اتيليه زوغه والنفسيه زوغه بس بدون نقطة الغين

[&جالكسي&]

مرحبا كويتيات شلونكم حبايب قلبي. بصراحه رحت اليوم حق اتيليه زوغه قلت بشوفه رحت وياليتنبي مارحت اهو شغلهم حلو ومرتب بس الاسعار بصراحه مبالغ فيها انا عجبتني بدله عندهم قلت جم ولاتقول400انا قلتلها شدعوه نزلي شوي جان تقول والله مااقدر انزل فيها اصلا انا اروح فوق احسن امبيه تفشلت ومشت وخلتني ولا تقول روحي فري السوق دوري امبيه بنات ليش جذي اسلوبها الحمدلله والشكر جنه محد عاجبها بصراحه قمت وطلعت وقلت حق المصريه اللي عندها اهم شي الاسلوب واهي تنحش الناس بأسلوبها ولو اللي عندها ببلاش ماآخذهم

 

[manoooram]

لا يضيق خلقج يا قلبي
الناس أجناس واخذي لج جاهز من محل أحسن لج

 

[ليدي الحاره]

يحيااتي هم الخسرانين ^-^

روحي لاقرب موول ي كثرهم

ولامنة احد

 

[&جالكسي&]

فديتكم يابعد قلبي انتو انا موقاهرني الا انها كويتيه والله احنا الكويتيات موجذي نعرف السنع والذرابه واحلى مافينا اسلوبنا الراقي وهذي لو مايبقى غير محلها ماآخذ منها

 

[!الجادل الصعب!]

زوغه مآغيره ؟!
ليش يمآ كوكو شآنيل على هالاسعآر ..
آغلب هالمصممات الكويتيات الا من رحم ربي .. نفسيه شينه وسعر مبآلغ
وموآعيدهم خرطي ..!

شحآدج عليها بس خل تستريح ..!

 

[بانبينو]

انا مااشتري من اي محل يعاملني بطريقه شينه
هي الي راح تندم لما تلقى نفسها من دون زبائن

 

[aloooya]

شدعوة !!!!!!!!

 

[زبــــــــدة]

روحي البلوكات وقلدي الموديل

مادري ليش هالاسعار مااااادري ..ترى الخامات مكودة بالبلوكات والموديلات مكوده بالنت

 

[Ṧђę5άţ 7ɭάά]

الاخت مسويه نفسهآ مصممه يعني!!
بليز ممكن اسمهآ خآاااااااااااص​

 

[بنووته تكاانه]

شدعوه عليهااا

 

[ليتك هنا]

روحي البلوكات وقلدي الموديل

مادري ليش هالاسعار مااااادري ..ترى الخامات مكودة بالبلوكات والموديلات مكوده بالنت

اي والله وهي الصادقها تدرين بعد حتى الهنود مصممين ازياء

 

[Hibooo]

اي استغفر الله معروفة هاذي انها نفيسه
سمعت من وحده اتصيرلها انها بس تحب الناس هاي هاي وتحوفهم حوف عشتوااا

لكن الله يهديها وكل واحد ربي يرزقه على قد نيته

 

[دموع الوادي]

يابنت الحلال وسعي صدرك كل المصممين جذي يام سمعنا كلام لين خلاص فاض فيني والحين اروح انا واشتري الخام وانا الى اطلع المديل

 

[Mrs_Orchidia]

صح معروفة انها نفسية ! حسبالها دار شانيل لوووووووووووول

 

[يآلبى ضحكتي:$$]

مـــــــــــآآآحب آلنفسسسسسيآت ​

 

[فراشه شفافه22]

استغفر الله خير ان شاء الله ويييييييع ماحب اللي اسلوبها كذا



ان شاء الله تلاقين اللي تبين ولامنه احد


موفقه

 

[منو انت]

عندها موظفه هيييييييييييييييلقيه ماابي اقول جنسيتها


ماتعرف بالذوق شي تحشر عمرها معاج بغرفه القياس وتتكلم بلسانج زين انتي شكو انا لي عيون واشوف جد انا لو اروح مره ثاانيه ماراح اسكت عنها

 

[barbie girl]

حبيبتي لايضيق خلقج
انا مايعجبني لبسها كلش مره رحتلها وصعدت فوق والقى مصمم فلبيني اهو اللي يصمم
المصممات الكويتيات جذابات خامهم من البلوكات وكل وحده حاطه فلبيني ولا تونسي يصمم وتقول افكاري

 

[&جالكسي&]

قلب عشتار شلون نتواصل

 

[noorq8]

بالعاده لي كتبتي رايي اكتبه بدون ماأمدح لكن ...................روحي حق سولاف صاحبة الدزه اللي بالسالميه بلازا ورقمهم 25712119, والله تعامل ونفسيه وموديلات شغل مرتب وفوق هذا السعر المعقول , هاليومين قاعده افصل عندها حق مناسبه عندي صج صج راقيه وبصراحه اعتبريها دعايه قولي لها نور امدحتكم تستاهل من يمدحها .