اتمنى انكم تفيدوني !

[دخيلك لاتخليني]

السلام عليكم شلونكم بنات

بنات انا بقول اللى افكر فيه الحين وابي اشوف انا صح او اهم انا مخطوبه لولد عمي ومخلصه ثانوي ومدخله اسمي بديوان والحمد الله ابوي موافق انى اتوظف ماعنده مشكله وهو يحب انى اكون مرتاحه بس امي لمن اقعد وياها ونسولف على الزواج تقول لو زوجج ماوافق على انج تتوظفين قلت لها لو شنو وظيفتى اهم قالت ليش هو شنو فايدته قلت يوم حتي لو البنت محد ينفعها
الا راتبها اللى تاخده وامي مو عاجبها طريقته تفكيري ومره جات خالتى اخت امي وسولف وياي
ودخلنا ويها بالموضوع وقالت يعنى وظيفتج اهم من زوجج قلت لا طبعا بس هذا مايمنع اني اعتمد على نفسى ومايمنع اني اكون لى راتب اجل ليش ادرس من البدايه قالت انزين بالله ماوافق قلت
عنه ماوافق اهم شىء وظيفتى ولا يعني يبينى عبده عنده كل مابي شى اروح اقوله او ابي اسوي شىء لازم يعرفه وانا بحيل محتاره وهذا اللى شاغل باللى لو صج طلع كلامهم صح ومايوافق شنو حزتها اسوي مع انى اشوف امي وخالتى ضدى بهذا الموضوع بس ابوي يايد ان البنت تعتمد على نفسها وابوي هو اللى يشجعني وبس مابي اطول لان خلص الكلام عندي ...

 

[AL-DMERA]

الوظيفه مهمه وانا حاطتها شرط في عقد الزواج عشان مايقدر يقول شي ,,
وانتي خليج مصره على رايج بس مو توصل للهواش بس قوليله إني اساعدك ودخلنا يزيد وجذي ,,
وان شاء الله ماراح يرفض لأن الحين كل الشباب مايبون الا موظفه ,,
موفقه ,,

 

[زوجة عزيز]

انا اشوف في هالزمن اهم شي الوظيفه الصراحه انا مجربه الصراحه صج قعدت البيت راحه بس الحياه الحين صعبه مو مثل اول سئليني والله مليت من قعدة البيت ان شاء الله تقتنع امج واتمنى من كل قلبي الله يوفقج وتحصلين الوظيفه اللي تتمنينها والله يوفقج بزواجج ويسهل امورج حبيبتي

 

[المرتاحة]

قولي له من الحين شرطج.. صراحه الوظيفه مهمه بالوقت هذا..بس لا تحطين في باله انج راح تساعدينه علشان سبحان الله لا يطمع

على العموم كل شي بالتفاهم واللين وبدون عصبية يطلع حلو

 

[ام كوثر2007]

عسى الله يسهل امورج ان شاءالله ..

شوفي حبيبتي .. صح انه الوظيفه مهمه بالوقت هذا ..


واكيد انتي حابه يكون لج دخل خاص عشان تصرفين علي كيفج محد يلومج ..


لكن لو صج مثلا طلع كلامهم ؟؟ .. مثلا لو فتحتي معاه الموضووع الحين وقلتيله اني بتوظف وقالج اوك مو مشكله ..


وعقب ما تاخذينه يخليج تتوظفين سنه سنتين ولمن الله يرزقج بالعيال يقولج مابي تشتغلين .. ذيج الساعه شبتسوين يعني ؟


بتطلقين عشان ما خلاج اتوظفين؟؟؟؟؟؟


طبعا لا .. ما اعتقد انج بتهدمين بيتج عشان روحه الدوام ..



انا حالتي مثلج .. وانا جامعيه وتخصص نادر جداا .. وشهادتي من برا الكويت يعني تغربت وطلعت عيني عشان اخذ شهادتي ..

ولمن تزوجت قلت له نفس كلامج ابي اتوظف قال ما امنعج عن طموحج .. طبعا طل هههههههه


توظفت ثلاث سنين .. ولمن حملت ويبت ولدي .. قالي ماكو دوام قعدي جابلي ولدج مابيه بيد الخدم ..


تتوقعين شسويت؟؟؟؟؟ قلت له اشلون وشهادتي ؟ قالي علقيها بالمطبخ هههههههههه

قلت خلاص عيل دام انك تبيني اقعد بالبيت وانا وحده احب اصرف علي نفسي واحب يكون لي دخل خاص فيني . قالي اللى تبين بيكون عندج .. يعني لج مصروف شهري يساوي معاشجج .. بس قعدي جابلي عيالج . وهذا انا لي يومج قاعده ..


يعني يا قلبي لا تهدمين بيتج علي امور ما تسوا .. وترا تربيتج حق عيالج ومجابلج لبيتج هذا تاخذين عليه اجر عظيم عند الله سبحانه ..


عسى الله يوفقج يارب ويرزقج بالذريه االصالحه الباره فيج .. ويسخر ريلج لج يارب ..

 

[*الهنوف*]

جنج ناقضتي نفسج بالكلام
اول قلتي لامج لا طبعا الوظيفه مو اهم من زواجي وبعدين قلتي عنه مارضي عن الوظيفه
انتي شنو الاهم عندج تتوظفين او تتزوجين؟؟؟

المهم راي امج او خالتج او هالدنيا كلها ماراح ياثر بشي لان زوجج اهوا الاول والاخير اللي بيده الراي اذا كان موافق او مو موافق
لاتسبقين الاحداث واذا تبين الوظيفه تقدرين تقنعين زوجج حتا لو بعد الزواج باسلوبج
والحال الحين ترا غير بعد الزواج
يمكن تزيد مصاريفكم

انا اقول لا تعاندين وخلي الامور علي الله

 

[Tom ♥ Jerry]

.

أهم شي بهالزمن الوظيفه
آهم من الزوج بعد ههههههههه


شرطي على ريلج بالمستقبل انه تتوظفين

-ينقل للحياه الزوجيه-

 

[Angel-Lady]

المفروض انتي و زوج المستقبل تتكلمون بهذا الموضوع لان هذا يتعلق بمستقبلكم انتي معاه

اخذي افكار و وجهات النظر اهني و من اهلج و امج بس تناقشي فيها معاه لان انتي بتعيشون مع بعض مو احد غيركم

وضحي وجهة نظرج ان الوظيفه مهمه بس ما يعني ما يصرف عليج <<< طبعا مو اشكره جذي لوول

بس خل يصير تفاهم بخصوص الوظيفه *

 

[د. فاطمة]

حبيبتي تكلمي مع ولد عمج ..!!
شوفي شنو رايه وقولي له من البداية انج تبين تتوظفين

وبس

بالتوفيق يارب

 

[!الجادل الصعب!]

دام ما شرطتي يقدر يمسكها حجه عليج ..
مع اني ماظن بيمانع لان اكيد عنده علم انج مسجله بالديوان ..

 

[سكوتي بذوقي]

الزوجه لما تهتم

في زوجها وفي بيتها تصير عبده

طيب ليش تتزوجين إذا وظيفتك أهم منه

إذا مارضى ماشوف فيها شي من حقه مدام هو قادر يصرف عليك

 

[دخيلك لاتخليني]

مشكورين لكل اسم ولكل نك شارك وقال نصيحته

وعسى ربي يوفقكم وتكون حياتكم سعيده

لكم ودي وتقديري

 

[النوري نور عيني]

ما ظنتي في احد بهالوقت ياخذ مو موظفه الا نادر ...الحين يسالون عن المعاش قبل ما يسالون عن شكلها ..

 

[حضريه وااايد]

الوظيفه مهمه وانا حاطتها شرط في عقد الزواج عشان مايقدر يقول شي ,,
وانتي خليج مصره على رايج بس مو توصل للهواش بس قوليله إني اساعدك ودخلنا يزيد وجذي ,,
وان شاء الله ماراح يرفض لأن الحين كل الشباب مايبون الا موظفه ,,
موفقه ,,

وياهااااا​

 

[sosowaty]

uuuuuuuuuuuuup

 

[دخيلك لاتخليني]

مشكورين من قلبي والله يسعدكم على الردود

 

[kookiz]

حطي بعقد الزواج شرط الوظيفه

 

[دلوعة صلوح]

الله يكتب لى فى الخير لج يارب العالمين.