اتمنى اتزوج واحد منصبه عال

[al3sooola]

اتمنى اتزوج واحد منصبه عالي
مثل :-
محامي
ضابط
دكتور
مدير
مسؤول
دبلومااسي
او اي منصب ثاني اتمنى
تكفى ادعولي الله يحقق امنيتي :yaaaaaarb::yaaaaaarb::yaaaaaarb:​

 

[є 3 τ и α q]

الله يرزقكك بَ اللي يقدرك ويعزك ..
ويحفظك ويستر عليك ..
ويحقق مبتغاك يَ رب .. ^^

 

[قلبي محمد]

الله يوفقج حبيبتي ويرزقج باللي تتمنينه
انا ما انكر ان كل وحده تتمنى تاخذلها واحد يكةن منصبه عالي
بس حطي في بالج ان الاهم من كل هذا ان تكون اخلاقه هي اللي عاليه
وشخصيته واسلوبه ويكون بينكم تكافؤ بالتفكير والمستوى الثقافي
حبيبتي كل يوم بالليل قبل لا تنامين تقري صفحة قرآن وادعي باللي تبينه وهم بصلاتج داايما وانتي ساجده ادعي باللي تبينه
والله يرزقج حبيبتي

 

[بنت النوخذا]

هههههههههههههه

محامي
مدير
دبلوماسي

ووويه وايد خربطتي هالادوار كلها مضاده

 

[حبي لله اشد]

الله يوفقج ويوفقني ويوفق الجميع يارب

 

[احساس دلع]

الله يرزقنا ويرزقك الزواج الصالح الي يسعدك ويحبك ويقدرك واتمني لك كل خييير .......

 

[3w!Shni]

ان شاء الله ربي يرزقج بالزوج الي تتمنين

وادعي يارب تكون اخلاقه حلوة و يحترمني و يصوني و يعيشني عيشه حلوة

لان المناصب ماتدل على الشخصية

ياما ناس مناصب وفلوس ومريشين بس اخلاق صفر مايتعاشرون

الله يقدملج الي فيه الخير خيتو ^^

 

[brettey]

نصيحه ادعي بالزوج الصالح
انا موظفه بالجامعه واعرف وايد دكاتره متزوجين وخربوطيين وكل واحد فيهم اجمل من الثاني
رفيجتي تمنت واحد جامعي وكانت كله تقول ابي واحد شهاده وماكانت تدعي بالاخلاق كل همها ان يكون شهاده ومقتدر وجميييل وفعلا ياها ملك جمال وشهاده ومقتدر ويسفرها ويوديها امريكا واروبا وماركات جناط وساعات وولادات بافخم الاجنحه بس جم مره تطيح عليخ يخونها ويتزوج عرفي ومسيار عليها وكل ماطاحت عليه يتهاوشون ويراضيها بسفره ولا ماركه وعلى هالمنوال ومره حاشها انهيار عصبي من القهر ولا تقدر تتطلق لان اهلها مو عزوه
وكل من حاسدها عليه كل من يقول لها يابختج

اول شي ادعي قولي يارب يكون زوج صالح باخلاقه ودينه وان يكون عنده شهاده

 

[أم توتو]

الله يرزقج باللي تتمنينه ويوفقج

 

[ReeM ^ Style]

مثل ما قالوا البنات
اهم شي الزوج الصالح
مو معناها مافي واحد عنده مناصب ويكون محترم بالعكس في
اهم شي ادعي بالزوج الصالح والاشياء الثاني اذكريها بالدعاء
والله يرزقج اللي تتمنين يارب

 

[mahawey]

حياااااااااااااااااااتي اهم شي ادعي حق نفسج انه الله يرزقكج برجل صالح واهم شئ الاخلاق فدديتج ربي يرزقكج ويرزقني ويرزق جميع بناااااااااات المسلمين بازواج الصالحين واهم شئ
الاخلاق ياربي عاجلااغيراجلاا

 

[Ameera*]

اهم شيء الخلق الله يرزقج بواحد اخلاق ومنصب عالي

 

[دلع العتبان]

ادعي بالزوج الصالح المقتدر حبيبتي وين تبين مسؤؤل ولا محامي والله يبلشونج ويتكبرون عليج ههههههههههههههاااي

الله يوفقج ​

 

[نهى الأحمد]

عسى ربي يرزقج بالزوج الصالح اللي يسعدج في حياتج ياقلبي


اهم شي يكون ولد حلال ويخاف الله

المنصب مارح يدوم

 

[طموحه بزياده]

@@@





واااااي حبيبتي حاسه فيج ان شاء الله يارب يرزقج بالزوج الصالح اللي له منصب ومثقف



صراحه انا نفسج بس الحمدلله على كل حال نصيبي كل عكس اللي ابيه تمام يا عسى ربي يجبر بخاطري



ما اوصيج توضي بالليل وصلي الشفع والوتر بالثلث الاخير من اللي واطلبي من ربج الرزاق ذو القوة المتين وانتي على ثقه ويقين ان على كل شي قدير

وطبعا الاولويه تدعين ان يكون زوج صالح ويصلي ويخاف الله




يا بنات ترا ماكو مشكله ان يوجد رجل صالح + يكون منصب

ليش جذي تتكلمون جنه مستحيل ههههههههه

موجودين بس مخشوشين :krkrkr:


يبيله انبش :ggdw:




@@@

 

[بنوتة كول]

انتي مثلي ههههههه
بس الاهم الاخلاق والدين والنسب المشرف والمنصب يكون شي ثانوي
بس بعد اتمنى اتزوج واحد منصب واخلاق ودين ونسب
يعني المنصب بروحه ما يكفي
الله يوفقج ويوفقني معاج

 

[الـــــغــــلا]

أهم شي الاخلاق وأن شاءالله ربي يرزقك بالزوج الصاالح للي تتتمنينه وجميع بنااات المسلمين

 

[حالة حنان]

الله يرزقج باللي تتمنينه ويحبج ويصونج بعد ويوفقج يارب

 

[انثى حلوه]

الله يرزقج حبيبتي

 

[زوجة عزيز]

ليس كل ما يتمناه المرء يدركه !!!