اجازة الصيف

[رفرف]

مشكورة كوينا ..


انا دخلت بنتي النادي العلمي .. انشالله يبدون دوام الاسبوع الياي وانا مدخلتها العام وعاجبني ..

عندهم كلاسات وايدة ماذكر بلضبط بس حق عمر 4-5 سنوات عندهم :
بيوكيدز - عندهم جنه فلك بعد بس نسيت اسمه - كمبيوكيدز - ساينس كيدز - English - العاب ذهنية - قصص علمية ..
ماذكر اذا في شي بعد وعموما كل كلاسين يكونون يميع ..
دخلي بناتج مع صبوية خل تعيش احلامها ميته على بنتج الجميله الأميرة ام شعر طويل .. والثانية اللي نفس اسمها بس ويها غير ولونها كراميل على قولتها

(هابتلنا هبه انا لوني مثل الكراميل .. بنت عمتها معقدتها تقولها انا لوني مثل الحليب وانتي لونج مثل الجاي .. واي هالبنات فيهم لؤم خخخخخخ عاد بنتي تقولها لا انا لوني مثل الكراميل) ..


ولي خلصوا انشالله اذا استانست بدخلها مرة ثانية بس كلاسات مختلفة ..
اذا ملت بدخلها قاعدة حلبية انشالله ..
وبس لو السرسوعة الثانية يدخلونها جان دخلتها لأنها بس قاعدة وتعيث بالارض فسادا يننتني ..

 

[dl3_wl3]

سباحه او باليه

 

[on line]

اليوم بروي دازيلي مسج عندهم سمر كامب من 15\6لي شهر 8 بس التفاصيل مادزولي
اللي تروح الانفينوز تمرهم وتعطينا معلومات
وبنسبه لبرنامجي شرينا حمام سباحه مبدئيا والنوادي للحين مااتضحت الرؤيه معاي
بس ودي ادخلهم اخر الشهر معهد انجليزي بالمركز البريطاني او اكسفورد اذا احد عند معلومات عن هالمركزين ياليت يفيدني
وبالتوفيق للجميع

 

[البيداء_77]

الله يسلمج انا ولدي حاشته ظروف في بدايه السنه الي طافتج فما تأسس عدل والحين باديه معاه من يد ويديد الحمدالله دخلته دوره حق اللغه العربيه وصار احسن وايد والحين افكر بالرياضيات اقوي واسسه فيها واخر شي بفكر بالانجليزي

بس هم ما يصير على طول دراسه ابوه قال انه بيدخلها معاه سباحه وكارتيه في نادي جمعيه الاصلاح الي بالروضه


وعن تجربه شخصيه العام سوينا نادي صيفي في بيت اهلى حق ولدي وعيال اخوي واختي الصغيره وكانت الاعمار من 7 ال 3 سنين خذينا رسوم 5 دنانير من كل واحد ---------> احنا اولى ودهنا في مكبتنا هههههههه


المهم رحنا بواميه وشرينا قصص والوان ودفاتر تلوين والنادي كان حصه تدريس ومسابقات وترفيه وكل شي يونس وساعات نشغل لهم توم وجيري المهم انه اللويه خفت بالبيت خخخخخ يعني سيطرنا عليهم خصوصا بالزواره قمنا نقدر نسولف

 

[* LOVE STORY *]

تامرين كوين
في دوام صبح من 8 الى 12
وعصر من 4,30 الى 8,30
وانتي تختارين
يعطونهم حفظ القرآن الكريم وتعليم لغه انجليزيه , سباحه , كومبيوتر , تايكوندو , كاراتيه للأولاد , رحلات ترفيهية
رسم ,
الشهر 45 , مواصلات = 10
ومكانهم بحولي جبال جامعة الخليج رقمهم 7311598
آنا اللي عجبني انه قريب بحولي ماحب السالميه وقلعة وادرين اخاف على ولدي من الطريج

بس الصدمه انه ولدي ياني شايش اليوم من بيت عمته يبي النخيل كلهم مسجلين ويبي معاهم
عمته سجلته مع عيالها
وآنا حدي خايفه عليه بصراحه من الطريج , درب من بيتي للبدع الله يستر
بروح باجر اكنسل تسجيل الكويت الأنجليزيه

 

[dl3_wl3]

حبيبتي النخيل شنو برنامجهم؟
والمدرسه الانجليزبه شنو بعد برنامجها

 

[أبلة لولوة]

عندكم بعد مدرسة الرؤية مسوية برنامج صيفي

و جمعية الاصلاح بالروضة للصبيان

وللبنات نادي سنايا هم تابع للاصلاح بالشامية

وفي مركز ريماس للفتيات الي باشراف الشيخ نبيل العوضي

وفي نادي منارة بكيفان للفتيات

و بيت القرآن بكيفان للاولاد


عن نفسي ودي ادخل اخوي الروضة او كيفان
انشطتهم قيمة ومتنوعه

 

[Miss_Tiger79]

الصراحه الموضوع مفيييد وايد (طبعا مفيد لنا )

انا سجلت عيالي بنادي بمدرستهم (التكامل) هذا الصبح وسجلتهم لانه ولدي الثاني بيروح اولى روضه فابيه يتعلم منهم اشوي قبل لا تبتدي المدرسه
وانشالله السنه اليايه ادششهم شي ينمي قدراتهم على الاقل مافيه دراسه

والعصر نادي سباحه

وبنات ترى النادي مال النخيل شكله زين لانه اذكر السنه الي طافت رحت اتريق مع ريلي والا ماشالله يهال وايد وكانو طالعين من السباحه بس تحسفت ما سألت عنه

واااااااااااي جان زين الثويني ياخذ من عمر 5 سنوات

 

[maryam_q8]

وفي مركز ريماس للفتيات الي باشراف الشيخ نبيل العوضي

وفي نادي منارة بكيفان للفتيات


ابلة لولوة عندج ارقامهم او عناوينهم يزاج الله خير

 

[أبلة لولوة]

حبيبتي مريم .. ريماس رحت شفته بالشهداء ماذكر اي قطعه بس عطيتج الرقم الي اعرفه

اما منارة بكيفان ق2 ش25 م3
ورقمهم:
7634198

هالاماكن تعتمد على عمر بناتج

الاول من 10 الى 18
الثاني من 12 الى 14

اما مثلا سنايا بالشاميه من 9 الى 13

والله يحفظ عيالج ويخليهم ذخر لج يارب

اي اسئلة ثانية حاضرة

 

[maryam_q8]

يحظرلج الخير يا بعد قلبي ومشكورة حبيبيتي على هالدعوه الطيبة:tek:

 

[jolie_q8]

انا دخلت الشباب بنادي فتيه الايمان بكيفان مع ولد عمتهم

واليوم أول يوم العود مستانس والصغير وديته تجربه .. والحمدلله رد مستانس

وباجر بروح ادفع له

الاشتراك 50 دينار من 4 ونص الى 9 مساءا ... نشاطهم اليوم رسم - ومنهج شرعي وعقب صلوا المغرب

وبعدين ملعب صابون ورحت لهم مبجر ...لقيتهم يلعبون بلياردو

وباجر عندهم كره قدم وحلقه تحفيظ وطبعا تسليه (بلياردو - بلي ستيشن .. الخ)

واليوم عطوهم حديث لازم يحفظونه

( من أذكار الاستيقاظ من النوم )

(الحمدلله الذي عافاني في جسدي وردّ علي روحي.. وأذن لي بذكره)

<<انا ماعرفه للاسف

وولدي الصغير اختصر الموضوع قال صعب علي لول ...

قلت له ميخالف راح نحفظه كلنا ...

اليوم الأول مر بسلام ونجاح الحمدلله

 

[**Jumana**]

انا دخلت الشباب بنادي فتيه الايمان بكيفان مع ولد عمتهم

واليوم أول يوم العود مستانس والصغير وديته تجربه .. والحمدلله رد مستانس

وباجر بروح ادفع له

الاشتراك 50 دينار من 4 ونص الى 9 مساءا ... نشاطهم اليوم رسم - ومنهج شرعي وعقب صلوا المغرب

وبعدين ملعب صابون ورحت لهم مبجر ...لقيتهم يلعبون بلياردو

وباجر عندهم كره قدم وحلقه تحفيظ وطبعا تسليه (بلياردو - بلي ستيشن .. الخ)

واليوم عطوهم حديث لازم يحفظونه

( من أذكار الاستيقاظ من النوم )

(الحمدلله الذي عافاني في جسدي وردّ علي روحي.. وأذن لي بذكره)

<<انا ماعرفه للاسف

وولدي الصغير اختصر الموضوع قال صعب علي لول ...

قلت له ميخالف راح نحفظه كلنا ...

اليوم الأول مر بسلام ونجاح الحمدلله

أختي اشتري له و لج سي دي العفاسي مال أذكار اليوم والليله .. أنا حاطته بالسيارة وعلى طول أسمعه صج يشرح الصدر و اللحين حافظه كل الأدعية و لله الحمد ... يبيعونه في جمعية الشامية من داخل صوب الاسكليتر االلي ينزل تحت أكو مثل كشك صغير يبيع أشرطه و سيديات دينية ...

 

[نووووونا]

موضوع بوقته كوكو

تسلم افكارج ما شاءالله

 

[فراشة الوادي]

السلام عليكم
بنتي باسسها بالأنجليزي أولي أبتدائي
اذا في أحد يعرف أرقام مدرسات يجون البيت تحطه لي ومشكوره وموضوعج واااااااايد حلو:ggdw:

 

[Dancing^Queen]

يا امهات احب انوهه علي شغله
ترا النوادي الصيفيه اللي بالمدارس مو تبع اداره المدرسه
ياجرونه علي شركه تسوي فيه نادي
العام خذيت مقللللللللللللللللب من قللللللللللللللللللللللللللللللللب

 

[جوكليت بار]

اي دانسينغ صااااااااااااااااااااجه

 

[Dancing^Queen]

الحين نسيت اقولكم بناتي الصبح دخلتهم نادي بيبي غاردن الصيفي
افتكيت من الحنه الصباحيه والخدامه ارتاحت فقيره بروحي علي وحده الثانيه مسافره <<<شكو بقصه حياتج
واختهم الصغيره قامت تتشجع تروح ماتبجي الصبح لان وياها الكبار

الصراحه ارحت
كل يوم ايوني ماما سوينالج حلو وكليناه
ماما سوينالج برد وكليناه <<<شمستفيده ماما؟؟؟

وعلي قوله جولي قامو يقولولي ادعيه وناسه قامو ليعطيتهم شي قاوللي بركه بركه بركه بارك الله فيكي وعقبها تعنفص ايوااااااااااااااااااااااااااا وتقحص ماكو فايده العرج يندح
لووووول

وورحلات اسبوعيه اليوم رايحين حولي بارك والاسبوع اللي طاف راحو علي قوله بنتي بيت البرد تقول يما لحقي البيت متروس برد ومحد بلاعيمه تعوره وطلعو يسوون برد صاروخ <<هالمعلومه ساسرتني فيها خافت اخترع

والحمدالله خفت الشطه اللي فيهم الصبح بالنادي الصيفي والعصر اوديهم فلكس
بس مشكله فلكس ماقدر يومي لان ماعندي وقت واحب اكون وياهم ماقدر اهيتهم علي الخدامه علشان جذي مانروح يوميا

 

[ضحـاوي]

صباح الخير شلونكم امهات

كوكو شلونج

انا دخلتهم من الاسبوع الي فات دوره تعليميه

عيالي الي بالابتدائي اما الصغيره ما ياخذونها

من الساعه 4 ونص الى الساعه 6 ونص

وفي هالوقت اخذ فترة نقاهه انا والخدامه

 

[nouna82]

كوينة شلونج ؟؟

وين مكانه بيبي غاردن ؟؟