احبه .. وما احب زوجي

[مــســك]

موضوعج صعب ..

بس شتسووين .. حآولي تتآقلمين بالوضع الجديد .. والحب يجي بعد الزواج ..


بس غريبه انتم فري عادي تطلعين مع ولد خالتج واهو للحين ما دخل عليج .. وخصوص انكم من الجنوب ..!

 

[femmi]

ياقلبي انتي عورتي قلبي والله

استهدي بالله وكوني قريبه منه مايقصر وصلي كل يوم بوقت الثلث الاخير من الليل ربج يكون نازل ويستقبل دعوة كل مظلوم ومقهور

الحين قطعي علاقتج بحبيبج وادعي ربج ان كل خير يصير بطريقج

يارب يكتب لج الخير حيث كان ويرضيج به يارب العالمين

الله يفرج همي وهمج وهم كل مهمومه يارب

 

[- BambeNo -]

حبيبتي صلي استخاره .. مره ومرتين وثلاث والله بيسهل اللي فيه
خير لج ..
ثاني شي ما أنصحج تستمرين معاه اذا متعلقه بهذاك وتكلمينه بالله
عليج افرضي شافج ولا حد درى شو بتكون ردت فعلج وكيف بتتصرفين ؟
المفروض من البدايه تصرين على رايج مهما كان ماتعلقين هذا وانتي
تحبين شخص ثاني .. تنهين كل شي قبل العرس أفضل من بعد العرس ..
حاولي تقنعين أمج والله يحنن قلبها .. واذا شفتي خلاص مش قادره تعذري
لولد خالتج .. قوليله انا أفكر بدراستي ومابي أرتبط وأحس مش مرتاحه .!.

 

[sosowaty]

انتي الي طيحتي نفسج يهالمشكله انتي ما خفتي من ربج يوم حبيتيه


لا حول و لا قوة الا بالله

انا انصدم من ردود البنات الي تقول جان عاندتي و مادري شنو

مابني ع باطل ينتهي ع باطل

حرااام و حراااام و حرااام توبي لربج بس

 

[نشيج الروح]

الله يهدي امج والقرار بيدج اذا حابة تستمرين معاه ولالا
واستخدمي قاعدة درء المفاسد مقدم على جلب المصالح وشوفي وين المفسدة الاكبر والمصلحة الاكبر

 

[هــنــوف]

اسفه ماصدقتج

 

[دلوعة أبوهآ]

الله يعينك ويختار لك الخير ..

 

[a7вĸ мσσστ]

الله يفرج همي وهمك وهم كل مهموم يارب

 

[عجزت افهمهم]

الحين اناا متنحة شلون جنوبية وتطلعين مع زوجش اذاا اناا مااشفت زوجي ولا بشوفة الا يوم العرس لان هذاا الشي مو موجود والشي الثاني اناا اعرف ان عادي الجنوبي يتزوج من شمالي واجد عندناااااا وانتي مبين ان اهلش متفتحين من كلامش عنهم واسلووبش يعني ماعندهم عقد ولد العم ومادري شنو فشلون ماوافقو على الي تحبين خصوصاا امش تدري بسالفتش ؟؟
ادري اني طلعت عن الاموضووع بس طبعي افصل الكلام واشرح بالنسبة لمشكلتش يائلبوو اكسبي ولدخالتش وماتدرين خيرة لش والخيرة فيما اختااراهاا الله وخلاص صار زوج وبينكم عقد يعني فكرة الطلاق فكرة مو حميدة
وبالنسبة للبناات الي قالو لو ولو <<< لو تفتح عمل الشيطان قَالَ رَسُولُ اللَّهِ صَلَّى اللَّهم عَلَيْهِ وَسَلَّمَ الْمُؤْمِنُ الْقَوِيُّ خَيْرٌ وَأَحَبُّ إِلَى اللَّهِ مِنَ الْمُؤْمِنِ الضَّعِيفِ وَفِي كُلٍّ خَيْرٌ احْرِصْ عَلَى مَا يَنْفَعُكَ وَاسْتَعِنْ بِاللَّهِ وَلَا تَعْجَزْ وَإِنْ أَصَابَكَ شَيْءٌ فَلَا تَقُلْ لَوْ أَنِّي فَعَلْتُ كَانَ كَذَا وَكَذَا وَلَكِنْ قُلْ قَدَرُ اللَّهِ وَمَا شَاءَ فَعَلَ فَإِنَّ لَوْ تَفْتَحُ عَمَلَ الشَّيْطَانِ - حديث صحيح رواه مسلم​

​

 

[نجمة كويتية]

وعسى ان تكرهوا شيئا وهو خير لكم <<<< تاملي الاية عدل هي افضل حواب على موضوعج

 

[* بنت المطر *]

حرام مادري ليش كسر خاطري اللي تحبينه احسه يحبج من قلب ! انا ابيج تقولين لامج شغله بس :: قوليلها اهو ولد اختج شايفته

زين عشان تجبريني عليه يعني انتي تحترقين عشان اهيا واختها علاقتهم لاتخرب !!! حبيبتي ابعدي اللحم عن اللحم لايخيس

قولي لامج هالمعلومه وبعدين وين ابوج من هالموضوع ؟؟؟ او اخوانج ؟ قوليلهم عن معاملته لج بغض النظر عن اللي تحبينه

هذا دام معاملته جذي بالملجه وينه ووين الرومانسيه وشلون بيخليج تنسين هذاك اصلا الا بيكبره بعينج اكثر انا من رايي شيلي

حبيبج مؤقتا من عقلج وقلبج وفكري فكري عدل بالحسنات والسيئات اللي بولد خالتج هل راح تقدرين تتاقلمين ع العيشه وياه والا

لا !! ونصيحه دامج ع البر وماتزوجتي لاتخسرين نفسج وتخسرين كل شي حلو بحياتج لاتضحين بنفسج لاي احد ولاتبنين تعاستج

عشان سعادة غيرج ماادري انا لي متى نعيش عشان غيرنا يبي موعشان احنا نبي حاولي تقعدين مع حبيبج عقب ماتتاكدين انج

صج عايفه ولد خالتج وتقوليله كل شي وخاصه اصرار امج واتفقوا على حل !! او اذا بتستسلمين وتتزوجين ولد خالتج همن

لازم تقعدين معاه وتصارحينه حرام ترا الصدمه تسبب شلل يكافينا الشر

 

[mema5656]

حبيتي الحين خلي عنك الحب ومالحب خليك في ولد خالتك ذا العله معليش اذا هذا طبعه من الحين وش بيسوي فيك بعد الزواج انا استغرب من بعض الاهل الييجبرون بناتهم على الزواج من احد مايبونه الحين امك تراعي خاطر خالتك وانتي بنتها ماتراعي خاطرك يعني ترضيها وتتعسك معليش انا ماابي اقويك على امك بس اذا هي ما هي حاسه فيك حرام تضحين بنفسك عشانها هذا زواج مو عزيمه انتي الي بتاكلينها بالاخر مو اي احد انا من رايي تستخيرين وبعدين تقررين وتصرين على موقفك ومعليش بيزعلون عليك بس مصيرهم يرضون وان شاء الله تاخذين الي تحبينه وش شمالي وجنوبي مدامه بدوي زيك خلاص خير ولا ربي يرزقك باحسن منهم ثنينهم

 

[ام فجر3]

عسى ان تكرهوا شيأ وهو خيرالكم

 

[مس ميمي]

قصتج تعور القلب واللي يعور القلب فيها اكثر
الولد اللي تحبينه

وانتي مع ولد خالتك مبينه من اولهااااااااااا اذا كذا
مستحيل تستمرررر وهذي حيااااه وانتي اللي بتعيشينها
المفروض امك تلييين راسها شوي وتحس فيك
انتي الي بتعيشين مو اي احد ثاني


انتي استخيري والله يكتب اللي فيه الخييييير لكم كلكمممممم

 

[مس ميمي]

بس بسال وشو شمالي وجنوبي

 

[love love]

الله يحنن قلبج على قلب ريلج والعكس

 

[سندس 90]

يماااا الحمد لله إني ما حبيت أحد وعسساني ماأحب الا زوووجي



^^^^
سؤال اللي فوووق شمالي يعني شمري عنزي ظفيري أما جنوبي يعني عتيبي مطيري رشيدي

 

[alhabibah]

أنا مع قاعدة"كثر الدق يفج اللحام" هذي حياتج والقرار لج بالأول والأخير..صري على موقفج، وطلبي الإنفصال من ولد خالتج إذا إنتي مو مرتاحه معاه. إذا الشرع كفل للمرأة هذا الحق، اشلون أهلج يحرمونج منه؟؟!

 

[simone]

المشكلة حياتج من البداية غلططططط.. تحبين وتكلمينه من يوم صغيرة .؟؟ الله يهديج يختي توبي لربج وربج بيسرلج امورج

 

[متى أشوفك]

كان الله في عونك
ويسر لكـ امورك
ولازم تحاولين تتقبلين ولد خالتك دامه يحبك راح تحبينه بس لاتخلين التفكيييير بالماضي المستحيييييل يسيطر عليك
تعذري من الاول وصارحيه بكل شيء في الحالتين اهلك ماراح يزوجونه لك...

وربي يوفقكم جمييييييييييع