احبه لكن .... مريض

[زوجة عزيز]

ياعيني لاتصدقين شكله واهو مسكين باجر ترى تبجين واهوا ولا يدري

اشدراج انه مريض وراج تقرير طبي ؟؟ ترى اغلب الشباب يتمسكنون ويسوي روحه مريض عشان البنت تتعاطف معاه واتعلق فيه زياده

بعدين خل نفرض انه مريض صج اهو شنو علاقته فيج خطيبج ؟؟ والا بس جذي واعدج بالزواج مثل ما وعد عشره غيرج

حبيبتي خلي هالسوالف عنج ونصيحتي لا اتعلقين بأحد خلج فبيتج لين يجيج نصيبج و صدقيني راح تعشقينه وتموتين فيه انشالله

شلج بالحب وعوار القلب آخرتها يا يفضحج يا يكسر قلبج

مادري متى يتعضون هالبنات

اي والله :eh_s(15):

 

[احلى ريمة]

متاكده حبيبتي انه مريض انا معاه بكل وقت حتى بوقت الغسيل
تحياتي ميمي

 

[ام شووووق]

دوري بالنت عن مرضة واقري عنه وشوفي اذا ياثر عليه او ياثر ع حياتكم الزوجية

 

[** باربي **]

بقولج شي وانتي قرري بعدين

انتي ممكن تتزوجين بشخص سلييم 100% وفجأة يقدر عليه الله ويسوي حادث جك بم انشل
طالع المخيم وفجأة احترقت الخيمة وتشوه
انسان صحته ممتازة فجأة ديسك

شنو بتسويين حزتها ؟؟؟ بتهدينه ؟؟؟ شوفي جوابج وعليه ابني قرارج مع هالانسان

واتمنالج التوفيق .. واسفة على التعابير القاسية اللي قلتها .. بس حبيت اوضحلج الصورة

صح كلامها كله حكم مشالله عليها انا معاها

يمكن هالمريض يحطج فوق راسه ويعزج ويرزج ومرضة مو بيده واعليه عليه ومو بيده

ويمكن لي خذيتي هالصاحي يستغل هالصحة والقوة بأشياء مو زينة ويقهرج ويذلج ويكسرج
ويحسرج ويلعوج واخر شي يمرضج يطيحج مريضه واهوا صاحي وهالشي بيده سواه


في شعر للامام علي يقول فيه:

فكم من صـحيح مات من غـيـر عـلة** وكم من سقيم عاش حين من الدهر



واافقي لا باجر تندمين تقولين لو ماخذته الله سبحانه قال : وليس على المريض حرج ..

 

[** باربي **]

وتخيلي هالشي فييج ؟!! مو حرااام احد يتردد داخلج قبل كل شي حطي نفسج مكانه

الله سبحانة يقول : وياثورون على انفسهم ولو كان بهم خصاصه..

 

[** باربي **]

مشكوره حبيبتي وانا كنت رافضته من البدايه بس ابتليت
وراح يتقدم قريب بس قلت اسال قبل

حرام تقولين ابتليت الله يبيلج ترى صج

: لا تعاير اخاك بالذي فيه ..يشفية الله ويبتليك .؟؟!!

 

[مولاي الفرج]

اللي يحب احد

يوقف معاه بالحلوة والمرة

واذا اللي بتاخذينه مريض لازم اديرين بالج عليه وتحطينه بعيونج هذا اقل شي ممكن تسوينه له

بس اذا انتي تشوفين هالشي ابتلاء لا والله لا تاخذينه ماحسج راح تحافظين عليه صراحه

تقبلي رايي

 

[أبكاني ذنبي]

عاادي حبيبتي

اخوي فيه مرض الكلى ويغسل والحين قاعدين ندور له بنزرع له كلى

حياته طبيعيه وينجب بس شوي صعب الانجااب عنده وبس

الله يوفقكم ياارب


استخيري

 

[كتكات احمر]

من قالج تحبينه
كااااااااااااك

استغفر الله
بس صج تبون الحب من اي واحد حتى من زبال شالسالفة ؟؟
صبري لما تتزوجين وتحبين صح

 

[miss swan]

شوفي حبيبتي انا بقولج شي

رفيجتي كانت تحب واحد وتموووت فيه بشكل مو طبيعي وهو كان يحبها وكل شوي يدق عليها ويسمعها قصايد

هو كاتبها لهااا ويغني لها هالقصايد بصوته تعلقت فيه مثل المجنونه ...

دقت علي مره تبجي وكان لها 4 شهور من تعرفت عليه

وتقولي كلمني وقال انا تعبان وسوا فحوصات وطلع فيه سرطان !!!!!!

وتقول راح يموت وما اراح اعيش معاه وتبجي بشكل مو طبيعي كانت تدق تبجي وانا معها ابجي ..

وكان يكسر خاطري لما تسولف لي عنه وانه راح للهاشمي اللي بالامارات ويحاول يتعالج من السرطان

بس بدون فايده ..

ومرت 4 سنوات وهو على هالموال انه يتعالج ويوم عن يوم تحبه البنت زياده ..

وكان مرات مايدق عليها ولما تدق صوته يكون حيل حيل تعبان ..!!!!!

وفي يوم اكتشفت انه خطب بنت عمه ويبي يتزوج ..

دقت عليه قالت ليش جذي تتخلا عني وانا اللي بمرضك ماتخليت عنك ..

قال غصب عني اهلي يبون يشوفون عيالي قبل لا اموت !!!

وقالوا مالك الا بنت عمك تستر عليك وترضا فيك وبمرضك ..

وبعد زواجه صار مايدق عليها الا نادر ومره دقت تسال عنه

تدرين وش قالهااا ....

قال انتي كلبه بنت شوارع اللي تكلميني الله يلعنج ويلعن والدينج وقالها بعد كلام ماقدر اقوله!!!!!!!

قالت ليش تقولي جذي قال منو انتي اصلا تكلمين رجال غريب بأسم الحب وتقولين احبك يبا انا لا احبج ولا يحزنون

فكيني انا تزوجت وابي زوجتي ...

قالت تكذب علي بحبك لي وهيامك وقصايدك وكل شي

طيب والمرض اللي انت فيه كذب بعد ..؟؟

قال انت مصدقه ؟؟!!

كله كذب بكذب بس عشان اكسر خاطرج وعلقج فيني اكثر تخيلي ..!!!

وهو الحين من تزوج له خمس سنين وجاب عيال من مرته ومافي اي شي

طلع كل اللي يقوله جذب وكله استدراج عشان يكسر خاطرها وتتم معاه

ولما فكر يتزوج تركها بكل بساطه لانه اصلا ما حبها كان ماخذها لتسليه

فأنصحك يا اختي تأكدي اذا كان صج مريض ولا لا ونفس سوال ماني من الناس

قالج بخطبج واتقدم لاهلج ولا لا ..؟؟

ترا الرجال توقعي منهم كل شي هذا فاول على نفسه بالسرطان عشان يستدرجها حسبي الله ونعم الوكيل بس ...

نفس وحده تصيرلي قالها مريض فيني القلب وما اقدر اتزوجج هم العلاقه طولت واايد سنين اخر شي تزوج وهدها
لا قلب ولا هم يحزنون
ويقولون مكر النساء بهالوقت ماكو امكر من الرجال

 

[مسك الجنه]

عاادي مافيها شي الكلي يتزوج ويمارس حياته طبيعي​

 

[وردة الدوحه]

يمكن قالج جذي لانه شافج متعلقه ويبيج تمشين بوزج من سالفة الارتباط !!

 

[nora al]

حبيبتي عاادي تراا المرض من الله !!

انتي معرضه انه يصير فيج لاسمح الله بااي وقت !

وتقدرين تتعايشين معاه عاادي ويقدر يسوي عمليه زراعة كلى وخلصنا انسان طبيعي

وبعدين تراا انتي ممكن تتبرعين له بالكلى وتعتبر صدقة جاريه لج وعادي الانسان ممكن يعيش عمره بكلى وحده !

وحتى لو مازرع ممكن يغسل كل يومين

الله يشفيه

 

[احلى ريمة]

من قالج تحبينه
كااااااااااااك

استغفر الله
بس صج تبون الحب من اي واحد حتى من زبال شالسالفة ؟؟
صبري لما تتزوجين وتحبين صح

بس انا واهو صج بينا حب يمكن انتي ماخذه موقف منه لكنه موجود
وشنو كلمة زبال حبيبتي جربي الحب وبتذوقين طعمه عدل

 

[احلى ريمة]

يمكن قالج جذي لانه شافج متعلقه ويبيج تمشين بوزج من سالفة الارتباط !!

لا حبيبتي الريال صج مريض مو كل الناس جذابه والزواج اهو طالبني بس حبيت اخذ رايكم لانه مريض

 

[احلى ريمة]

عاادي حبيبتي

اخوي فيه مرض الكلى ويغسل والحين قاعدين ندور له بنزرع له كلى

حياته طبيعيه وينجب بس شوي صعب الانجااب عنده وبس

الله يوفقكم ياارب


استخيري

حبيبتي مشكوره على كلامج وحابه اعرف ليش الانجاب صعب ؟

 

[Habibat Abooha]

الله يشافيه ويعافيه
ويكتب إلى فيه الخير لج

 

[ام كوشه منكووشه]

حبيبتي انا ولد عمي فيه فشل بالكلي والحمدالله حيااته طبيعه ومافيه الا العافيه بس اللى عليه يلتزم بمراجعاته وعلاج
والحمدالله قبل جم يووم كانت خطبته

هالشي راجع لج قلبي اذا حاسه عندج استعداد تتقبلينه او لآ

والله يجدم اللى فيه الخير لج ان شاءالله

 

[om MaRyooM]

على حسب نوع المرض


وسوي استخارة قبل كل شي

والله يشافيه انشالله

 

[ليدي اكتوبر]

تقول رفيجتي العزيزه الي يحبج يدخل من الباب مو من الدريشه
لي دخل من بابكم بقولج
وافقيييييييييييييييييييييييييييييييييييييييييييييييييييييييييييييييييييييييييييييييييييييييييييييييي