اتعرفون شي عن الــ Bento ؟ حركات وأكلات غريبة ..حياكم معاي ..

[milkshake]

السلام عليكم ورحمة الله وبركاته
شلونكم بنات
يبتلكم اليوم موضوع يحتوي على معلومات روعة
نقدر نستفيد منها لأكلات الأطفال وحتى لأكلات احنا الكبار
خاصة للتقديم واذا عندج ضيوف ..
وصدقيني الكل راح يسألج من وين وشلون..

......
...
الـ BENTO الله يسلمكم هو عبارة يابانية معناها ترتيب أكلات الغداء في صناديق الغداء (هذي الصناديق اللي ياخذونها اعيالنا ويانا المدارس Lunch Boxes) بس طبعا اليابنيين ما يقتصرون ابهالشي بس على اليهال ..حتى الكبار لهم نصيب من علب أو صناديق الغداء علشان ايوفرون فلوس ..
وطبعا الكل قام يتفنن في هذا الشي وصار فن مشهور والكل يتنافس عليه..
وطبعا لهذا الفن أدوات زينة وأدوات طبخ معينة وطرق للتزيين ولتصفيف الطعام وراح اشرح هذا كله بالتفصيل ...
وفوق هذا سويت كم طريقة من اللي راح انقلها لكم في البيت والكل انهبل عليها حتى زوجي ...بس طبعا ماحطيت الأكل في صناديق او علب الغدا لاء ..يا اني اصفهم في صينية فرن او في صحن عادي..
وعلى فكرة الــ BENTO مب لازم يكون اكلات يابانية..لاء ..تقدرين اتنوعين وتشكلين على كيفج...


تابعو معاي ...​

 

[milkshake]

هذي صور علب أو صناديق الغداء اللي تكلمت لكم عنها .. بس طبعا واهي فاضية وفي منها اشكال وألوان وايد .. لا تستعيلون راح اراويكم صورها واهي مليانة..




وهذي صور بعض الــ BENTO











وراح اشرح لكم بعدين شلون انسوي بعض الأشكال اللي شفناها

بس الأول خلوني اعلمكم على الأدوات المستخدمة في الــ BENTO


تابعو معاي​

 

[شيهانه]

وااايد حلو البنتو بامريكا اللحين يستخدمونه للصغار وحتى الكبار حق غدااهم .. ناطريين

 

[milkshake]

من الادوات المستخدمة..أدات تزيين البيض او يسمونها egg molds
ايبيعون منها على الانرتنت بس انا لقيت منها في مخلات دايسو – البحرين واتوقع تلاقون هالشغلات في محلات مشابهة (المحلات اللي تبيع شغلات يابانية) وهذي صورته












الطريقة ..
طبعا حاولي تختارين حجم بيضة مناسب ..سواء صغير متوسط او كبير ..
اسلقي البيض ..والطريقة المثالية للسلق هي كالتالي..
ضعي البيض في ماء فاتر..وضعيه على النار واتركيه حتى يبدأ الماء بالغليان..
ثم ارفعي القدر وضعي تحته الرساية (ماعرف شنو اتسمونها بس اهي قطعة الحديد اللي يحطونها احيانا تحت القدر) واتركيه لمدة 10 دقائق تقريبا..
وخلال عملية الغليان حركي البيضة بواسطة ملعقة في جميع الاتجاهات وذلك حتى يصبح صفار البيض في المنتصف تماماً..
وعندما ينضج البيض ..ضعيه في ماء بارد حتى يسهل تقشيره..
وبعد ان يتم تقشيره ضعيه في ماء ساخن قليلا حتى يسهل تشكيله ..
واخرجي البيض من الماء وبللي هذه الآلة بقليل من الماء كما هو موضح في الصورة أعلاه..
وضعي البيضة داخله بالطريقة المناسبة..
واغلقيه باحكام..ثم ضعيه في ماء بارد لمدة 10 دقائق تقريبا..


طبعا يمكن خلال هذي العملية يطلع اشوي من البياض ابهذي الطريقة بس تقدرين اتعدلينه بالسكين..



وتقدرين بعد اتوسن البيض املون مثل الصورة وذلك انج تحطين صبغ الكيك في الماء الساخن اللي اتحطين فيه البيض قبل وضعه في هذه الآلة




تابعو معاي ...​

 

[milkshake]

هذي بعد بعض الادوات المستخدمة واللي شفت منها في محلات دايسو مثل ما قلت واعرف ان هالمحلات في البحرين بس ماعندي فكرة اذا في دول ثانية موجود سامحوني



هذي يمكن استخدامها كشوك للأطفال أو يغرس في حبات طماطم او غيرها وراح اوريكم أمثلة بعدين




هذي الــ Egg molds واللي شفناها من قبل بس بأشكال مختلفة



هذي علب يمكن تعبينهم بأي شي(آيسكريم اذا بتقدمينه في البيت او بطاطس مهروسة وبوريكم امثلة بعدين) والموزة الصغيرة ترا تتعبا بأي نوع سوس ..شكله يشوق وترا حجمه وايد اصغير



هذي مثل البارتشن اللي يقسم علبة الغدا الى اقسام عشان مثلا في جانب اتحطين التوست وفي جانب البيض وغيره..وهذي على شكل اعشاب وهناك اشكال وايد..وطبعا انتي ومخيلتج اشلون تقدرين تستخدمين هالشي في البيت ولتقديمات الضيوف وبوريكم امثلة بعدين




1. هذي تستخدم للتقطيع (تقطيع السندويشات أو العجين وغيره) وممكن تتعبا أكل (جلي وفواكه مثلا وبراويكم أمثلة بعدين)
2. هذي تنغرس في حبات الطماطم او الجبن المكعبات او أي نوع فاكهة وبراويكم أمثلة بعدين
3. هذي اشكال ثانية من العصارات اللي تتعبا أي نوع سوس (صلصة) وشكلها وايد كيوت
4. زينة للأكل
5. أداة تستخدم لتشكيل الأرز الياباني او الكعك او غيرها بالشكل اللي مرسوم فوقها
6. نفس رقم 5 أعلاه




1. هذي يستخدم لتشكيل الأرز الياباني أو للتقطيع
2. هذي للزينة تغرسينها في حبات الخيار او الطماطم او التفاح المقطع وغيرها وممكن الشخص اللي يبي ياكل بدل ماياخ بيده ياكل من الشوكة
3. تتعبا عصير او ماي
4. اعلام للزينة وهناك اشكال كثيرة
5. اشواك للزينة وتأتي بأشكال مختلفة
6. نفس رقم 5 أعلاه
وراح احط لكم صور وأمثلة لاحقاً

تابعو معاي​

 

[milkshake]

والحين باراويكم أمثلة على الــ BENTO وباشرح لكم المكونات بعض طرق الاعداد الرائعة ماله داعي اكرر ان هذي الافكار تقدرين اتغيرين منها وتستخدمينها لمائدة رمضان وللضيوف وغيرها




1. هذي من العلب اللي شفناها قبل وهالمرة امعبية بكاتشب
2. سوسج على شكل اخطبوط وراح اوريكم اشلون انسويه



طبعا تختارين نوع السوسج اللي تحبينه وتخلينه لين مايذوب عنه الثلج تماما وتقومين بتقطيعه بالسكين كما في الصورة وحاولي اتسوين الأرجل متساوية



طبعا في أدوات تنباع اتسوي الاخطبوط بدون تعب السكين بس انا شفتهم بس على الانترنت ومالقيت في السوق بس انا اشوف انه ماله داعي انخسر افلوسنا السكين اتمشي الحال وهذي صورة للأدوات اللي تنباع



انزين وبعد ما تقطعين السوسج مثل ماخبرتج قبل عندج خيرين..يا انج اتفوحين السوسج في قدر ملئ بالماء أو انج تقلينه في زيت غزير طبعا وكلا الطريقتين حلوة



وتقدرين اتزينين السوسج وتسوين له عيون وفم مثل الصورة واهني مستخدمين الحبة السودة ولاصقينها على السوسج بشوية بياض بيض وانتي ومخيلتج طبعا




تابعو معاي ..

 

[milkshake]

طريقة اعداد عباد الشمس بالسوسج والبيض ..شكله ايجننننننننن












طبعا يفضل استخدام البيض الصغار (سامحوني ماعرف لأي طير) بس اللي كلش صغار كأنهم لعبة ويبيعونهم في باكيتات في السوبرماكرت واسمها بالانجليزي Quail egg
وتجيبين سوسج بعد ما يذوب عنه الثلج وتقطعينه مثل الصور الموضحة
وبعدين تثنينه بالطريقة الموضحة وتشبكينه بعود لتنظيف الاسنان
وتحطينه على النار وتكسرين البيضة في النصف
وتحطين البهارات اللي تبينها
وبعد ما يجهز طبعا تشيلين العود وتقدمينه
يمممممممممم


تابعو معاي​

 

[milkshake]

هذي صور للبنتو وتقدرن اتشوفون اشلون امقطعين الخضروات على اشكال حلوة وحتى الاطباق الرئيسية على شكل نجمة وغيره

وهذي طريقة حلوة للتزيين تقدرين تستوحين منها أفكار وايد



هذا سندويش رائع للأطفال أو للكبار والضيوف وممكن تستوحين منه أفكار وايد
طبعا التزيين اللي فوق ملصوق على السندويش باستخدام جبنة سائلة
ومكونات السندويش حسب الرغبة
وشوفو الطبق الثاني شحلو
شفتو اللي على شكل بالون؟
هذا عود ومغروس في حبة طماطم..روعة صح؟؟
واهني اشكال ثانية للأعواد..شوفو العود اللي كأنه عظم..ممكن تغرسينه في قطهة دجاج مثل الصورة




تابعو معاي​

 

[milkshake]

السباغيتي المجمدة (أحسها حلوة حق رمضان وبسوي منها اليوم وباحطها في الفريزر) شوفو شكلها شلون كيوت وينفع لحالات الزيارات المفاجأة والضيوف اللي يجون بدون مواعيد






طبعا اتحطين السباغيتي في Foil نفس اللي في الصورة وتحطين فوقه رشة ملح وبقدونس وتحطينيه في علبة محكمة الاغلاق وحطيف في الفريزر وتقدرين تخرجينه وقت ما تحبين..وتقدرين اتقدمين يمه صللة طماطم او غيرها داخل العصارات اللي شكلها حلو واللي حطيتلكم اشكالها سابقاً..



تابعو معاي​

 

[milkshake]

طريقة اعداد الــ Onigiri وهي كرات الأرز المشوية وهي أكلة يابانية لذيذة تقدرين اتقدمينها للضيوف كنوع من انواع الفناتق الرمضانية



هذه هي نوعية الأرز (العيش) اللي يستخدمونه اليابانيين وتقدرين اتشوفين اشلون يختلف عن العيش العادي اللي احنا ناكله لأن شكله مدور تقدريبا..وينباع في الاسواق على أنه ارز يستخدم في اعداد السوشي والأونيجيري




تقومون بفوح الأرز بالطريقة العادية ولما يجهز اتشكلينه حسب ما تحبين سواء بالقطاعة أو بيدج على راحتج..
بس فس الحالتين لازم يدج ايكون فيها اشويت ملح..
وبعدين تقدرين تشوينه على شواية الفحم او على طابق اللي ما يلزق مع مسحة من زيت نباتي ..
طبعا لما يستوي جانب تقلبينه بحذر حتى يستوي الجانب الآخر ..وتدهنين الجانبين بصلصة السويا ..
وهذي صورة توضيحية..



طبعا تقدرين اتحطين كرات العيش هذي في الفريزر ووقت الحاجة اتطلعينه واتحطينه في المايكرويف .. بس لازم اتلفين كل قطعة لحالها بعدين الكل في كيس بلاستيكي ..وطبعا تقدرين اتخزنينها مشوية أو نية..شوفي الصورة



تابعوني لطريقة ثانية من الأونيجيري ..

تابعو معاي​

 

[أم وجيه]

آنا مو بس متبعة الا متشوقه وبطبع كل وبحفظة عندي قربت المدارس وأبي شي يجذب ولدي حق الأكل

تسلميييييييييييييييييييييييييييين موضوع روووعه رووووعه

 

[زيـنـه]

الموضوع رووووووعه

 

[& دانتيلا &]

من زمان ما قريت موضوع حلو ، تصدقين لLunch Boxes ما استغنى عنه حق المدرسه بس عمرى ما فكرت انى احط الاكل بهالطريقة فيه كنت شايفه صور ريوق طلبه اليابان ومتخيله السالفة صعبه بس والله مع شرحج سهله ما يبيلها شى ان شاء الله بسويها لعيالى مع بدايه الدوام ويييييييييييييييييه بيهيصون

تسلمين ما قصرتى ومتابعتج باهتمام

 

[ولــه]

تسلمين شي يفتح النفس

 

[milkshake]

طريقة أخرى لإعداد الأونيجيري ..وطبعا تقدرين تحتفظين فيها في الفريزر ولما اتطلعينها سخنيها في الميكرويف وقدميها ..واذا كنتي بتخلينها لعيالج في شناط الغدا هم تقدرين اتطلعينها وتشيلين عنها البلاستك وبجذي اتكونين وفرتي وقت لان الصبح معروف محد له خلق .. وصدقوني طعمها لذييييييييذ .. وانا متأكدة وايد بنت ايحبون الأكل الياباني ..



اول شي جيبي ملة أو إناء مثل اللي في الصورة وحطي في داخله بلاستك



بللي البلاستتك بالماء ثم رشي قليلا من الملح في الاناء على جميع الجوانب



بعدين حطب كمية وافرة من الأرز



سوي حفرة في النصف بواسطة صبعج



حطي الحشوة اللي تحبينها مو شرط حشوة يابانية..بس تقدرين تستخدمين البهارات والصلصات اليابانية لأنها حلوة..يعني مثلا انا حشيتها سوسج مقطع اصغار مع صلصة السويا سوس مع شويت بصل وثوم..طبعا حمستهم مع بعض امقطعين اصغااااار ..وطلع الطعم يممممممممممم



غطي الحشوة بشوية أرز وضغطي اشوي بأصابعج




سيلي الحشوة بالبلاستك



سكري البلاستك عدل




وابتدي شكلي حسب ما تحبين


تابعو معاي​

 

[milkshake]

وااايد حلو البنتو بامريكا اللحين يستخدمونه للصغار وحتى الكبار حق غدااهم .. ناطريين

 

[milkshake]

آنا مو بس متبعة الا متشوقه وبطبع كل وبحفظة عندي قربت المدارس وأبي شي يجذب ولدي حق الأكل

تسلميييييييييييييييييييييييييييين موضوع روووعه رووووعه

مشكورة اختي لمتابعتج..واوعدج احط اشيا احلا..

 

[milkshake]

الموضوع رووووووعه

 

[milkshake]

من زمان ما قريت موضوع حلو ، تصدقين لLunch Boxes ما استغنى عنه حق المدرسه بس عمرى ما فكرت انى احط الاكل بهالطريقة فيه كنت شايفه صور ريوق طلبه اليابان ومتخيله السالفة صعبه بس والله مع شرحج سهله ما يبيلها شى ان شاء الله بسويها لعيالى مع بدايه الدوام ويييييييييييييييييه بيهيصون

تسلمين ما قصرتى ومتابعتج باهتمام

ياهلا فيج اختي .. وانا انشالله راح اشرح بعدين اشلون تملين علب الغدا هذي وشلون تملين الفراغات...

 

[milkshake]

شوفو في هالصورة اشلون امرتبين الأكل .. وشوفو حركة الذرة كيف المقطعة وكيف امسويين لها عيون وحلج..اكسرت خاطري بنتي ..ماحط لها اشيا حلوة جذي للروضة..لكن انشالله مع بداية المدارس راح اطبق هذا كله ..وشوفو البارتشن اللي كلمتكم عنه قبل ..شوفو كيف امخليينه تحت وباين كأنع عشب ..روعة




وشوفو اهني اشلون الاعواد اللي حطيت لكم صورها قبل اشلون مشكوكين بحبات عنب لي الآخر ..فكرة روعة للضيوف وللأطفال..



تابعو معاي ..