احبه .. وما احب زوجي

[OHOD]

:eh_s(2):

سالفتج نفس سالفتي بس اهو اهله ما كانو موافقين علي معنا احنا اصيلين يحصلهم والله المهم والي اخذني ولد عمي صارلنا الحين سنتين ونص متزوجين
ما نسيت هذاك ولا راح انساه اوك وما اقولج حبيت ريلي مووت
بس العشره تخليج غصبن عليج تحبينه يعني ساعات استغفرالله اقول جان زين اتطلق ارد حق هذاك بس خلاص قسمه ونصيب
والحمدالله الحين عندي بنوته وكل همي بنتي ما فكر الا فيها واقولج يمكن ماراح تحبينه بس راح تغارين عليه ما ترضين عليه من هالحجي
ومعلومه ترا اذا جامعتي الريال بزيد الحب ??? وانشالله تنسين معنا ما اتوقع وانا حب سبع سنين وماقدر انساه

الحمدلله على كل حاال :yaaaaaarb::eh_s(2):​

 

[OHOD]

اول شي الله يكون بعونك
ثاني شي لاتتسرعي وتطلبي الطلاق وحاولي تنسي الاول عشان تشوفي زوجك زين وتحكمي يمكن الرجال كويس وماينعاب بس لانك تحبي الاول خلاص تحسي كل تصرف منه غلط
ثالثا انا اشوف تصرف معاك كذا لانه حاس انك مو متقبلته وحاب يفرض شخصيته ويثبت رجولته وهذا تفكير كل الرجال ينصدم اذا شاف زوجته مو متقبلته او ماتميل له تلاقيه يتصرف بطريقة غلط
بس الحل انك تنسي الاول وتفكري بزوجك وبس وتعطيه فرصة يوضحلك صفاته واسلوبه يمكن بعدها بيعجبك وتحبيه بس انتبهي لاتقااارني بينه وبين الاول لان كذا ماراح توصلي لنتيجة ابد واذا حاسة نفسك نهائيا ماراح تتقبليه استخري ربك بالطلاق وشوفي
الله يكون بالعون يالغالية

الظاهر هذا اللي بيصير خلاص برضى بالامر الواقع كل البنات تقريبا نفس ردج
ومن ناحية اعطيه فرصة انا معطيته واعرف كل صفاته واسلوبه اوريدي ولد خالتي واعرفه عدل
يلا ما عليه الله المستعان​

 

[انثى بحق]

الحمدلله على كل حال .. حبيبتي انتي الغلطانة من البداية .. المفروض ما تخلينهم يملجون عليج .. لأن حرام هالشي
انتي مع زوجج وعقلج مع واحد ثاني وهذا شي عظيم وكبير عند الله .. الحين اللي صار صار بس نصيحة اخت حاولي
قد ما تقدرين ان العرس ما يتم بأي طريقة كانت باجر يصير عندج عيال وتتحسفين على انج تميتي أحسن لج تطلقين من الحين وامج عسى الله يهداها ويسامحها..
وديري بالج قرار الطلاق مو سهل ابداً لازم تكونين قد هالقرار وتتحملين نتايجة ..
ربي ييسر امرج ويفرج عنج ..​

 

[انا لحبيبي .]

الله يكتبلك يلي فيه الخير ،

 

[روحي_تحبكM]

الله يعينج علي مشكلتج
دربالج لاتطلقين عشان واحد ماتقدملج ولاسوي المستحيل لج لا لا لا خلج مع اللي شاريج ويبيج والحب لاحقه عليه
كل انسان ياخذ اللي الله كاتبه له
خلي حياتج طبيعيه واستانسي وانسي ماكو شي غصب ولا مااحبه مع العشره راح تحبينه والعيال والدنيا تغيرج
وانسي اللي ماضحي عشانج واشتري اللي يبيج
الله يوفقج قلب

 

[أدب عربي]

اخذي الي يحبج راح يغفر كل اخطاءج وانتي مع العشرة تحبينها
اما الثاني حتى لو تزوجتو بعدين ماراح يثق فيج كلش لانج كلمتيه قبل
وانتي مملجة
تعوذي من ابليس شنو حب وخرابيط أنتي الحين على ذمة رجال
حررررررررام عليج

 

[أنثى بلذة العسل]

الله يعين

 

[Estelle]

مايصير حرام اللي تسوينه

اول شي مكالمتج لريال غريب اللي اهو ولد جيرانكم وخيانة اهلج ، هذي فيها قبايل )
ثاني شي خلاص انتي علي ذمة ريال الحين مايصير تفكرين بالاولي ،
وانهي علاقتج فيه نهائي ، ثالث شي لو تطلقتي من ولد خالتج ماراح يقبل فيج حتي لو قبل فييج امه وخواته واهله ماراح يرضون بمطلقة لولدهم!

تعوذي من ابليس ، وغيري اسلوبج مع ولد خالتج وكثري استغفار

وسلامة قلبج ، والله يهدي النفوس ،

 

[تبطي عظم!]

مع العشره بتحبينه الله يوفقج

 

[سكوون انثى]

في النهاية ماراح تأخذين ولد جيررانكم عشان جذي انسيه وكلميه وقوليله إن زواجج بعد شهر

وعلى طول سكري الخط عشان ماتضعفين !

واذا كلم عليج لاتردين ، وحاولي تسايسين ولد خالتج لين مااتزوجون وإن شاءالله تستقر أموركم

الله يعينج ويوفقج ويسهل عليج

 

[عطاء أنثى]

الله يعين
بس بالعقل لو تفكرين انتي ع ذمته يعني حبيبج مستحيل يخطبج اغسلي ايدج



ثانياً هو زوجج وحرام تخونينه

 

[برووورة]

عمري ما نصحت وحدة تنفصل بس انفصالج عن ولد خالتج هو الحل

حبيبتي ركييييييييض انفصلي عنه ما وراه الا المشاكل

وماعليج من كلام الناس

انتي اللي تعيشني حياتج مو هم
واللي بقلبج انتي اللي تحسينه مو هم
ابدا انسي الناس وفكري بنفسج وراحتج وحبيبج الاولي
سمعي نصيحتي ما في احلى من الحب

 

[فلونة احلى وردة]

حياتي اللي صار صار
وهذاك شكلج لو بتطلقين ماراح تاخذينه
بس اجلي العرس وفكري عدل
اذا تدرين انه ممكن ياخذج اذا تطلقتي
لانه ممكن يرفض لانج غشيتيه
ماادري لكن اتوقع قصص الزواج عن حب حلوة بس اغلبها وهم ينتهي بالقرب من الحبيب ومعرفته على حقيقته
راي عيشي نصيبج والزمن بينسيج اياه
وشاوري نفسج واخذي وقت قبل العرس بالتفكير لا تكلمين الاثنين
وحرام الخيانة بتكرهج بنفسج وبتبعدج عن ربج وراحتج النفسية

 

[مدام نفيخه]

نصيحتي

اولاً وكلي امرج لربج

ثانياً صلي قيام الليل واحرصي ع الاستغفار والصدقه
وكرري هالدعاء :
((اللهم املأ قلبي محبة لك واقبالاً عليك وحياء منك ))

 

[om MaRyooM]

الكتاب باين من عنوانه



السالفة مو سالفة اللي تحبينه


السالفة انج رح تورطين نفسج مع زوج الله العالم شنو النهاية معاه @@


الله يهداها امج رح تهدم حياتج

حبيبتي حتى الرسول يقووول المحبة من الله ترا مو بيدنا

موغلطج انج ماحبيتي زوجج



دامج على البر انسحبي من الحين
اولا لأن هالانسان مايصلح يكون زوووووج بتااااتاً
ورح تتعبين معاه وايد

وثانيا واضح ان اي مشكلة بتصير رح يتدخلون الاهل وهالشي بيهدم حياتج الزوجية ومارح يصلحها


ثالثا
اذا كثرت المشاكل احتمال الشيطان يوسوسلج وتضعفين وترجعين للي تحبينه
وهالشي بيعتبر خيانة









واخر شي
هذا قرارج وانتي مسؤولة عنه وسوي استخارة
بس حبيت اقولج نصيحتي ياقلبي

 

[Pupiipop]

عمري ما نصحت وحدة تنفصل بس انفصالج عن ولد خالتج هو الحل

حبيبتي ركييييييييض انفصلي عنه ما وراه الا المشاكل

وماعليج من كلام الناس

انتي اللي تعيشني حياتج مو هم
واللي بقلبج انتي اللي تحسينه مو هم
ابدا انسي الناس وفكري بنفسج وراحتج وحبيبج الاولي
سمعي نصيحتي ما في احلى من الحب

:rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek:
معاااهااااااا مليون بالمية

 

[glory]

حبيبة قلبي
يا ريت تسمعي نصيحتي وصدقيني ربنا رح يفرج همك أكيد مهما كانت النتائج سيكون بها الفرج بإذنه تعالى
أولا: اتصلي بحبيبك وخبريه عن الحقيقة التي حصلت وانك ناوية الطلاق واحكيله القصة كاملة
وبلغيه انك ما رح تكلميه أبدا حتى بعد طلاقك، إلا لما ترجع أمه من علاجها وتزوركم في البيت مثل ما خططت وتحنن قلب أمك على الزواج من ابنها ولا تكلميه فعلا حتى لو تطلقتي ولو كنتي ستتكلمين مع أحد كلمي أمه فقط للحلال والحرام
وبلغيه أن كلامك معه كان حرام أصلا وعلشان هيك ربنا وقعك بكل هالمشاكل العويصة اللي انتي فيها وانكم لازم تصبروا إلى أن يأتي الفرج من الله سبحانه وتعالى وهيك بتكون حياتكم بدأت وقامت أساساتها على الحلال
ثانيا: بالنسبة لابن خالتك، طبعا هو معاندته لك أنا متأكدة نابعة من معاملتك أنت أصلا له الجافة
وللأسف وصلتوا لطريق مسدود انتي بتعاندي
وهو يتوعد وانتي مش عارفة تتواصلي معاه لأنك مش عارفة تحطيه بقلبك المشغول بغيره
وأنت ما بتعرفي أصلا الخير وين
طبعا أنا بعرف إنه الحب أعمى
لكن شو تعملي مع ابن خالتك
في هاي الفترة اللي ما بيكلمك فيها داومي على صلاة الاستخارة هل تكملي معاه أو تتركيه
وطبعا صلاة الليل والاستغفار
صدقيني بدون ما تحسي ربنا سبحانه وتعالى رح يوجهك للطريق الصحيح اللي رح يخليكي سعيدة طول حياتك
يعني الاستخارة معناها ترمي حملك على الله سبحانه وتعالى
والاستخارة ليس معناها ترتاحي أو ما ترتاحي، لأنك أصلا حاطة في بالك انك ما ترتاحي للموضوع
الاستخارة نتيجتها بتكون أن الله سبحانه وتعالى يوجه حياتك وأمورك كما يراها في مصلحتك
فإن كان في مصلحتك الاستمرار فستجدي أن الله سبحانه وتعالى سيجعل الزواج يتم
وإذا لم يكن في مصلحتك الاستمرار معه فستجدي أن الله سبحانه وتعالى يدبر الأمور بحيث يتم الطلاق

وبس هذا معنى الاستخارة
انك توكلي أمر نفسك وأمور حياتك للوكيل العزيز الذي سيهئ لك الخير طالما وكلتيه
يا ريت تنفذي ما كتبته لك بنية صافية وبصدق وستسعدين بحياتك مهما كانت النهاية
فالخيرة فيما اختاره الله سبحانه وتعالى (بعد الاستخارة طبعا)

 

[طبعي حلو]

الله يرفع عنج البلاء خيتي

مالج غير ربج سبحانه

صلي بالليل واستخيري

وقولي لولد خالتج ما ابيك انا مغصوبه عليك يمكن يطلع خوش ولد ويتفهم وضعج

واذا ما في مجال كلش ارضي بالامر الواقع خلاص كلن له نصيبه


بالتوفيق