احترت باختبار التبويض

[الذوق والرقه]

صباح الخير بنات
انا الشهر هذا شريت اختبار التبويض ومن اليوم 12 من
الدوره وانا احلل سلبي تخيلوا شريت جهازين يعني عشر
حبات لين وصلت يوم 16 طلع في تبويض وصار عقبها جماع
ب 6 ساعات عقبها وقفت بس قبلها من نضفت من الدوره لين
يوم 16 جماع والحين باقي على الدوره اسبوع واحس بعوار
بالمبيض اليمين مع افرازات نفس التبويض بس خفيفه مو واجد
معقوله اليوم تبويضي مو الاسبوع اللي طاف احد صار معاه جذيه
لان جد احترت

 

[ام ساره 4]

أنا جربت جهاز التبويض وعقدني وعور راسي الصراحه أول شهر سويته ومايطلعلي ولا خط ومره طلعلي خطين خفيف تخيلي يوم ثامن الدوره وماصار حمل الشهر اللي طاف سويته ثلاث مرات أول مره خطين ثاني يوم ولا خط وراها بخمس دقايق سويت تحليل ثاني طلعلي خطين خفيف وبعدها بيومين نزل علي إفراز قوي وحصل الجماع وللأسف ماحصل حمل نزلت علي الدوره فقلت ليش عوار الراس رحت تابعت التبويض مع الدكتوره أحسن بلا خطين وافرازات ودرجة حراره مرتفعه وياليت يضبط لوووووول والله يكتبلي اللي فيه الخير إن شاء الله وبس أدري قرقت وايد بس حبيت أقولج تجربتي

 

[مو عايشة بالدنيا]

والله مادري اللي اعرفه من يطلعلج الخطين بجهاز التبويض
معناته
تبويضج اليوم وباجر واللي عقبه

والله يكتي اللي فيه الخير يارب

 

[شنوووفه]

اي واايد يخربط ماحبيت استعمااله