احترت وش اكتب عنوان بس ابي افضفض ولى مرت بتجربتى تجى تصبرنىىى تعباااااانه

[امـ خــزامـى]

مرحبا حبيبتي

انت لسى صعنوووونه هذا اولا
وثانيا مو كل شي الجمال

اهم شي تكونين انت واثقه من نفسك

سبحان الله الثقه بالنفس هي اهم شي
وانا متفقه مع تفاصيل جدا
كلام سليم انا عندك اكبر مثال كنت انخطب من 15 وماتزوجت الا 22

كللللللللللللللللللللله نصيب ياحبي لك وكلي امرك لربك ولاتستعجلين

ونصيحتي لك خليك واثقه من نفسك ولا تتلهفين على الزواج وتصورينه انه هو اهم شي بالحياة
وحتى لو قلت مو عشاني عشان الناس
لاتسمحين لاحد يتدخل بحياتك وكل شي مكتوب ومقدر

عموما شخصيتك مرررت علي كثير يحسون ان الزواج هو ملاذهم الوحيد ومهما نصحتيهم
مايقتنعووون


بس لو واصلتي على هالتفكير بتتعبييييييييييييييييييين

خلي ثقتك بربك كبيره وثم ثقتك بنفسك وبتعيشين مرتاحه وسعيد

<<<ادري قسيت عليك بكلامي بس اعذريني
لان هذا حال البنات اللحين تموت نفسها لين تتزوج وان تزوجت تطلقت عشان سبب تافهه

حالة هالوقت صعبه الله يستر

 

[sosowaty]

الله يعووووووضج خير و يرزقج بالريال الصالح يارب

 

[معبوجه]

انا دايما احرص على ان الاهل يعززون الثقه بالنفس حق عيالهم
هذا اهم شي عموما شوفي حبوبه

اذكر قبل لا اتزوج شكثر يو بيتنا يخطبونى ونفس حالتج ماعجبهم
بس اذكر موقف ما انساه

يتنى ام مع ولدها حد الكشخه والسكبه وهى من دخلت نافشه ريشها
وحنا قاعدين جان تسالنى انتى شسم عايلتج تخيلي تسالنى عن عيالتى وهم داخل بيتنا

وانا عن قناعه ادرى ولدها متشفق على تشفق وهى اللى ماتبيني طبعا انا رديت وقلت لها اسم عايلتنا

التفتت على ولدها وقامت تضحك طبعا انا مت بحسرتي والاحراج اللى انا فيه

بس لانى واثقه من نفسي قمت انا وسالتها وانتى خالتى من بنته من بيته انتى؟
لان فعلا احنا مانعرف من بنته بس ريلها
انقلبت الايه ونقلب السحر على الساحر الام طلعت مصريه ومواى مصريه يليت بنت اصل وفصل لا من العشيش والحواري تكرمين ويايه نافشه ريشها
سويت فيها نفس اللى سوته فيني وقعدت اضحك انا وامى
جان اقول لها اعذريني انا كويتيه بطن وظهر وابي الريال اللى ياخذنى يكون نفسي كويتي من الابو والام
اضاهر مافى نصيب


المراد ياحبوبه انج لاتستعيلين ومدام فيه خطاب يدقون الباب هذا شي طيب وكونى على قناعه ان نصيبج راح يوصلج

على فكره انا الحين متزوجه وعندى عيال كبار اسم الله عليهم

بس هالموقف مانساه قوي ثقتج بالله وثقتج بنفسج مافى شي ناقصج والحمدلله والله يوفقج

 

[همس القلووووب]

الله يوفقج حبيبتي
والزواج قسمه ونصيب
بس انتي حبيبتي لاتخلين الزواج اول واخر همج ...ان كان لج نصيب صدقيني راح تتزوجين وتتسهل لج امورج وحبيبتي انتي اقري كل يوم سورة البقرة كاملة>>إذا قدرتي....وصلي دايم اخر الليل ركعتين ادعي فيها لربج انا يوفقج دنيا وآخرة
والله يوفقج مرة ثانية فديتج​

 

[منو انت]

ما تدرين وين الخيره ربي خاش لج الاحسن والله اعرف وحده كانت مخطوبه لواحد وصارت الاجراءات ومو باقي الا الملجه وكانت على اساس يوم الخميس وسبحان الله ربج ماكتب لهم مع ان البنت كانت ميته تببي تاخذ هالولد ليش انه مزيون وسبحان بعد جم شهر ملجت على واحد عايشه معاه الحين اقسم بالله لو اقولج ملكه شوي مع انها بالعربي جيكره مو حلوه بس سبحان الله ربج كتب لها وعايشه احلى عيشه واللي كانت تبي تاخذه سلك طريق الخمر والخرابيط عسى الله يهديه يارب


وانتي ترى ماتدرين وين نصيبج عسى الله يرزقج من واسع فضله

 

[احبكم مررره]

من جد شكلى اذا ضليت افكر بالموضوووع اتعب
امس اتكلم انا وخالتى والله حسيت ابحراج وانا اقلولها ما دوا
وغير كذا قالتلى خالتى وضيفته مررررررره زينه بس الشكو الله
يارب انهم يردوووووون اليوم قبل بكره<< بنات لا تحسبونى متشفقه على الزواج
بس والله انهم من كل انواحى زينين
او الله يعوضنى باللى احسن منه يارب عاجلا غير اجلا عشااااان امى ترتاح منىىى
اه بس للحين مانى قادره انسي الموضوووع والله
وشكرا لكل الى ردوا
مة انت قصتك روووعه
الله يعطيكم العافه جميعا ردودكم فرحتنى
دعواتكمممم الله يستجياب دعائى يارب

 

[Lovely_R]

الله يرزقج من حيث لا تدرين ولا تحتسبين حبيبة قلبي الله وكيييييييلج الله وكيييلج تذكرري هالكلمة بيرزقج في الوقت المناسب بالشخص المنااسب وبيسعدج ان شالله

رددي الاذكاار والاستغفاار مثل ماالبنات يقولون وصللي على النبي.... ما بيصير خااطرج الا طيب

 

[soso 3sl]

نفس حالتي

 

[احبكم مررره]

الله يعين
مشكورين بنات على ردود والله لا يحطكم بنفس الموقف
صاير يومي تعيس
دعواتكم

 

[مياسه الحساسه]

حبيبتي انتي في نظرك المتزوجات هم الجميلاات
حبيبتي الناس ماتحكم بس بالشكل
في كذا مقياس
ممكن ماكان في راحه نفسيه مو شرط السبب شكلك
وممكن حبيبتي عين ماصلت على النبي
حصني نفسك
والرسول عليه الصلاة والسلام طلب نداري امورنا بالكتمان
على قول اخوانا المصرين
(داري على شمعتك تقيد )
بعدين لا تشيلي هم تراك صغيره

 

[احبكم مررره]

مشكورررره حبيبتى على الرد
دعواكم بنات حتى لو ماتردون
وبصراحه انا مدرى ليه مانى قادره انسه اخر ناس جوو
احسهم جرررحونى الله يسامحهم

 

[صادقة بكلمتي]

حبيبتي لا تحزني ولا تهتمي لان لا انتي ولا اللي ياينج ولا اهلج ولا خالاتج زلا اي احد اهو بيزوجج منو ما كان الزواج مكتوب عتد الله فوق ومكتوبلج متى وليش اتعبين عمرج بالعكس كوني واثقة بالله واكيد بكل تاهيرة في خيرة لا تستعيلين حبيبتي وتوج صغيرة يعني جدامج ان شاء الله العمر والله يرزقج الزوج الصالح عاجلا غير اجلا وتبشرينا واستخيري باي واحد نقدملج لا تنسين حبيبتي