احب وما احب؟؟؟؟؟

[malekatsabaa]

السلام عليكم بنات..


ابصراحه ما ادري اذا سؤالي مكرر او لا ..اتمنى ما يكون لان في اشياء تضايقني وايد بالمنتدى
وابي اعرف هل انا ردة فعلي زايده عن اللزوم ولا كل البنات مثلي..

سؤالي
شنو الشي الي تحبينه بمنتدانا ووشنو الشي الي ما تحبيه ؟؟؟
من غير ذكر اسماء .. انا اقصد بس التصرفات الي تضايقج بالمنتدى...
وما نبي نقلبها هوشه ..نبي نسولف ..عشان اذا بنت قاعده تسوي شغله تضايقنا ...اتعرف ...يمكن البنت ما تقصد..

يعني مثلا..

انا ما احب ارد على موضوع القى ان صاحبته كاشته بالبنات ..جنه قاعدين نسولف مع نفسنا..

ولا احب ان بنت تكتب موضوع تبي تفش خلقها..متضايقه او شافت موقف تبي تنبه البنات عنه..يطلعونلها بنات شعارهم(خالف تعرف)يعني كل الي يسوونه يحبطونها ويزفونها ويحسسونها انها قليلة لباقه وماتعرف الله ...
ليش يبا البنت ما عمت عالكل ..وخصت فئه معروفه ..خلوها تفضفض...ليش نداري على سوالف صارت في مجتمعنا للاسف واقع ..ولازم التنبيه منها.

وفي نفس الوقت..

احب البنات الي ماشالله عليهم ..ادب وذرابه وردود اتبرد القلب..
احب البنات الي في قسم الطلبات ..ماشاءالله ..مسرع ما يردون عليج .

هذا الي في بالي الحين...
يلا خنشوف ..انتو شتحبون وشنو ما تحبون؟؟؟؟

 

[q8 7oobi]

ما احب لمه انتي اتقولين وجهة نظرج او يستخفون فيج من طريقة وجهة نظرج...
ما احب الشماته الي صايره....
احب الي يرودن اب كل ذوق او ادب حتى لو خالفتج الراي..

 

[* Na3oMa *]

احب بالمنتدى ان ينزل فيه كل شي يديد سواء بالكيك او بشنو كليتي اليوم <-- اهم شي بطنها
وسوالف الميك اب تعجبني .. يعني هالمنتدى كل شي يديد تشوفينه هني ..يعني باختصار هالمنتدى متعوب عليه وفي جهد واضح

بس اللي مايعجبني لمن البنات يتفلسفون ويسون نفسهم كلش .. او البنات المتناقضين مره تحسسج انها فقيره بعد يومين بموضوع ثاني تشوفينها غنيه سبحان الله .. او اللي تألف موضوع من نسج خيالها <-- ودها تصير كاتبه بس موعارفه شلون لووولـ او اللي تسوي روحها دينه واهيا فري اكثر منا واي ماحب جذيييييييييييي مااحب لمن الوحده تقعد تذم الحضر مثلا غصب طيب بتفتح سالفه تييب مشاكل .. احب كل وحده تكون على طبيعتها ومثل ماالوحده ماتحب احد يجذب عليها لاتقعد تجذب علينا
وبثــ..

 

[malekatsabaa]

ما احب لمه انتي اتقولين وجهة نظرج او يستخفون فيج من طريقة وجهة نظرج...
ما احب الشماته الي صايره....
احب الي يرودن اب كل ذوق او ادب حتى لو خالفتج الراي..

اي والله معاج حق..
صار لي موقف مره ..
انتي تقولين واقع ..وتحاولين ادارين على مشاعر الناس بكلمه (البعض)وهم ينقزون لج ..جنه سباق ..مني الي السانها اطول..

الله يهديهم..ويكافينا الشر..

 

[malekatsabaa]

احب بالمنتدى ان ينزل فيه كل شي يديد سواء بالكيك او بشنو كليتي اليوم <-- اهم شي بطنها
وسوالف الميك اب تعجبني .. يعني هالمنتدى كل شي يديد تشوفينه هني ..يعني باختصار هالمنتدى متعوب عليه وفي جهد واضح

بس اللي مايعجبني لمن البنات يتفلسفون ويسون نفسهم كلش .. او البنات المتناقضين مره تحسسج انها فقيره بعد يومين بموضوع ثاني تشوفينها غنيه سبحان الله .. او اللي تألف موضوع من نسج خيالها <-- ودها تصير كاتبه بس موعارفه شلون لووولـ او اللي تسوي روحها دينه واهيا فري اكثر منا واي ماحب جذيييييييييييي مااحب لمن الوحده تقعد تذم الحضر مثلا غصب طيب بتفتح سالفه تييب مشاكل .. احب كل وحده تكون على طبيعتها ومثل ماالوحده ماتحب احد يجذب عليها لاتقعد تجذب علينا
وبثــ..

صح منتدانا الحلو فيه ان بس ادشين تعرفين شاليديد عالساحه..اخبار الكويت ..والاكلات اليديده..لوول

شوفي حبيبتي..هالنوع من الناس احسن شي تحقرينهم ..وهذول تلقينهم في كل مكان ..

والله يهدي الجميع.