اتوقع هاذي حريه شخصيه ....!!

[nandeny]

والله شوفي انا معاج كل واحد يسوي اللي يبيه لانها حريه شخصيه بس اذا شي مبالغ فيه لا وثم لا اصلا انتي تضحكين على امها القواطي صلي عالنبي

 

[Bent Ameer]

حبيبتي مو سالفه كيفها ومو كيفها

البنت اللي حطت الحمله للتوعيه ومن باب الامر بالمعروف والنصح

مادشت على كل بنت وقالت شيليها

لا طبعا مجرد نصيحه يمكن وحده تشوف هالحمله والنصيحه وتعتبر

وهنيالها بالاجر ماشاءالله عليها ...

 

[كرز حالي.]

رد : اتوقع هاذي حريه شخصيه ....!!

نعم حبيبتي اهي حريه شخصيه وماتوقع في اختلااااااااااااف على هذا من اي احد محد يقدر يطقج بالشارع ويقول قطيها
بس
الدين النصيحه والذكرى تنفع المؤمنين وجزاها الله خير اللي تنصحهم وبعض الناس يمكن مايعرفون انها محرمه

 

[رايقة1980]

والله اهوا الحجاب خايس ويلوع الجبد

ومو حلو وانا مااحبه

بس ولا مره قلت حق وحده لا تلبسينه

لان مو من حقي

وعلى قولتج حريه شخصيه

ولمن شفت هالحمله انا قلت شكو

تلبس ولا ما تلبس كيفها !!!!

اتوقع قصدها عن الحجاب بونفخة مو الحجاب الشرعي

..
تريثوا شوي...


صايرين جباريت ....

 

[am_kshaa]

حريه شخصيه صح بس مافيها شى لو نصحت واهيا بتاخذ بالنصيحه او ماراح تاخذ هم كيفها وحريه شخصيه
بس لازم الواحد اذا شاف شى غلط او حرام يتكلم وينصح
والدين نصيحه والى تقولين حاطه توقيعها حمله ضد الحجاب بونفخه
يمكن بنت من الى يحطون هالطريقه تشوف توقيعها وتحس انها صج غلط او ان هالشى حرام وماتلبسها مرة ثانيه وتكون الى حاطه التوقيع خذت اجرها لانها ابتعدت عن هالشى عن طريق توقييعها يعنى شى عادى

 

[عيون منوعه]

الصرااااحه انا معااااااج

مو اي حجاب حراااااام اذا كانت الكبه فووووق راسها اهني حراااام

لكن البنات الحمدالله و الشكر صج اذبووووووحنه و انا وحده اطنش الي تحط بتوقيعها هالملاااقه المكتووووبه . . !

آنا احط شباصه و حجمها حده معقوووووول . . . . !

و هذي حريتي الشخصيه و انا حره فيه ستايلي و كيييفيييي البس الي البسه و لو احط سكان سياره براسي محد يكلمني . . !

اذا امي ما كلمتني تيين انتي ما ادري من وين تكلميني . . !

نصحتي و مشكوورة و ماقصرتي بس ساعات النصايح تصير ثقيييييله و مثل هذي النصاايح تظل لأصحابها واااااااااايد احسن


حبيبتي سوري فضفضت

بالتوفيق

 

[روح مغليها]

لا حبيبتي انا براي هذي مو حريه شخصيه
الرسول عليه السلام امرنا ان ننهي عن المنكر
شلوون يعني نعصي الله والرسول عشان حريه شخصيه

 

[قطيووه^_^]

اللي يحطون ماضروا احد
ولا سبو احد
بس دديننا امرنا بالنصيحة
يعني ماتدرين يمكن وحده منهم تاثر بهالدعايه وتغير بسبته

 

[LuLiTa]

حرية شخصية ,, وكل واااحد عقله براسه يعرف خلااصه ,,

 

[صباح الليل]

صح كلامج
هذي حريه شخصيه
كل واحد له شغل بنفسه

وبالنسبه للتواقيع يمكن حرام ودهم ينصحون مو يتطنزون
ويسلمووو يالغلا

 

[DO7AWE]

اولا هالحركات حرام


قال صلى الله عليه وسلم: صنفان من اهل النار لم ارهما قوم معهم سياط كأذناب البقر يضربون بها الناس ونساء كاسيات عاريات مميلات مائلات رؤوسهن كأسنمة البخت الما ئله لا يدخلن الجنه ولا يجدن ريحها وان ريحها لتوجد من مسيرة كذا وكذا) حديث صحيح

ثانيا..النصح واجب علينا
عن أبي سعيد الخدري قال : سمعت رسول الله صلى الله عليه وسلم يقول : من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان . رواه مسلم .

• 
  ثالثا. مايجوز تقولين ليش مسوين حملة ؟؟؟
  يعني اللى مايدري انة حرام يعرف انة حرام؟؟؟
  طيب اذا هالحملة مولازمه ,,اجل مولازم الجهاد ونشر الاسلام ومولازم نوقف مع الشيخ العريفي ومولازم ومولازم ومولازم
  هذي حرية شخصية؟؟
  تقبلى مرورى

​

 

[النشبه88]

انا ودي الظاهر تروح للاسباب التالية -
1- البنيه يكون شكلها احلى بوايد بدونه.:gr4uu:
2-لانه طايحين له طنازه عليهم بكل مكان كويتيين خليجيين وافدين الكل يمشي و يعيب من صوب:ada:
3-لانه ساعات البنيه تسد على غيرررها اذا كانت زايدة الجيله:tongue22:
4-ساعات تعطي الانطباع انها شايفه روحها لانه موصله راسها لي فوق:eh_s(1):

وبالنهاية الناس ما يعجبهم العجب ولا الصيام برجب:denya: وارضاء الناس غاية لا تدرك :eh_s(4):وبسنا فضول وتدخل بخصوصيات الناس :eh_s(1):

 

[Confused Girl]

بصراحه منظرهم هيلقي !

 

[Eng.shosha]

بصراحه لما أروح السوق أشوف كل بنات الكويت يتشابهون على اللي يحطونه براسهم !!

 

[شجن الدنيا]

المفروض يا إختي تقولين جزاها الله خير اللي تذكر الناس وتكتب هالشي بتوقيعها أحسن من بعض التواقيع اللي مو ماخذات منها البنات غير الذنب
بعدين هي مامسكت البنت وقالتلها لا تحطين غصب هي قاعده تذكر
الحريه الشخصيه ماتكون على حساب الدين
يعني لو وحده تكتب حملة مقاطعة البكيني على البحر بتجين وتقولين حرية شخصيه
البكيني حرام وحجاب بو تفخه حرام لاجدال في الدين الحرام بين والحلال بين
وجزاها الله خير الل تذكر بهالشي يمكن وعسى وحده تهتدي من هالتوقيع وتاخذ أجر عليه
تعوذي من إبليس هذي أفكار تبعدنا عن الدين
تعوذي من الله أخاف عليج ذنب بهالموضوع
والله مرات تطري علينا أفكار خطأ وناخذ إثم بدون لاندري لمن نقولها
مره كنت أسولف مع وحده دينه وقالتلي إن الجنه درجات قلت لو دخلت الجنه بإذن الله وحبيت أزور وحده بدرجه أعلا مني قالت إنتي تروحيلها مو هي تنزلج قلت لارحتلها ماني راده وضحكت تدري شنو قالتلي لاتستهزئين في الدين قلت هذي فكره بس طرت في بالي قالت خليها في بالج ولاتطلعينها تاخذين إثمها .. إمسحي الموضوع والله أخاف عليج من إثمه
وسوري طولت عليج بالحجي

 

[~.ąvȍƈaȚ.~]

و اعتقد حرية شخصية اذا وحده حطت بتوقيعها جذي ...

و الناس تحب تطالع الشي اللي يسرها مو طوابق فوق راس الناس !! <<< بصراحه في بنات بشكل مبااااالغ فيه تنفر الناس منها

و بعدين انا وحده ما اشوف بالمحاضرات منهم

دراستي و فهمي اهم و الا هالطابق اللي فوق راسهم ؟!

كيفها بتسوي هالشي تقعد ورا مو تسد على غيرها !!

 

[Dalal.E]

حريييه شخصيه مو تقعد تأذي الأواااادم ذيك المره بالسينما قطيت نغزه على اللي جدامي ولفت علي
والله ختحس بدمها اصماخها ماخذ الشاشه كلها يبا اشدعوه

من زينه اللي اتحطونه على رووسكم برج ايفل

 

[نور دربي]

والله حبيبتي البنات ماحطوا هالتواقيييييييع إلا يبون لج الخير والهداية

حب لأخيك ماتحب لنفسك

سبحان الله الواحد يوم يبي لكم الخير والهدايه سووتوها حرية شخصية اوكي ماقلنا شي

بس من باب النصيحه والهدايه لج

عسى ربي يهديكم ويصحلكم

 

[الحسن كله]

أتوقع التوقيع حريه شخصيه بعد ...!!!

 

[حرم القيصركمودس]

رد : اتوقع هاذي حريه شخصيه ....!!

يمكن انا اخالفج بالراي

بنات تدرون ان في شباب غير كويتين قاعدين يعيبون على بنات الكويت وعلى حجابهم وقطو كلمات قوية فانا افضل انهم يبتعدون وعرفت ان الي مسوية هالحمله عضوة اسمها دلوعه vvip وعجبني صراحه

بعدين صراحه مو حلوة حاطة برج العرب على راسج
الغلط غلط
المهم مشكورة واتقبل وجه نظرج:eh_s(21)::aha:
وبالمناسبة عجبني طرحج اسلوبج حلوو