اتفضليين بلد اوروبي فيه خليجيين والا مافيه؟وليش!

[UMSAROON]

كل وحدة اتقوول لنا شنو اتفضل المناطق اللي متكودين فيها الخليجيين مثل لندن وباريس(الشانزيليزيه)وغيرها والا الديره اللي مايروحون لها ولييش؟

 

[UMSAROON]

بالنسيه لي مااحب ارووح ديره اجنبيه وومتروسه خليجيين ابروحي منحاشه منهم لوول.. لالا بالعكس على عيني وراسي.
بس لو اتلاحظون اذا سافرتو مكان كله خليجيين بس قاعدين خزني واخزك وكل وحده اتطالع الثانيه اشلابسه وشمسويه ومقارنات مالها اول ولا تالي..
انا ابصراحه افضل الاماكن اللي ماهبو فيها...

 

[xtraCooL]

مكان مافيه مو بس خليجيين حتى عرب مافيه عشان اعيش جو المكان اللي انا رايحتله صح ... ولان مردي لهم ولا ليش اسافر اقعد بديرتي ولا اروح مصر ولا لبنان

 

[UMSAROON]

ايي والله صاجه يا extracool اثبتي صج انج كوووووول..

 

[ظلال القرآن]

احب يكون المكان فيه خليجين
ليش ما ادري احس بالامان عيالي يستانسون يصر لهم ربع
يعني العام ميونخ وزلمسي يكثرون فيها اهل الامارات فعيالي رافجو الاماراتين ويولج سوالفهم تونس نبا وما نبا وبشكاره وازقريها يا حلوهم
وبعدين ان منقبه ف صعب ادش ديره ما فيها عرب كلش يستغربوني الاجانب

 

[جكورة]

أحــــب الديرة اللي فيها خليجيـــين أحس بالأمان أكثـــر....

 

[noty]

يعطيييج العافيه حبيبتي على الموضوع

لالالالالالالالا مابي ولا خليجي ولا عربان

الاسباب
: ننحاش من الخز و الحش و الاستعراض و القيل والقال ,,,
وسبحان المناطق اللي مافيها عرب واايد ,, حتى المعاملة افضل .. لانه صج شافوا الويل من العرب و لويتهم .. مادري احس الدول اللي فيها عرب واايد انهرت و احس صارت مو شي
تبين حرية اكثر حتى بتصرفاتج لانه اذا في خليجيين كلشي محسوب علييج

الشانزلزيه و لندن ,, ما احس في فرق جني قاعدة بالكويت

وقولي لندن اهون ,,, اما الشانزلزيه امبييييه ماساه ... اصلا جربت اروح مرتين و حرمت لانه الوضع مستحيل ,, جتف بجتف و لوووووووووويه

شنو الوناسه بهالشي ,, فرجه و كل وااحد اطالع الثاني

 

[~ miss NERD ~]

مادري بس أحب يكون فيه خليجيين علشان ما أحس بالغربة لوووووول

 

[rawona]

رد

هلا ام سارونا ..

مواضيعج دايما كووول وحلوه :eh_s(15):

بالنسبه لي ما احب اسافر مكان فيه خليجيين وعرب احس بغلقه والله مو عن شي بس سوالف الخز والتطمش .. وهذي شلابسه والا شحاطه .. وماتاخذين راحتج والله اتحسين انج مراقبه بكل خطوه تمشينها ..

بعدين الواحد يروح يغير جو ويغير "وجوووه" لوووووول نبي نشوف اشكال غير علشان نحس ان احنا مسافرين .. وبس :eh_s(22):​

 

[UMSAROON]

يعطييكم الف عافيه يا ظلال القرآن وجكووره و basmo على المرووور والمشاركه ...

 

[UMSAROON]

noty انا معااااااج 100%
rawona بعد عمري انتي اللي كووول ,وانتي نفس تفكيري.

الناس يسافروون نقااااهه مو رقاابه..