اثيوبية بـ'ساطور' , تقتل ابنة كفيلها الكوييتيه

[يؤ !!]

بنااااااااااااااااااااااااااات شوفوا هذا الرابط لقاء مع اخوها قسما بالله يضيق الضيق الصدر يارب انزل على اهل عائشة السكينة والطمانينة

http://www.alanba.com.kw/AbsoluteNMNEW/templates/last2010.aspx?articleid=243814&zoneid=193

ربااااااه ...

تذكرت المثل اذا اكرمت الكريم ملكته واذا اكرمت اللئيم تمردا

الله يبرد على قهرهم ويربط على قلوبهم :eh_s(2):

 

[يؤ !!]

رد: كويتيات اثيوبية بـ'ساطور' , تقتل ابنة كفيلها الكوييتيه

الله يرحمها اخت مرت اخو رفيجتي
ماكو خلاف ولا شي البنت رادة من السفر رايحة تجهز مسكينه وقاعدة توزع الصوغة والخدامة طول الوقت تخزها وقالت حق امها هذي اشفيها تخزني؟
الخدم يحقدون كلاب والاثيوبيات فيهم غباء وطولة لسان وقلة ادب يراددون وما يشتغلون عدل يبون يغلطون محد يحاسبهم يبون كل شي على كيفهم
الام تهاوشها احقدت وتبي تنتقم منها احرقت قلبها على بنتها اللي ما كملت فرحتها حسبي الله عليها

معقوله الحسد يخليها تقتلها وتشرح جثتها لهاالدرجه ماعندها قلب هذا وعمرها 19 سنه صغيره
هذي وجودها بالحياه خطر على البشريه بصراحه ولو ما خذت جزاها على الكويت السلام

 

[SwEeT aPpLe]

ماكو تطورات بنات


والله قلوبنا عورتنا ​

ايه والله ياليت تعرف شي تكتب
يارب ترحمها وتغفرلها وتربط على قلوب المفجوعه ياالله

 

[NZaKa]

أنا مارتاح للاثيوبيات جافين وغامضين

الله يرحمها برحمته ويصبر أسرتها علي فراقها موقف محزن وصعببببببببب أنا يومين موقادرة أنام شلون أمها وأهلها

بجنة الخلد يا عائشة

 

[فديت ولدي]

يالي امس تقولين ودي اصدق بس قويه وشهد شاهد من اهلها علشان تصدقين

مافهمت اختى هذا اول لي رد بالموضوع

 

[شجن الورد]

والله يابنات خذوا هذي النصيحة مني مدى الحيااااااااااااااة

اللي تشوفوا شغالتها فيها حركات موطبيعية تسفرها وتخدم هي بيتها واهلها

والله يابنات دوم تذكروا التعب الجسدي ولا التعب النفسي

 

[بتبوتااا]

شجن صح كلامج انا اذا حسيت في ش مو طبيعي اسألهاا وقبل لا اييب اي خدامه اقول لها اذا ماتبين تشتغلين قولي عادي

 

[LadY BuG 80]

انا لله و انا اليه راجعون الله يرحمك يا عايشه و يصبر والدينك و اشقائك

ان القلب ليحزن و ان العين لتدمع ..

اذكرها و انا اصلي قيام اليل و اتخيلها في قبرها و نفسها ضايقه من بكى امها و اختها .. حبيبتي

الله يرحمك و يغفرلك , دايما ادعي عسى ما تعذبت و تألمت في موتتها

يارب اسعدها في غربتها و اجعل نومتها في قبرها نومه هنيئه مثل نومتها قيل لا تروح غدر

ولله يا بنات انه ما دخلني منتدا كويتيات الا سالفت حريق الجهرا و الحين هسالفه هيضت اشجاني

انا مو كويتيه ولا قط عشت بلكويت ولا خليجيه اصلا بس عورني قلبي عليها

حبيت بنات الكويت من طيبت منتداكم و اخلاقكم

سبحان الله الانترنت خلتني اذكر عايشه في قيام اليل و ادعي لها مع دعائي لامي و لاهلي و انا

ساكنه في القطب اشمالي اخر بلاد المسلمين .. لاكن الله يحب عايشه و سخر لها من يدعي لها في كل بقاع الارض ,, و كم و كم غيري يتابعون و تأثروا و رقت قلبهم لها

ششي محزن كل ادول العربيه فيها حروب و احزان . الا الخليج الله يتمم عليهم نعمت الامان و تجيها الجرائم من الخدم ؟؟؟؟؟؟؟؟؟؟؟؟

ولله شي يحزن اللهم احفظ خليجنا كنا نحسه منبع الامان و الامل انه في يوم شعوبنا تتحسن احوالهم , و نقول ادنيا لسا بخير بس الخبر هاذا فاجعه

الله يغنيكم عن هلعماله الخايسه .. استغفر الله و اتوب اليه

الله يصبركم يا احلى كويتيات​

 

[مـ ع ـزوفة حز*ن]

رد: كويتيات اثيوبية بـ'ساطور' , تقتل ابنة كفيلها الكوييتيه

بنآت وربي من موضوع الخآدمه الي حرقت البنت الصغيره بالماي المغلي
مانام مرتآحه ..
والحين يقتلون بنت من بنآت الكويت بيوم فرحتها ..
حسبي الله عليها ونعم الوكيل ..
وقبلها قآتلين بنت كويتيه ثآنيه اعتقد بنت القبندي .. نآسيه اسمها
الله يرحمهآ ..



بنآت نبي وقفه جآده من حكومتنآ ضدهم وضد هالمكآتب الي يبلونآ
بالنفسيات المريضه هذي ..
حقوق الكويتي منتهكه في بلآده .. ندفع مبلغ وقدره في مرضى نفسيين
مقآبل خدمه ..






بنآت شلون نقدر ننام بآمان في بيوتنآ .. شلون نتطمن على عيآلنا

البنت الي احترقت , احترقت وامها بالبيت ..
لاتقولون اهمآل الام لا حرآم .. لابد الاطفآل ينتشرون بالبيت بروحهم ..!

وهذي بنت نآيمه في غرفتها .. نآآآيمه تجي الحقيره تذبحهآ بفرآشها ..
جد للحين مو مستوعبه الي صآر ..!
الله يعين اهلهآ ولا تفجعنآ بآي شخص من آهالي الكويت ..
يآرب احفظ آهل الديره ..!

،،

دررر والله ،،



اللهم آمييييين



.............
.........
...

 

[احساس ملكه]

شعار الحمله الشعب يريد القصاص







عايشة إن الموت لم يوجعك كما أوجع قلوبنا النابضة.
كل طعنة في جسدك الطاهر كانت توجه لضمائرنا النائمة،
فتخنقنا الحيرة والتساؤل أين العدل والحكومة وراء الأموال ساعية؟!
شبابها تحت التراب وهي لهذه الامور متجاهلة.
أموت عائشة كان كناقوس يدق قلوبنا،
فيرتفع صوت بكاء الخلق على هذه الفاجعة؟!
لاتبك يا أُم عائشة، فابنتك ِ في قلوبنا ساكنة.

خلوه يوصل لأكبر عدد من الناس الموضوع
وخلوه يوصل للجهات المختصة
حطوا كلمة أو أي شي إذا تبون القصاص ويكون مبااشر، مثل:
1- القصااص ويكون مباشر والله يكون بعون أهلها.
2- القصاص والبث مباشر والله يرحمها
3- قصااااص وبث مباااااشر
4- العين بالعين والسن بالسن والبادي اظلم مانبي الا الشرع
5- القصاص لازم يتبطق بالكويت حتي يعتبر الكل
​

​

http://n4hr.com/up/

 

[ألايانفس......]

^

احساس ملكة استاذنج بحط الشعار بتوقيعي

 

[a7la-elbanat]

لاحول ولا قوة الا بالله

اتقو الله في الخدم الديين المعامله شووفو لي وين وصلت معاملتنا لهم والحقد اللي صارو يشيلونه بقلوبهم علينا وعلى عيالنا

ربي اعلم باحوالهم وهالناس تزييد بلواهم ولي طاح الفاس بالراس قمنا نقول لييش وشحقه انهشوونا

اتقوو الله في ضعااف البشر

ياربي ترحم عائشه وتبدلها بدار خير من دارها واهل خير من اهلها وتنور لها قبرها وتجعلها سيدة الحوور العييين يارب العالمين

يارب كل من اراد بنا ظلما وقتنه فاشغله في نفسه واجعل كيده في نحره واجعل اللهم تدبيره تدميرا عليه يارب العالمين

اللهم اعزنا بعزك واجعل قوتنا في ديننا واجبر اللهم كسرنا وكسر اهلها وذويها واكلأهم برعايتك وحفظك واحفظنا ياكريم

اللهم اجعلها من الشهداء الصالحين واجعلها تنام قريرة العين مطمئه على حالها ومكانها قربك في جنات النعيمم اللهم امين اللهم امييين

 

[شجن الورد]

يارب يقصون فيها هذي اللي ماتخاف ربي وقتلت فرحة بيت باكمله يارب نفرح بقصاصها عاجلا غير اجل

 

[أم بدير]

واخرتها يا هالخدامه ترد لديرتها او قاعده فى السجن تربى
بكرشتها ونكون احنا نسينا وبيذكرنا خبر جديد كالعاده...

هذا اذا ما رجعت الكويت عقب جم سنه تشتغل خدامه ببيت ثاني بجواز يديد
خو سهاله هناك الجوازات والتزوير

وهذي حرام تنعدم
هذي مال يشبون نار ويقطونها وسطها واهي حيه

 

[ليلو جبريت]

احساس حلو الشعار ابي الصورة بس باشيل الكلام المكتوب فيه

ادري كلامي بس .........

المهم ابي الشعار ابي احط فيه كلام غير

ابي هذي الكلام وبليز لاتحرفونه للعامي

مقلتاك تفيضان كالنهر ، والحزن بقلبك استقر ، دمعك ألم ُ ُ ... ألم ُ ُ... ألم ُ ُ ... ، لا تبك ِ اماه فأنا لست نابضة طوال الدهر ، اتعلمين إن حزنك ِ يبعث بي الروح فأشعر بالالم . انثري دعواك على رأسي و كفي الدمع اماه فاوجعك يفلق الصخر ، عروس السماء تنادي إذا لجت أمي بالسؤال ِ اخبروها أني أنام نومة اللحودِ . وأن دمي على اهل الارض انهمر،اتناشدين حق ِ أماه والفساد بين البشر مستعر.



القصد من هالكلام ان ام عائشة تتعذب وعائشة تخاطبها تقول لها لاتبجين لان البكاء على الميت يعذبه وان الموت حق ودموع الام توجع حتى الميت
واذا امها سألت عنها قولوها نائمة نوم الاموات وان دمها لوث ارض الكويت وكيف امها تناشد حقها والفساد بين البشر منتشر ​

​

 

[قـلـب طـفـلـة]

لاحول ولا قوه الا بالله العلي العظيم ...

حسبيى الله ونعم الوكيل ..

الله يرحمها ويصبر أهلها ويعينهم على مصيبتهم ..

ياكثر ماسمعنا من مشاكلهم بس للاسف مافيه عقاب او حساب لافعالهم ..!!

الله يحفظنا من كل شر ..​

 

[نونو العصله]

اذا ما انعدمت
الله شديد العقاب
الله بياخذ حق المرحومه منها


تحسبو عليها احسن
اذا على الحكومه انسو ماكو عدل
العدل عند رب العالمين

 

[نونو العصله]

ليلو بستلفه منج

 

[ليلو جبريت]

نونو قراتي المقال ارسلته بنات وقريبا بينشر

 

[اصايل الرياض]

تكفوووووووووووون لعاد احد يجيب خدامات ياربي كرهتهم كرررررررررررره
ادري فيه ناس محتاجتها بس وش فايدة حاجتي لها اذا قتلت احد من اهلي
الحين انا ماعندي شغاله وانا م واصحى وانا مفجوعه من بعد هالسالفه كيف اللي عندهم خدم فبيوتهم
ماتخيل والله العظيم رعب رعب حسبي الله عليها
واتذكر شفت فبرنامج تو الليل الخدامه اللي قتلت بنت فالعشرين وثانيه نحرت طفل وكانت ناويه فاخوانه
يااااربي وش هالاجرام مهما كان ت مهاوشتها والا حتى طاقتها ياختي انقلعي وانحاشي بس لاتقتلين وتحرقين قلوب اهلهم