احتمال يكون جنيني فيه داون... حدي خايفه

[pinkigigi]

اللهم لا نسألك رد القضاء ولكن نسألك اللطف فيه :eh_s(2):


بنات امس رحت سويت سونار و اكتشف الدكتور ان سماكة رقبة الجنين زايده و هالشي يدل على ان الطفل مصاب بمتلازمة الداون او فيه خلل كروموسومي

بنات انا صكت فيني الدنيا :eh_s(2):

مو عارفه يعني فيه و لا مافيه

و غير جذي سويت تحليل دم و النتايج بعد 10 ايام تطلع

اقسم بالله العظيم كنت رايحه بتطمن على البيبي و بشوف يبين اهو ولد و لا بنت
و عقب هالصدمه نسيت كل شي

بنات منو قالولها هالشي و طلع شك ماله صحه ؟

:eh_s(11):

 

[Australia girl]

انشالله نتيجة التحليل تكون سليمه

 

[أغلى أمنياته]

والله ماعندي فكره//
بس حبيبتي شلون يبين ان في الجنين متلازمه الداون وشنو اسبابه؟؟
انا اللي اعرفه ان اغلب الحالات الحمل بعد الاربعين//
لا تصك فيج الدنيا الله اذا حب الشخص ابتلاه واصبري وشوفي اجرج عند رب العالمين يا اختي///
الله يطمن قلبج يااااارب​

 

[LA TROO7]

الله يطمنج عليه يااااارب

قومي صلي وادعي وروحي تصدقي لاطفال الصوومال وان شاءالله ربي بيسعدج بالنتيجه وبشرينااا

 

[غدرك ذبحني]

مااعرف بس الله يفرح قلبج بطفل سليم يارب ادعي يااختي وربج مايخيب عبده عسى ربي يرزقنا بالخلفه التامه

 

[زوجي توأم روحي]

ان شاء الله ماكو الا العافية

راجعى الدكتورة سميرة العوضى ممتااااااااااااازة بالسونار

 

[!witcha!]

انشاءالله مافيه الا العافيه يارب راجعي دكتور ثاني
و طمنينا عفيا

 

[sharoo_e5]

روحى حق دكتور ديوكارا هندى بمستشفى السيف شاطر ويسوى لج السونار ب ساعة يشيك على البيبي بكل مكان عدل

والله يبشرج بالخير يا رب

 

[نـعـومـه]

راجعي اكثر من دكتور وخلهم يشرحولج عدل عدل
الله يفرج همج

 

[pinkigigi]

بنات و الله مو قادره اشوف شاشة الابتوب من الدموع

صارلي من امس ابجي و انوح

بنات انا راجعت دكتور اشرف اللي بالسلام و اهو اللي اكتشف هالموضوع
عقبها طلعت رحت لدكتور حيان اللي بالمواساة

و كلهم اكدو هالشي

بنات قلبي بيوقف من الخرعه عالبيبي

اشوفه يتحرك و يتقلب

و الله يابنات الدكتور يطمني و يقول يمكن مافيه داون بس عيوب بالقلب او بالكليه ( يعني التشوه فيه فيه و الطفل راح يكون مريض)

اللهم لا اسألك رد القضاء ولكن اسالك اللطف فيه

ما ادري شسوي

والدعاء دعيت

و الصدقه ولله الحمد من قبل هالشي انا مطلعتها

بنات ادعولي

و قولولي شنو اسوي

الدكتور يقول يمكن تسوين اجهاض و احتمال الجنين ما يكمل 3 اشهر
ولو كمل احتمال كبير ما يعيش

و انا الله اعلم بحالتي

 

[شنوووفه]

ميخاالف حبيبتي الي الله كااتبه يصير لا تحاتين صلي وادعي ربج واذا الله كاتبه عمر وبيعيش راح ينولد انشالله مافيه الا العافيه واذا مو نصييبه الله يرزقج بالحمل السليم ويعوضج يااارب
علشان جذييه انا انصح البنات قبل مايفكروون يحملوون ياخذوون الفوليك اسيد وحته انتي حبيبتي لالازم تاخذيينه واييد زين لانه يمنع تشوهات الجنين والله كرييم حبيبتي وطمنينا علييج

 

[camilia]

لاحول ولا قوة الا بالله
أول شي كلام الدكاترة مو كتاب مقدس
ياما وياما فاولوا و أكدوا وطلعت تحليلاتهم خاطئة...قوي ايمانج ودايما تصدقي بنية سلامة المولود وسبحان الله صدقة تسوي عجب العجاب
نفس الشي الاستغفار الخالص

واللي اعرفه فيه طريقة يسوونها يشوفون اذا جنينج سليم من متلازمة داون وباجي العيوب الخلقية..الطريقة اهي فحص السائل الامنيوسي عن طريق ابرة يسحبون منها قطرات من السائل اللي محوط الجنين
ويسوونه من الاسبوع جنه 14 لي 20 ماني متأكدة
انتي بأي اسبووع؟
بس تصدقين؟
حتى هالاختبار الدقيق مرات يفشششل
سبحانك يا رب كل شي بيد رب العالمين والله يفرح قلبج بشوفة الجنين المعافى يااااااا الله

 

[UNICORNA]

حبيبتى ادعى وربك ان شالله ماراح يردك

واحسنى الظن بربك مهما كان

وان شالله مافى الا كل خير

 

[سنااااي]

الحمـــــــــدلله على كل حال والله يعوضج خير والحمدلله بيجهضونــــــــــــــه..... بــــــــــــــــــــــــــــــس ماسالتي الدكتور شنو اسبابه يعني متعرض لأشــــــــــــــــــــعه... أو شي....

 

[مس لوتس]

قوي ايمانج تري ربي يختبرج لاتصدقين هالاطبا اختي لما حامل ف بنتها داون كلهم قالوا سليمه بالسونار والحمدلله ع كل حال طلعت داون نصيحه لوجهه الله ادعي ربج بهللايام المباركه وروحي لفوزيه القطان تري شاطره بهسوالف واحمدي ربج ع كل حال

 

[engnera]

الي الله كاتبه بصير والحمدالله على كل حال

 

[ساشا]

حبيبتي والله انا نفسج سويت تحليل دزوه الاردن وطلع نسبة الخطر فيني كبيرة
وقالي الدكتور لازم اسوي تحليل انهم ياخذون ماي من بطني عشان يتاكدون 100%
اذا تبين سوي هالتحليل يسحبون بابرة ماي من بطنج وهذا التحليل مضمون
انا ماسويته ... بيني وبين نفسي اللي الله كاتبة برضى فيه
وعسى الله يرزقنا انا وانتي واي وحده نفس حالتنا بالذرية السليمة المعافاة

بنات ادعولنا عفية ...

 

[أمل المنصوري]

هلا حبيبتي
الله يطمنج على اللي في بطنج مثل ما طمنى على ولدي
انا الدكتورة قالت لي نفس الكلام
ان احتمال يكون داون وان عظمة الخشم عريضة وهاي
يومها مت من الصياح وانا افكر اشلون بباريه واهم فيه
الحمد لله بعدها باسبوع قلت بروح عند دكتورة ثانية
ورحت وطمنتني وقالت لي قمر زي امه
الحمد لله الحمد لله فديته حبيبي
والحين عمره 6 سنين بيدخل صف اول
وهو ما شاء الله عليه تبارك الرحمن اجمل واحد في اخوانه

الله يطمج يا قلبي ولا يضيع لج تعب

 

[تبطي عظم!]

الله يشافيه لج ومافيه الل العافيه ان شاء الله

ادعي وصصلي والله يشافيه لج ويحفظه

 

[yasmeen_q8]

لا تيئسين راجعي اكثر من دكتور شوفي كل شي ان شاء الله مافيه الا العافيه