اجار كويتي 100% .. طريقتنا سهله ولذيييييذة وكل اللي بذوقه بيمدح شغلج ويبي الطريقة

[Cacawa]

يعطيكم الصحة والعافية وتسلم ايدكم
بس سؤال : ثوم الجبل لازم ينفاح صح ؟ ولا انتو شارينه مفيوح وخالص ؟

اذا شارينه مفيوح بليز قوليلي من وين لأن اذا انفاح بالبيت ريحته تصبغ

 

[D.asmaa]

شوقني بالله الحين وين احصل ثوم الجبل بامريكا

 

[ضحكة الدنيا]

مشكووووره عالطريقه ويعطيج العافيه

 

[أم خشم]

اي والله ترى احسن تسوين الاجار في البيت ,, انظف واضمن
مشكورة ,, بسويه لبيتنا ,, يموتون عليه
يعطيج العافية

 

[السجينة]

العفوو بناات وحيااكم الله وكل يوم تعالوا لوول

ككاوه .. ثوم الجبل احنا نفووحه وريحته مو قويه واايد يعني عقب ما تخلصين كسرة بخووره وانتهت المشكلة

 

[السجينة]

حبيباتي تقدروون تضيفووون خيار وجزر واللي تبون وتقدرون تلغون اللي ما تحبوونه
اهوه كله مخلل او اجاار ونفس الخلطة تنحط لكل الخضروات اللي تحبونها

ومشكوورين حبيبااتي للدعاء لي ولامي ما قصرتوا فدييتكم ولكم مثل هالدعاء :**

 

[انا الحياة]

ما شاء الله يسلمو يدينك

 

[حبيبة26]

الله يخليلج الوالدة ويعطيها الصحة والعافية بس البيديان شلون اسلقه قبل

 

[نرجس الشمال]

يعطيج العافيه والله يشافي الوالدة ويعطيهاااا الصحه والعافيه

 

[ملكةجمال]

ماشاء الله لا قوة إلا بالله
زين و الله زين شي يفرح ما زال في ناس تدور أجار البيت
إحنا نسويه بالضبط بس نخلط خل أبيض بالأحمر و بالنسبة للحبوب نزيد عالكزبرة و الفلفل الأسود و الحبة السودة شوية يانسون و كمون يضيفون نكهة حلللللوة و أمي تضيف شوية كركم و بالنسبة لثوم الجبل ما له داعي تفوحوه ... ليش الفوح؟؟؟ نقعوه بطاسة مسكرة ليلة كاملة و نشفوه مع باقي الخضار و جبسوه حزة جباس الأجار و ضروري تحوشه أشعة الشمس هي عامل الطبخ البطيء حتى تنمزج النكهات بالخضار و حده باصيف يعني شمس الكويت ثلاث أيام بس أو يوم واحد بس يا بنات. تدرون لما كنت صغيرة كانت أمي تخليه فوق السطح بهالشمس لمدة أسبوعين أو أكثر. كانت شمسنا بااااردة و حللللللللوة بالصيف. أتدكر الجلسات بالليوان و شمس العصاري الحلوة أما ألحين .... أصلا ما تقدر توقف برة بالصيف بعد مو تقعد! :krkrkr:

 

[!! Ba6a 7lwa !!]

يعطيكم العافيه

 

[FANA__3]

مشكورة وجزاك الله خير