بصير مثل ماماتي

 

[&عبير الشوووووق&]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

لاااااااا واللة انا اشترى لهااااااااا حلهااا حال عيالى


وتسلميييييين على الموضووووووووووووووع

 

[نفيشه]

مشاركة: احتياجات الخدامة من شامبو وصابون .. تشترينه من معاشج ولا معاشها ؟؟ تصويت

والل مانقصر عليهم حالهم من حالنا
بكل شي باللقمة واللبس والطلعة والنومة والقعدة