اجهاضي الثاني امس وماكو سبب .. ساعدوني تعبت

[أشبـاهـ المطـر]

اهتمي بالرقيه الشرعيه والاذكار وسوره البقره
واامسك الاسود طارد لشياطين قدر الله ما شاء فعل
اليوم انتي حزبنه ولعل الله يحدث امرا وتكونين بإذن الله سعيده

 

[سماء الاحساء]

الله يعوضك خير والحمد لله على سلامتك وسبحان الله كلشئ له سبب وأم الصبيان هذي او التابعة. تمسك بالرحم وما تخلي الحمل يثبت هذا على ما سمعت عنها والله يبعد عنا وعنك يارب كل شر

 

[om attami]

حبيبتي حصني نفسج واقري المعوذات وكثري من الاستغفار
والله يرزقج انشالله

 

[om attami]

وخليهم يسوولج تحليل الاجسام المضاده

 

[زهور المحبة]

والله ضاق خلقي عليج الله يجعلهم لج شفاعه ويعوضج
انتي لازم ترتاحين بعد الاجهاض لا يقل عن 6 شهور
لازم الرحم يرتاح وياخذ وضعه
انصحج اتروحين لام عايد تفحصج واتشوف ش**ج
والله دايما اسمع عنها لعلاج الرحم والحماله

اذا معاج تابعه فلازم رقيه شرعيه بس انتي اخاف معاج اجساد مضاده
الاجساد المضاده تمنع الحمل واذا صار ** حمل فهي ماتخليه يستمر
ر**جتي معاها وتوفى ولدها ببطنها لما دخلت التاسع

روحي لدكاتره معروفه لاتروحين للسيف وطقته لانهم ولا شي
اذا تبين دكتور زين وينصح دزيلي عالخاص

 

[ناتشوو]

عسى الله يعوضج
** تحاليل معينة
يسوونها
للاجهاض المتكرر
بالحكومي يسوونها
او روحي استشيري دكتورة ناهد
مرة ثانية
الله ييسر امورج
يارب
ويرزقج بالذرية الصالحة عاجلا غير اجل

 

[عروسة فوشيآ]

الله يسهل .. انا مادري ماعندي خبرة



بس 3 من حريم اخواني و2 من بنات عمي كانوا يجهضون وراحوا لوحدة اسمها ام عايد يالرقة
وكانت تقول اغلب الاجهاضات بسبب وضعية الرحم وهالشي مايبين بالطب الحديث المهم اتوقع دهنتهم وعطتهم تحاميل


والحمدلله صار يثبت حملهم





يالتو**ق

 

[sverige]

الله يعوضك خير والحمد لله على سلامتك وسبحان الله كلشئ له سبب وأم الصبيان هذي او التابعة. تمسك بالرحم وما تخلي الحمل يثبت هذا على ما سمعت عنها والله يبعد عنا وعنك يارب كل شر

اعوذ بالله اختي شنو هالكلام صلي عالنبي واستغفري الله
هذه كلها تخاريف وكلام ماله شي من الواقع كله وسوسه شيطان
اني امي اجهضت 3 مرات وبشهور بين ال 4-6
يعني تصير وراها حملت وطلعنا تؤام
ووراها اجى اخويا وكلنا الحمد لله صحتنا تمام وكبرنا وعال العال

لتزعلين اولادج الي راحوا يكونون طيور على باب الجنه ينتظروج والله يعوضج ان شاء الله خير
انتارتاحي فتره اخذي اجازه من الحمل والتفكير بيه
وراها ان شاء الله يصيرلج احسن ما تتمنين

 

[حياتي حلوة معاك]

الله يعوضك ويصبرك يا خيتي
ويرزقنا جميعا بذرية صالحة

 

[ABEER FLOWER]

كرزووون حبيبتي ربي يعوضج

ودام يمدحون ام عايد توكلي ع الله وروحي لهااااا

وربي يرزقج

 

[حبيبي مالكني]

الله يعوضج بالحمل السليم يارب عاجلاً وليس اجلاً

 

[mi corazon]

صباح الخير

جزاها الله كللللل خير كلمن دخلت ودعتلي ونصحتلي

بنات انا مسويه تحاليل الاجسام المضاده وكل التحاليل.. سبحان الله كل شي عنده بقدر

وله حكمه في تدبيره.. الحمدلله

بس فعلا هالمره ابي ارتاح من الحمل.. المره اللي طافت مامداني اخذ تدابير منع الحمل بس هالمره ان شالله بتلاحق واروح للدكتوره قبل لا اطلع من الاربعين


مرت اخوي قالت لي على لزفات تقول حلوه.. بسأل الدكتوره عنها

عبير حبيبتي مبروك ماياج حبيبتي وان شالله يكون ذريه صالحه

مشكورين بنات ماتقصرون.. وان شالله بزيد الرقيه الشرعيه

وامي تبي تييبلي قراي تقول يمكن نفس او عين دام الطب ماعرفله سبب

وبتدهن بزيت زيتون وماي مقري

 

[حشمه]

الحمدالله على السلامه والخيره فيما اختاره الله

حبيبتي الله يوعضج ان شاء الله بالضنى السليم

المعافاه وتشوفينه بين ايدج انتي الحين ريحي بالج

وريحي جسمج وحصني نفسج وتصدقي وكثري الدعاء

 

[أشبـاهـ المطـر]

فكري جيداً قبل لاتمنعين الحمل الغالب بعد الاجهاض
مايحملون بعد الاربعين نصيحه مني بلاش موانع
اذا موانع طبيعيه مو مشكله لكن ابتعدي عن الحبوب
واللزقات ...

 

[ناتشوو]

انا مع
اشباه المطر
لا تاخذين موانع
او عالاقل شي طبيعي
اذا مصرة

ابحثي وابذلي الاسباب
بس بدون حبوب
وخرابيط

انا صار لي نفسج
اجهاضين وعقبهم ظليت
بدون حمل مايقارب السنة ونص
وانا مااخذ موانع
نهائيا
وكل التحاليل تطلع سليمة
سواءا هرمونات واشعة صبغة
بس مشيئة الله

انتي ابذلي الاسباب
والله كريم

 

[mi corazon]

أشباه المطر

ناتشوز

حسب ماقرات عن الموانع الطبيعيه انها مؤ أكيده .. وانا حملت علطول بعد الأربعين

أخاف ان الرحم تعبان لان الاجهاض الاول كان بالشهر الخامس ومانزل ماي او دم كانت ولاده طبيعيه وبعد ما انولد مات لان الرئه مؤ مكتمله

بس هالحمل نزل الماي والدم والطلق كان قبلها بخمس ايام مستمر برغم المثبتات والحبوب والإبر

فا اعتقد ان الرحم جداً تعبان

المستشفى عطوني موعد بعد اسبوعين السونار مادري ليش .. بس بروح أشوف

 

[ناتشوو]

لا توسوسين
ولا تقولين الرحم فيه شي

اتوقع موعد سونار المستشفى
علشان يتأكدون
ان الرحم مافيه بقايا الاجهاض

انت الحين
روحي لاي طبيبة شاطرة
وقوليلها
هل في مجال الرحم فيه شي
مع اني مااتوقع
اسم الله عليج من غير شر
ترى الاجهاضات عندج
مارة علي
اجهاضج الاول
كأنج
توصفين اجهاض احد قريباتي
صار لها نفسج بالضبط
والثاني بعد شي وارد
مو شرط كلهم
لنفس السبب

عالعموم
المراجعات الطبية استمري
عليها
وانشاءالله
مافي الا كل خير يارب

 

[mi corazon]

حبيبتي ناتشوز تسلمين

ان شالله بروح ناهده العلي .. أهي اللي اكتشفت الطلق وزفتني لأني طلعوني من المستشفى

ارتحتلها

مشكوره

 

[نونا**]

ناهده فاشله من تجربتي معاها بحمالي كان ينزل علي الماي وخلتني لين صار لونه اخضر وولد قيصريه

 

[زهور المحبة]

مي توكلي على الله وروحي لام عايد
واستشيري طبيب بالموانع
لان اخاف اللزقات مو مضمونه
او خل زوجج يلبس الواقي