اتيمعون جياس و كراتين؟؟ شاركوني

[ساره ستايل]

حتى انا فوز .. اموت على تيمع الاجياس الورقية ..
نفس جيس guess اللي من هالنوع عرفتيهم ..

غرامي اني اخشهم .. حتى اذا سافرت وشريت شي .. احاتي الجيس اللي بيحطون فيه اغراظي .. كلله اقول انشالله يطلع حلو .. عشان اخشه


والله خاشة اجياس من ماليزيا لما رحت شهر عسل قبل سنتين ليلحين عندي

واذا رحت سوق وشريت اغراظ .. خشيت اجياسهم حق العازة ..

والمشكلة لما يتيمعون يصيرون اشكثرهم بس وناسه يفيدون والله

حتى ريلي يضحك علي .. كل ما شرى شي من السوق عطاني الجيس وقاللي هاج ادري فيج اتخشينهم

 

[Fouz]

النبع الصافي مشكورة على المشاركة و الظاهر ماكو حل
سارة ستايل welcome to the club
الدار اندثرت و السبة هالجياس بس صج متعة

 

[أحلى الجياكر]

والله أنا كنت جذيه ..تالى الموضوع كل ماله و يكبر و البيت كل كورنر فيه شى ..قمت أقطط ..لأنى كل مالى و اشترى و أخش ..لى متى عاد ؟؟ البيت بيمشى قطع ..يا كره هالطبع ..التكود ...قطى و لا تتحسفين ..بتشترين غيره ..

 

[bnt_kwt]

جياس الجمعيه حق زبالات الغرف
والجياس الثانيين اخليهم عاااااادي
بس العلب لالالالالالالالا اقطهم ما احب التكود
الا اذا علبه ساعه كشخه اخليها وغيره لا

 

[جبنة بيضة]

الي كشخة أحتفظ فيه

 

[سنا الفضه]

واااااااااااي جنج طاله بكبتي

امووت على هالخرابيط

على قولة يدتي الله يرحمها : الحسافة شبعتنا كسافة

بس صج والله مادري ليش جياس الجمعيه بالله قولوا للزبايل وانتو بكرامة

بس باجي القواطي شكوووو

علبه كريم اساس عى علبه حمره على علبه عطر<<<<شكووووووووو

لا يكوون مرض الله يكافينا الشر

داء تجميع الجياس والقواطي

 

[ساره ستايل]

انا القواطي والكراتين .. على طول اقطهم

اصلا بالسوق .. اول ما اشتري لي جوتي تكرمون .. أفشّـــل والله .. اقول حق البياع حطلي الجوتي بالجيس مابي القوطي .. فيستانس .. عاد اقول له عيل اخصم لي من سعر الجوتي لأنني خذته بدون القوطي

حتى العطور والمكياج .. على طوووووووووووول ابطلهم واقطط كراتينهم.. لأنهم ياخذون مكان..

بس الاجياس .. يازيييينهم .. صفطي وخشي .. وكودي .. ومن ثم احصلي على جبال همالايا في بيتكي :eh_s(6): ...لوووووووووووووووول