احتلم وهذا الي يصير لي

[نتوفه]

انا اللي اعرفه
ان لازم تغتسل بعد الاحتلام

 

[نور دربي]

حبيبتي إذا احتلمتي وقعدتي من النوم ورأيتي الماي فعليج الاغتسال امن إذا مافيه شي ماعليج اغتسال

 

[!! روآض !!]

رد : احتلم وهذا الي يصير لي

والله مادري يااقلبي

ان شاءالله اللي يعرف يفيدج

بس نصيحه من اختج

اقري ايات الله والمعوذاات قبل لاتنامين

واستغفري واايد وانتي عالسرير ..

هذا كله ترى من الشيطان ..لعنة الله عليه دنيا واخره ..

 

[nsoom777]

يبا شفيكم الي تقول اول مره اعرف والي مو مصدقه والي تستنكر
عادي البنت تحتلم مثل الولد شنو اهي مخلوق غريب مالها شهوه ولا غريزه
لازم تغتسلين اذا قمتي من النوم ودايما اقري اذكار النوم قبل لا تنامين

 

[*peace*]

رد : احتلم وهذا الي يصير لي

اي البنت تحتلم عادي

والبنات ماقصروا

 

[ليلو جبريت]

رد : احتلم وهذا الي يصير لي

نامي على طهاره واقراي المعوذات ومسحي على جسمج
ولا تنامين بملابس شفافة في موضوع عن ان الجن يعاشر البنت ويمكن هالشي يجيج من هالموضوع
بصراحه ماعرف ولا لي خبره لكن الاخوات ماقصروا صراحه

 

[~LiBrA~]

رد : احتلم وهذا الي يصير لي

حبيبتي واجب عليج الاغتسال اذا احتلمتي ونزلت شهوة يعني تكون بره

لكن اذا كانت داخل ما طلعت ما توجب الاغتسال

اعضاء البنت مو مثل الريال لان الريال اذا احتلم افرازاته اجباري تطلع ويغتسل لان اعضائه خارجيه

لكن البنت اعضائها داخليه واذا احتلمت وماطلعت الافرازات بره مو مشكله بس اذا طلعت لازم تغتسلين

شلون حبيبتي تطلعين وتصلين بدون اغتسال؟؟

اتمنى تكونينين فهمتي شرحي

 

[مــارووكوو]

رد : احتلم وهذا الي يصير لي

معلومة جديدة علي...

 

[عتيبيه رزه]

رد : احتلم وهذا الي يصير لي

تسلمون فديتكم

كفيتوا ووفيتوا

ريحتوني الله يريحكم بدنيا وآخره

ولا خلا ولا عدم يارب

 

[Ms. luxury]

يصير المتزوجة و الغير متزوجة تحتلم طبيعي وموشرط يكون من شهوة أو حلم ..عادي بس تقعد مرات من النوم تلقى بملابسها الداخلية مخاط أبيض وانتوا بكرامة عادي
أمبيه بنات شفيكم من صجكم أول مرة تسمعون هالشي وين امهاتكم ماعلموكم؟؟!!!!!@_@

 

[بحر الرمال]

ههه شككتوني بنفسي لا يكون انا مو بنت!
والله جد توني ادري البنت تحتلم امي ما علمتني هالشي!

 

[كراميلا مرة]

اول مره ادري

 

[داعيه إلى الله]

رد : احتلم وهذا الي يصير لي

السلام عليكم ورحمة الله وبركاته

شيء طبيعي الاحتلام لشاب او الفتاه و لكن الذي موطبيعي اذا كثرة الاحلام بالجماع (( وهذا يطول شرحه ))
اما بخصوص الاحتلام وان تغتسلي نعم لابد منكِ الاغتسال اذا احتلمتي ونزل سائل الشهوه لانك اذا لم تغتسلي تصبحي غير طاهره كالجنابه
والله اعلم

لابد قرائة اذكار النوم واذكار الصباح والمساء
واذكار النوم اية الكرسي وخواتيم سورة البقره تجمعي يديكِ وتقرئي والمعوذتين والاخلاص مع النفث ومسح ماستطعتي من جسدك 3 مرات تكررينها
ومن ثم اعوذ بكلمات الله التامات من شر ماخلق 3 مرات وبعدها بسم الله الذي لايضر مع اسمه شيء فالارض ولافي السماء وهو السميع العليم 3 مرات
اعوذ بكلمات الله التامه من كل شيطان وهامه ومن كل عين لامه 3 مرات
اعوذ بكلمات الله التامات من غضبه وعقابه وشر عباده ومن همزات الشياطين وأن يحضرون 3 مرات
استودعكم الله

 

[M!Ss Smart]

ولله اول مره اعرف هالمعلومه مشكوره استفدت منج

 

[ما تخيلتك حبيبي]

رد : احتلم وهذا الي يصير لي

عن أم سلمة : أن أم سليم وهي امرأة طلحة قالت ((يا رسول الله إن الله لا يستحي من الحق فهل على المرأة الغُسل إذا احتلمت ؟ قال نعم إذا رأت الماء )) متفق عليه وفي رواية لمسلم ((أنها سألت النبي صلى الله عليه وسلم عن المرأة ترى في منامها مايرى الرجل فقال صلى الله عليه وسلم ((اذا رأت ذلك المرأة فلتغتسل فقالت أم سليم وهل يكون هذا فقال صلى الله عليه وسلم نعم فمن أين يكون الشبة إن ماء الرجل غليظ أبيض وماء المرأة رقيق أصفر فإذا علا أو سبق ماؤها ماء الرجل كان الشبه لها))

...

= )

 

[ستانلي]

رد : رد: احتلم وهذا الي يصير لي

حبيبتي حصني نفسج بأذكار النوم وانفثي على كل جسمك ونامي على وضوء وصلي الوتر قبل النوم ديري بالج

معاها والله يحفظج

 

[غلا ماجد]

رد: رد : احتلم وهذا الي يصير لي

حبيبتى الاحتلام شيء طبيعي.. ولكن حصنى نفسك بأذكار ما قبل النوم .. ترى الاحتلام من الشيطان
ولابد من الغسل بعد الاحتلام .. لأداء الصلوات
تقربي من الله حبيبتى وعليكي بتحصين نفسك
والله أعلم

انا معاها:hjy5jewf:

 

[عتيبيه رزه]

رد : احتلم وهذا الي يصير لي

يعطيكم العافيه


والله واااااايد ريحتوني


جزاكم الله الف خير

 

[غمزه وإبتسامه]

اتوقع البنت تحتلم عادي

 

[نورعيونك]

لايبا عادي البنت تحتلم شكو بس المتزوجه يعنى لاعادى كلهم نفس الشي بس اتوقع لازم تغتسلين بس مايفطر اذا كنتى صايمه لان هذا موبارادتج يعنى وانتى نايمه