اتلنتس دبي ابداع لامثيل له وتجربه تستحق الزياره

[البلوره]

السلام عليكم ..

اخباركم زمان عن المنتدى ياحلوين بس حبيت ارجع لكم بموضوع حلو ولا احلى من دار زايد..

موجز عن رحلتي ل اتلنتس دبي ودبي بصفه عامه وان شاءالله تستفيدون من تجربتي ..

بداية الوصول اتجهنا الي اتلنتس دبي طبعا هو يقع في داخل جزيرة النخله عباره عن منتجع كامل منفرد

يعني مافي اسواق ولا مجمعات بالقرب منه لانه لحاله عباره عن سياحه :rerrerek: اول مادخلنا الفندق

حسنا بفخامة المكان جدا فخم ورائع ويضم نفق السمك الممتع ..

والمميز فيه القريه المائيه والشلال الثائر جدا رائع طبعا يوجد عوامات للاستمتاع بالقريه المائيه

ويوجد نوع مغلق من العوامات من اسفل علشان ترتاحين بالجلسه .. كما يوجد العديد من المطاعم

الرائعه ومطاعم الشوي الطازج امامك يكون الشوي وطعم رائع .. والقريه المائيه للاطفال جدا روعه

تنبسطين فيها انتي وطفلك جربتها وكانت اكثر من رائعه يروح اليوم ماتحسين فيه يعني منتجع

يستانس فيه الكبير قبل الصغير ..

ايضا هناك القوارب الصغيره للسباحه الشخصيه تجربه حلوه والسيارات الداخليه

للتنقل داخل القريه .. ويوجد بوتيك الدولفين يحتوي على كل ماتحتاجين له لاغراض السباحه انتي

وطفلك وعائلتك .. والي عجبني الاسلامك مايوه مع الحجاب تقريبا ب 400ريال لكن يستاهل

استمتعت فيه بالسباحه بالشلال الثائر وبالشاطئ لانه عباره عن بنطلون وبلوزه طويل اسفل الركبه

بشبر انا خذت مقاس اكس لارج علشان يكون واسع وقماشته قماش مايوه

..ايضا هناك عروض الدلافين والغوص معهم

لكن للاسف ماغصنا مع الدلافين الشخص الواحد ب 600ريال حتى الطفل:eh_s(1):

وهناك العديد من الكوفيات والمطاعم الفرنيسه والايطاليه الرائعه داخل الفندق ..

وملحوظه لاخواتي السعوديات او مرتديات العبائه والمحجبات اذا بتزورون هالفندق لاتنسين الكشخه:eh_s(7):

لان الاوربيات والروسيات هناااااااااااااااااااك توحفه اناقه وشياكه واخر حلاوه:eh_s(2)::ggdw:

فلاتهملين نفسك وماراح تصدقون انكم بدبي لان صراحه اصبحت شبه مستعمره اوربيه والله يابنات

ماشفنا عرب الا كم واحد لدرجة اني نسيت اني بدوله خليجيه حتن اذا شافوني بالعبايه اندهشوا

كن الديره موخليجه وكن هم اهلها :eh_s(4): حتى المولات من جد كله هنود واجانب واسيوين :eh_s(14):

نرجع لمحور حديثنا .. بالنسبه للكشخه طبعا الكشخه المحتشمه اقصد فيها تكونين ماخذه معك

بالطوات حلوه انيقه مع بناطيل وسيعه وهالايام هابين فيها موجوده ب سنتر بوينت وستي ماكس

او البلايز الوسيعه وحجابات ملونه فرايحيه لان هالفندق خاصه كله اجانب ف عادي لو كشختي

بدون العبايه بلبس محتشم حلو وبعد علشان ترتاحين بالحركه لانها كبيره القريه ..

وانصحكم الي بيروح شهر 6 عربي مره الجو حلو يعني زي هالشهر مافي رطوبه تذبح وتقدرين

تنبسطين على الشاطئ ,, وقت العشا تكشخين بلبس حلو وتنزلين كنك ملكه بعد يوم شاق من

المغامره المائيه :ggdw: لان بصراحه يابنات الاوربيات هناك طبعهم حلو وقت العشا عندهم شي سبيشل

تشوفينهم بعد السباحه والتشمس عالمغرب تفضى الدنيا والكل يروح يلبس ويكشخ وكشخة البنات

غير تشوفين الوحده كنها مسلسل مدبلج :eh_s(7): لابسات فساتين نعومه وكلاسيك وميك اب ناعم وريحة

عطوراتهم عالم اخر عطور فرنسيه تدوخ .. وعلى مائدة العشا ضي الشموع والهدوء والرقه

بالاكل .. بصراحه انا شبعت بس من مشاهدتهم :krkrkr:علشان كذا ركزت لكم على الاناقه وقت العشا ويكون معكم لبس ثاني غير العبايه يعني كنك رايحه لندن وممكن تحجزون فيه ليله فقط

ويكون لكم الثلايه المائيه مجانا تقريبا الليله ب 2000وشوي والله يستاهل في فنادق عندنا نفس

السعر ولا فعاليات ولاهم:eh_s(14): واذا مو حابين تنامون فيه تقدرون تحجزون تذاكر للدخول للقريه المائيه

او تذاكر للدلافين ولمشاهدة حوض السمك .. لان هناك بيدي جارد جدا حريصين عالزوار يسالون كل

شخص هل هو من نزلاء الفندق وكم رق غرفتك حنا ننزل معمنا بطاقة

الغرفه لان كل ماجيتو لنقطه يسالونك كم رقم غرفتك .. لان نزلاء الفندق مجانا لهم مشاهدة حوض

السمك والقريه المائيه ومشاهدة الدلافين .. والحمد لله كانت اقامه مميزه تمنيت لو طولنا فيها بس

اجازتنا اسبوع ف قلنا بنشوف المولات ..

وبعد مانتهينا من الاتلنتس مرينا مولات دبي .. الامارات مول ودبي مول المميز فيه نفق السمك

ونافورة دبي الراقصه تبدا من الساعه 6المغرب وتشتغل كل نص ساعه وابن بطوطه وسكنا بفندق

ابن بطوطه الي عجبني بالفندق انه مقابل ابن بطوطه تمام يعني بعد الفطور نروحله نتمشى

وعجبني بابن بطوطه كوشك للعود والبخور اسمه اربيان سويس عندهم دهن عود روعه اسمه ملكي

بس ريحته بارده وماتعور الراس وتنفع صوغه.. بعد في كوشك حلويات اسمه شوكو لاتي شريت

منه صوغه بعد وطعمه حلو وحلو سعره العلبه ب 50ريال يجيك شوكلاته مكشوفه داخل بوكس حلو

وبعدها زرنا الاوت ليت مركز الماركات المخفضه عجبني قاب كيدز حلوه اسعاره في حاجات ب

35ريال بس فساتين قطن للاطفال البنوتات .. وزرنا دراغون مارت سوق التنين كبير وحلو في ماركات

هاي كوالتي خاصه الشنط .. عندهم شنط تنفع للسفر ماركة جوسي كوتور روعه ونفس الاصل وب 100

وبجامات جوسي كوتور شتويه ب 100ريال بس طبعا هو كبير اسالي وين بجامات جوسي يعلمونك

باي قسم .. لان اقسام كثيره وكبير وبسيارات يوصلونك داخل المجمع .. بعد عندهم بلايز روعه

واغراض للبيت مفارش السرير الماركات بربري وغيره بس الي معه سياره احسن يعبيها ..

لان الحاجات الحلوه كثيره ..

اخر شي تعشينا بسفينه عالبحر كان الجو روعه وبوفيه العشا رائع طبعا ويصورنك صور

تذكاريه ويوجد على متن السفينه حنايه تنقش انبسطوا عليها الاجنبيات ومكتب الحجز للسفينه

ب فندق ابن بطوطه .. حسافه عندي صور بس ماعرفت انزلها .. وسلامتكم اتمنى تقريري البسيط والسريع فادكم ..

وان شاءالله تزولاون الاتلنتس وتستانسون ..:eh_s(7): والله يادار زايد كيف ماحلاها :eh_s(7):

 

[ليمونة وزيتونه]

اب اب

 

[miss_jamsheer]

واااااو يعطيج العافيه علي هالتقرير الحلو
انا انشالله بروح لها تاريخ٣ الشهر الياي مع ريلي وولدي عمره٣ سنين ونص

 

[Om_Ksha]

اسلوبج روعة بالتقرير والله يهنييج :>

 

[البلوره]

اهلين بنات نورتوا رحلتي

 

[Om A7lam]

مشكورة حبيبتي على التقرير بس ما عجبني شي واحد انج تدعين البنات يقطون العباية و يلبسون بدلة بدل ما تشجعينهم على الاحتشام بالسفر ( و لا تقولين بدلة محتشمة لان مافي بدلة مافيها زينة و كشخة و غير هذا البنطلون ما يصير تلبسه المحجبة في الاماكن العامة حتى لو فوقه بلوزة طويلة ) و لا تقولين عادي لان شرعا الحجاب مو كشخة وزينة الحجاب حشمة ممكن تكون الوحدة مرتبة بحشمتها بس بدون زينة و الوحدة تقدر تكشخ تحت عباتها و بالفندق مع زوجها و لا اهلها وفي الاماكن الخاصة اللي يأجرونها لهم بس بالأماكن العامة المفروض الوحدة تحافظ على حشمتها وحجابها و تحتسب الأجر : )

يعني تقدر الوحدة تلبس عباية سودا عملية و ملفع ناعم او ملفع و نقاب اذا منقبة لونهم فاتح سادة مثل الاوف وايت و لا البيج بدون زخرفة و جناط ماركة حلوة و عملية و خلاص تكون مرتبة و ملتزمة بحجابها و على فكرة ترى الحجاب و النقاب انتشر بالعالم و اذا سافرتي لازم تشوفين مسلمات و الناس تعودوا يشوفون المسلمات المحجبات و يعرفون الاسلام و تعاليمه فما له داعي تترك الوحدة حشمتها عشان ما تلفت النظر بالعكس برايي ان المحجبة بالسفر تشجع غير المحجبات على الحجاب و تدعي غير المسلمين للحجاب لأنهم بيسألون و يبحثون و يستفسرون عن الاسلام اذا شافوا التزام المسلمين .. و طبعا اقصد بالحجاب المحتشم مو قطعة تستر الشعر و خلاص

 

[كافيه نعناعه]

بارك الله فيج ،، أنا رايحه أتلانتس السنه اللي طافت وواايد استااااانسنا مع عيالي ،، واهم شي المايو الاسلامي ،، واستمعت بالسباحة واااايد وكان شهر ٦ متروووووس كويتيات وخليجيات بالمايو الاسلامي المحتشم ،،، والفندق رااااقي وفخم ،، وانصح اللي تروحلا لازم تسبح لانها راح تموووووت من الحر