اتمنى المساعدة

[لموشيي]

السلام عليكم ورحمة الله وبركاته ..

صح بتقولون مجنونة لكن طقشت من الدنيا بنفسي اموت وارتاااح من الدنيا احس اني مخنوقة ومافي شي اعيش له انا مليت خلاص ودي انتحر بس حرام ودي اموت ودي يجي لي مرض واموت كرهت اخلاق الناس الي معصب ولي زعلان ولي مدري ليه جيبولي حل لاني خلاص مررره مررره ابغى اموت ...

من عمل لموشيي جميع الحقوق محفوظة

اتمنى تساعدوني الله يخليكوم واكثر شي متعبني المدرسة
الطالبات زفت والابلات شريرات احيانا ابغى ابطل الدراسة لكن امي تقول لا

 

[Tom ♥ Jerry]

,

الله سبحآنه و تعآلى قال : لقد خلقنا الانسان في كبد .!
يعني التعب و المشقه .. هاذي الدنيا حبيبتي
الراحه في الآخره في الجنه بآذن الله
فكري بـ عقل

 

[zozo.7ob]

حبيبتي هذي الدنيا يعني اكيد بتتعبين فيها تحملي طلا كله حسنات لك في الاخرة

 

[هويتك]

الدعاء + الاستغفار

يريح القلب والروح

يخليج تحسين أنج دايما مستانسه رغم مشاكل الحياه

ألجأي لربج لأنج في حالة يأس وهذا من الشيطان

 

[روجَ آحمرَ ..×]

حبيبتي وسعي صدرك ومحد يستاهل تضايقين
والا تتمنين الموت عشانه
خلي نفسك واسسسع
واضحكي واستانسي واعطي الناس اللي يضايقونك طاااااااف
ولا يهمك لا طالبه ولا مدرسه
خليك بدروسك شدي حيلك
وفكري بمستقبلك وبحياتك الحلوه اللي تنتظرك
وخليك من الناس النفسيه لا يتعبونك معاهم

 

[خالتي قموش]

قالها الرويشد
مافي احد مرتاح

 

[اميره^_^بحلآها]

حبيبتي محد يستاهل انج تزعلين عشانهه !! ..~ اضحكي ولا تخلين شي يزعلج ..~ << و دايم استغفري ربج و كل شي بيتسهـل إنشالله

 

[M!SS.LOBY]

الصلاة+الاستغفار+الدعاء
الله يشرح صدرج ويريح قلبج وينور طريقج من الظلمات الى الين

 

[ام الدرر]

حبوبة
انتي صغيرة بسن المدرسة
عندج اللي يصرف عليج ويتحمل مسؤوليتج ضافج تحت سقف ويوكلج ويشربج ويشتري لج ملابسج
وتشكين من الدنيا وتتمنين الموت
شنو شفتي من شقا الدنيا عشان تياسين
خلافات اصدقاء ولا مشاكل مدرسة وتتمنين الموت
شتقولين عن اللي برقبته وتحت مسؤوليته ناس وما عنده اللقمة يحكها بحلجهم
شتوقولين عن اللي فقدت زوج ولا ابو ولا ام ومو لاقية احد يتحمل مسؤوليتها ويصرف عليها
شتقولين عن اللي قاعده بين 4 طوف ما تقدر تروح المدرسة لسبب مادي او لاي سبب ثاني
شتقولين عن المريض ومو لاقي علاج او فاقد جزءمن جسمه او مايشوف ما يمشي مايسمع مايتكلم
ويتمنى لحظه يستعيد فيها هالجزء
الرسول صلى الله عليه وسلم قال
((من بات امنا في سربه معافى في بدنه ومعه قوت يومه فكانما حيزت له الدنيا ))
حياتي احمدي ربج على نعمة الصحة بالبدن ونعمة البيت اللي حاضنج واللقمة اللي تاكلينها كل يوم
ما في انسان ما يواجه مشاكل
عسى الله يهديج ويصلح حالج​

 

[سماء الاحساء]

أختي الناس حالات وظروف والحمد لله على كل حال أبدا ام الدرر فعلا كلامك درر

 

[M!SS.LOBY]

أختي الناس حالات وظروف والحمد لله على كل حال أبدا ام الدرر فعلا كلامك درر

معاها حق بكل كلمة:eh_s(7):

 

[زهرة الياقوت85]

بعدج بداية الطريق ومستسلمه وليش بسبب ناس مايستاهلون اهم شي اهلج اختي والباقي لا تهتمي لهم لا كلامهم لا تصرفاتهم ولا اي شي وهذي حال الدنيا الحين عايشين بعالم قل فيه الصديق الحقيقي والناس الطيبين انت بس اعتمدي ع روحج وقولي انا ما احتاج احد غير ربي واهلي وخلاص وشنو المشكله بعد وهذي نصيحه من ترجعين من المدرسه انسي موضوع المدرسه وايش صار سويلج غير جو انسي الناس اللي فيها بس اعملي واجباتك وخلاص وتذكري يجي يوم حتركين المدرسه تروحين للجامعه وراها كمان تركيها وتتوظفين وتنسيهم المهم خلي الج هدف بالحياة وركزي ع هدفج وبس وكل ما حدا يجرحج فكري قولي انا عندي هدف لازم استمر وما اتاثر بكلامهم فكري بعقلج لا تخلين حدا ياثر عليج واذا تحسين بالوحده حاولي تقرين كتب او اقري قران صدقيني ترتاحين واهتمي بهواياتج افضل مما تفكرين ايش قال فلان وليش تصرف هيك عيشي حياتج بشكل طبيعي ولا تهتمي واسفه طولت

 

[غيروك يا زمن]

انتي بأول حياتج
ماشفتي شي بعدج !

 

[آهات و خواطر]

فيه مستشار أسري ونفسي بتويتر (( mostshark@ ))
كنت أعاني من مشاكل نفسية كادت تنهي حياتي بالطلاق وقالت لي صديجتي عنه وراسلته والحمد لله أنا الحين أموري زينة وهذا من فضل ربي وكلام صديجتي عنه لأنها هي من خبرتني عنه