اجمل ثلاث دول سافرت لها في حياتك

[ms_5ajoola]

بريطانيا ( بلاك بول ) وفرنسا وماليزيا

 

[فطفط نجد]

تركيا ..... النمسا ...... الاردن

 

[روقاء]

الصراحه ايد كلام العضوه زمان العجايب
زلمسي لراحه حلووووه
واليهال ماليزيا
والتسوق وتقليد ماركه تايلند
ولا انسى استراليا تهبل وخاصه كولد كوست واااو

 

[^q8ia^]

سويسرا ( انترلاكن )
هولندا
لندن

 

[جنون العشق]

زلمسي وبس

 

[كيكة مانجو]

بصراحة احلي سفرة عندي ماليزيا بس الجو رطوبة مو شي واحلي مكان هدوء ووناسة فيها وطبيعة وجوو خيالي جزيرة الكاميرون

 

[بنت عبدالغني شربت]

جنوب افريقيا

النمسا

استراليا

 

[@Miss Dio@]

اذا الهدوء والراحه 00000000زلمسي
سوق ومشترى سنع 00000000لندن ميونيخ
ترزز 0000000فرنسا
مناظر وناسه راحه 0000000سويسرا بمناطقها الحلوه انترلاكن مونترو ايفيان
رحلات العاب اماكن لليهال 00000000000000ماليزيا
قذارة وساخه لوعة جبد بس سوووووق ومشترى 000000000تايلند
ضحك وهيصه 00000البيت بيتك مصر

ما شاء الله خبره اذا رحت اقولج

 

[درة أهل الطولات]

مو من كثر سفراتي بس الافضل الامارات

 

[الدلال]

وايد سافرت

بس للحين اعشق لندن واحن لهاا

 

[غالية زمانها]

هونغ كونج .. يونان .. تايلند

 

[jojowa]

التوب امريكا وناسة و تسوق و جو و معيشتها مو غالية ,,,

و حبيبتي لندن ما امل منها تسوق و تكشخ و برا لندن بلاك بول جو و هدوء و استمتاع ,,,

وبرشلونه عجيبة كل شي فيها يونس سوقها و شعبها بس شوي حارة بالصيف ,,,

 

[Om_Ksha]

مادري لى الحين المالديف ..
انشالله اذا خذيت جوله باوروبا اقولكم وين احلا مكان

 

[ام _خلودي]

امرريكاا من غير منازع

سويسرا احلااا دوله اروبيه بنظرى

زيلامسي راحه واستجمام

 

[عيون مسقط]

:hjy5jewf:
أبصراحة لمن رحت تركيا إستانست فيها وااايد ، وتوهم كانوا مغلين في الأسعار ، حتى الأكل في بعض الأماكن ، لكن كنت حيل مستانسة لأني رحت مع ريلي وبروحنا ، والجو فيها أكثر من روعة وأكلهم يمي يمي لا يقاوووم ، يشبه الأكل الشامي


ماليزيا رحتها مرتين المرة الثانية كانت مع اليهال ، حدها وناسة خاصة لمن رحنا (جنتنق) باردة وضبابية وأحلى ما فيها مدينة الملاهي


زرت كيرلا وكنت مو متأكدة إني بستانس فيها .. لكن طبيعتها وجوها الحلووو خاصة بمنتصف شهر 8 كان روعة وقالولنا إنكم يتوا بوقت مناسب جداً لأن قبلها كلها أمطار وقوية يعني ما كنا بنستانس ، لكن الحمدلله ، الخدمات ممتازة والفنادق حدها نظيفة وأكلهم عاد ما يحتاي أمدح الأكل الهندي ، ولأننا سكنا بمنتجعات خمس نجوم فكان روعة ، حتى في مكان ينقال له (كوكونت لاقون) فيه غرف بحمام سباحة خااااص ... (سو رومانتيك) _03BA:

عندي نية نسافر فيها الأجازة بعد العيد بإذن الله إلى سيرلانكا ... بلد عجيييب والكل يمدحه ومن كل النواحي

 

[bnt_7waa]

ميلانو حبيبه القلب

وزلمسي

 

[اوركيدا20010]

رفع

 

[مزيونة الهيلا]

ماليزيا والنمسا ولبنان

 

[moone GRL]

كطبيعة سوسيرا شي خيال والله امشي واكبر واذكر ربي .. صج طبيعة وخضار جو صحي

بحكم اني بلندن فترة طويلة احس لها مكان بقلبي وذكريات حيل حلوة .. لكن كسياحة وجذي حيل عادية

موسكو انا جايتها بالتسعينات وكانت شتا بس حلوة

اللي ماحبهم ومستحيل اكرر روحتي لهم سوريا ومصر وتايلند .. خسارة كل فلس فيهم

 

[غاده بنت وليد]

كندا...طبيعه وتعودت اروح لها كل سنه
احس شي ناقصني اذا مارحت لها..
و ونيسه...

نيويورك...اعشقها لانها زحمه وتهوس ماتحسين بملل
خاصه البرود وي احس بانتعااااش...وما احس اني مقيده..


باريس..طبيعتها و الجو وهالبلد ما ينقصها شي
بس تقيدني ومع كذا احبهااااا....