اتطلق ولا اتحمل الاهانه عشان عيالي تكفون شسوي مليت وتعبت

[جهراويه قمر]

جزاكم الله خير يابنات والله كلامكم ريح قلبي شوي المشكله مرات اقول بتطلق ومرات اخاف من هالشي اخاف بعدين صج يتبهدلون عيالي معاي وخاصة حريم الاخوان مايرحمون يتحملوني يوم يومين بس بعدين مايندرى شيسوون ياربي والله ما ادري شسوي واخاف اقول لاخواني تصير كبيره وبعدها صج اتحسف بنات احس نفسي ضايعه والله ادعولي تكفون وودي اروح اخذ تقرير طبي بس خايفه

 

[Hello_kitty]

حبيبتي ليش تخااااااااافين؟؟شفتي خوفج واستسلامج هذا الشي اللي يخليه يستقوي ويتمادي عليج

لازم توقففينه عند حدا وتدخلين اهلج اهم عزوتج وسندج لازم يشيلونج ويوقفون معاج بهاليووووووم

وشنو خايفه تصير كبيره؟؟شنو اكبر من اهانتج وطقج كل بوووم؟؟ما تخافين على نفسج باجر يسوي فيج عاهه والا اعاقه

ماراح يفيدج سكوتج عنه

روحي حق اخوانج ودخليهم بالموضوع وضروري تكتبين تقرير طبي واحسلج تستشيرين محام اومحاميه فاهمه بالموضوووووووع

 

[Wi-Mi]

الله يهديه و يسخره لج يا رب .. بس عشان تضمنين حقج روحي اخذي تقرير من المستشفى و خليه عندج "خشيييييييييييييييه" لا يشوفه و اذا ما تسنع المحاكم و التقارير بأذن الله تكون بصفج

بس المشكله امج و ابوج مو موجودين ..
اخوانج قوليلهم .. خلي احد يوقف بوجهه .. لازم احد يتكلم معاه

 

[Wi-Mi]

عسلا الله يفرج كربتج

 

[انثى استثناء]

و الله الي يشوف مصايب العالم تهون عليه مصيبته
الحين ما عندي يهال و اتمنى الله يكمل حياتي انا و زوجي بياهل يملي علينا الدنيا
و انت محتارة بعيالج تبين تتطلقين و عيالج حادينج و الله دنيا ,,,
شوفي انت عندج نارين نار اهلج ونارة اهو , و الي انت فيه محد قعد يحس فيه غيرج انت عندج القوة تشتكين عليه
روحي للجمعيات النسائيه اكيد تلقين عندهم حل
و الله ما الج غير ربج ب النهايه ادعيله ب الهدايه يارب الله يهدي لج و تنسعدون بحياتكم ان و عيالج

طيب قعدي معاه قعدة صفا و اتفقوا ان محد يجيب سيرة اهل الثاني اذا اهو هذا الشي يعكر حياتكم
قولي له علشان اعيالنا

وربي يوفقج

 

[ام شووووق]

رد : اتطلق ولا اتحمل الاهانه عشان عيالي تكفون شسوي مليت وتعبت

الله يأجرج بمصيبتج

 

[فاطمةhz]

حبيبتي لا تنسين الدعا وانتي حاولي انج ماتطفرينه يعني اذا قلتي له ليش ما تحب اهلي راح يحبهم اكيد لا راح يطفر زياده
حاولي انج ماتوصلينه لي درجه الطق ... وترى العرج دساس تلقينه طالع على امه يمشي ويطق
انتي الحمدلله طلعتي بروحج والريال مايقعد بالبيت وايد
صبح دوام و العصر نايم واذا رجع عاد مسكي نفسج وسويله عشا اللي يحبه وادعي بقلبج ان الله يهديه
لين ينام
ولا تكونين كئيبه حاولي تتفرفشين حق نفسج الهي بعيالج وسوالف مع وحده ترتاحين لها ولا تجيبين طاري اهلج
شتسوين بعد اذا تطلقتي وين تروحين على الاقل انتي ببيتج منذله بس عند الناس عزيزه
احسن من مذلتج يم الناس وتسكنين ببيوتهم مكسوره خاطر اذا احترموج لان كاسره خاطرهم وهم ماراح ترتاحين واذا اهانوج ماتقدرين حتى تكلمينهم ببيتهم
قال رسول الله صلي الله عليه واله وسلم
خير النساء العزيزه مع اهلها الذليله مع زوجها
تحملي ياقلبي انتي الحين معصبه وزعلانه اهدي والله يفرج همج وترى دعاء المظلوم مستجاب يعني اذا مد ايده بنفس الوقت قولي ياالله احمني بحماك لاتنسين ربج
وعشان عيالج

 

[فاطمةhz]

حبيبتي لا تنسين الدعا وانتي حاولي انج ماتطفرينه يعني اذا قلتي له ليش ما تحب اهلي راح يحبهم اكيد لا راح يطفر زياده
حاولي انج ماتوصلينه لي درجه الطق ... وترى العرج دساس تلقينه طالع على امه يمشي ويطق
انتي الحمدلله طلعتي بروحج والريال مايقعد بالبيت وايد
صبح دوام و العصر نايم واذا رجع عاد مسكي نفسج وسويله عشا اللي يحبه وادعي بقلبج ان الله يهديه
لين ينام
ولا تكونين كئيبه حاولي تتفرفشين حق نفسج الهي بعيالج وسوالف مع وحده ترتاحين لها ولا تجيبين طاري اهلج
شتسوين بعد اذا تطلقتي وين تروحين على الاقل انتي ببيتج منذله بس عند الناس عزيزه
احسن من مذلتج يم الناس وتسكنين ببيوتهم مكسوره خاطر اذا احترموج لان كاسره خاطرهم وهم ماراح ترتاحين واذا اهانوج
ماتقدرين حتى تكلمينهم ببيتهم
قال رسول الله صلي الله عليه واله وسلم
خير النساء العزيزه مع اهلها الذليله مع زوجها
تحملي ياقلبي انتي الحين معصبه وزعلانه اهدي والله يفرج همج وترى دعاء المظلوم مستجاب يعني اذا مد ايده بنفس الوقت قولي ياالله احمني بحماك لاتنسين ربج
وعشان عيالج

 

[i'am THE ONE]

رد : اتطلق ولا اتحمل الاهانه عشان عيالي تكفون شسوي مليت وتعبت

اغلب المشاكل بين الزوجين لما يتكلمون عن الاهل \

اذا جاب طاريهم و استفزك اسلم لك انك تسوين نفسك ما سمعتي و ريحي نفسك

و انتي بعد لا تراددينه و اشتري راحتك

 

[بالمشمش]

رد : اتطلق ولا اتحمل الاهانه عشان عيالي تكفون شسوي مليت وتعبت

الصبر ثم الصبر ثم الصبر والله يا اختي اعرف وحده عندها 5 من العيال والله ان زوجها كرمك الله يشرب ويطقها والله المسكينه تنحاش من بيتها وتجي بيتنا لانهم جيرانا والحمد لله صبرت وربت عيالها وتعدل زوجها وصار ادمي ويقول لها ما انسى وقفتك معاي

 

[ضماي هو وهناي]

من قالج ياخذهم ومن قالج ياخذهم عن طريق السفاره ......... وين قاعدين ....؟؟؟؟؟؟؟؟؟؟؟؟؟
من قص عليه ومن قص عليج بهالكلام ...............................
اولا احب اطمنج ................ العيال للام ولا قوة بالدنيا تحرمج منهم القانون والشرع معاج دامج على قد المسئوليه ...
صح انا بديت لج بهالامر لانه تنبط جبدي من الحريم اللي يجعلون حقوقهم بديرتهم وبشريعه دينهم ... سواء بالغالشنو هيه الكويت والا بالحبيبه السعوديه ..... لا يااختي ............. والف لا تقدرين تاخذين عيالج وتسجنينه بعد لانه يعتدي عليج بالطق بالعصا والاهانه ....شنو عقليته ريلج هذا ........
بس انا اشوف ومن كلامج اللي قريته عدل ...........
ريلج يحبج ومتمسك فيج وحاط حجته عياله ............ حياتي الريال لوو ما يبيج بيبيعج ويبيع عياله ولا يهمه ...........بس هو ماسكج من ايدج اللي تعورج .....
شحاده يطلعج ببيت بروحج ..... وشحاده يجابلج اصلا ..............
هو متوتر وانت ماتعرفين له ..... للاسف يبتي منه طفلين وللحين ما تعرفين مفاتيحه ............
ريلج قبل لا تطلعين بالبيت بروحج طيب ولا يطق ولا شي طيب ,,, شنو غيره .....................
اسمحيلي لفي حولين نفسج وشوفي شنو السبب ............ وانت بعد تحبينه والا كان بعتي الدنيا .....................
اطمنج من ناحيه عيالج لو خلاص تسكرت بوجهج
بس لا بعدها مفتوحه وريلج جبلاج ولفي ودوري وغيري اسلوبج انت تناجرينه وتحدينه على شي اسمحيلي ...... الطق والاهانه ......
وبعدين ... امج ابوج الله يرحمهم نعم بس يعني شنو لو كانو موجودين ؟؟؟؟؟؟؟؟؟؟؟شبيسوون اذا اخوانج شباب ما عانوج امج وابوج بيعينونج ؟؟؟؟؟؟؟؟؟؟؟؟
اختي مشكلتج انج تتخانقين مع ريلج عشان اهلج .... اشفيهم اهلج ان شالله مافيهم الا الخير كله بس طوفي ترا محد بيعاني كثرج ولا احد بيحس بالمعاناه غيرج ......... غيري موضوع الاهل لو فتحه وهو مع الوقت بيتجنب طاريهم وحتى اهله انسيهم ولا تفتحين معاه موضوع يخصهم الا بالخير وان غثوج لا توصلين غثاهم له شوفي انت شكثر تحبين اهلج وتدافعين عنهم بلسانج اللي لا حول له ولا قوه وهو لسانه وايده وعصاه بعد ............. لا ياقلبي عزي نفسج تلقينها وعزي اهلج بتجنبهم بالمواضيع كلش كلش كلش ......لج وصلهم واللي بين ريلج وبينهم مالكم شغل فيه ببيتكم ............. نصيحه ريلج هو جنتج ونارج ..... اصلحيه وضحي الحين وبتشوفين اللي تغير مساره ومجراه بيرد مع الايام ودايم توكلي على الله لا الله هو البادي وهو اللي بيردلج كرامتج وعزج ........
ان شالله نقرالج احلا من هالموضوع ............ يارب يسخره لج .......... تحملي ترا والله والله والله نار الريل ولا جنه بيت حريم الاخوان لو كانو زينين معاج ............................ صدقيني ..................
وبكل صلاه ادعي ان ربي يسخره لج ويحنن قلبه عليج والا امه واخته وي ...... هذيل ماعليج منهم ومن غيرتهم الي ماتخلص لو عيونج ركبتيها لهم .......... على قولتنا احنا العرب مابهم طب من زمااااااااااااااااااااااااااان مقيوله لو الخاله تحب الجنه جان ابليس دخل الجنه ,.... والا شتقولون بنات ؟؟؟؟؟؟
ادعو لها تكفون تستاهل مبين قلبج محروق عسى ربي يسخر لج قلب ريلج ويرد كيد من راد لج بالشينه في نحره اللهم امييين

 

[~LiBrA~]

رد : اتطلق ولا اتحمل الاهانه عشان عيالي تكفون شسوي مليت وتعبت

لا حول ولا قوة الا بالله العلي العظيم

الله يفرج همج وهم كل مكروووب يااارب


مادري شقولج

ان قلت قعدي راح تتأذين مع زوجج

واذا قلت تطلقي خايفه من اخوانج


مادري بس شوفي شنو ارحم واحسن لج واخف من الثاني

عذاب زوجج واهله ولا اخوانج

وترا مهما يكون ترا هذولا اخوانج وعزوتج وانشالله ماراح يقصرون معاج

 

[~LiBrA~]

رد : اتطلق ولا اتحمل الاهانه عشان عيالي تكفون شسوي مليت وتعبت

لا تخافين

خلي قلبج قوي

وهذي حقوقج

الله مايرضى بالطق والاهانه

حسبي الله عليهم اهله شلون يمدون ايدهم عليج يعل ايدهم الكسر انشالله

هذولا تهجمو عليج والله لو مشتكيه عليهم تودينهم بستين داهيه بس ليش الخوف مادري

بس انتي حبيبتي اذا تطلقتي تقعدين في بيت اهلج الي اهو مال امج وابوج ولا بيت اخوانج؟؟؟

 

[LADY~O$CAR]

سجلي تقرير طبي وخشيه عندج احتياط للزمن تحتاجينه بعدين اطلعين انه غير صالح للحضانه لانه اعتدى عليج بالضرب

واصبري وطنشي لو تقعدين بغرفه واهو بغرفه بس افتكي منه

والله يعينج

 

[رووووفان]

شوفي حبيبتي نصيحه من أخت لي أخته

تحملي عشان عيالج لاتشتتينهم ولابكرا تصير عندهم مرت أبو

وبعدين الزمي الاستغفار والبقرة وصدقين لهم تأثير حييييل وادعي بثلث الليل الأخير

 

[جمالي ايطالي]

مالج الا ربج هو الي بيفرج همج

 

[KOKO_284I]

رد : اتطلق ولا اتحمل الاهانه عشان عيالي تكفون شسوي مليت وتعبت

الله يعينج ويهون عليج حبيبتي

تبين نصيحتي اتعلمي فنالكوت عشان تشترين راحه بالج حبيبتي

 

[خدود بنات]

الله يعينج ياعمري
كثري الاستغفار والدعاء ربج قادر انه يغيره
وانتي عبدته ضعيفه وهو القوي القادر ع كل شي لاتايسين
ياقلبي ربي يفرجها عليج ويعوضج بعيالج

 

[*ريما*]

رد : اتطلق ولا اتحمل الاهانه عشان عيالي تكفون شسوي مليت وتعبت

الله يفرجها عليك

 

[Tom ♥ Jerry]

رد : اتطلق ولا اتحمل الاهانه عشان عيالي تكفون شسوي مليت وتعبت

.




لا حول و لا قوة الا بالله العلي العظيمـ :/ !
شلون يدخلون عليج و يطقونج عشان خدآمه و الله عيب عليهم
وين قاعدين آحنآ وين بيروحون من ربهمـ بآجر هالخآله بتشوف كل هاذا في بنتهآ
حسبي الله و نعم الوكيل فيهمـ :/ !


حياتي .. أول شي عليج بالدعاء .. بعدين حآولي و حآولي و حآولي تغيرين ريلج
عرفي شخصيته و تقربي منه بالاشياء الي يحبهمـ و خلج بعيده عن الاشياء الي مآ يحبهمـ ..
اذا كآن عصبي لا تخلينه يعصب و يسبج و يسب آهلج
على طول عرفي شلون تمتصين الغضب منه .. و تخلينه يهدى ..
لا تقعدين معآه اذا عصب قوليله كلا أن شاء الله و الي تبيه يصير .. !
خلج على طول عن ويهه على طول جآهزتله ..
دآم طلعتي الحين بروحج يعني آخذي رآحتج في بيتج ..
لمآ تسوين الغدآ .. نومي اليهال و كشخي و قعدي .. خليه يحس آنج بس تبين رضاه
ترا الريال مثل الياهل كلمه تخليه يعصب و كلمه تخليه يموت فيج !
لا تقولين مستحيل دآم آمه وراه .. و الله لو يحبج مآ يرضا آحد يتكلم فيج أو يمس صبع وآحد منج
حتى لو آمج .. يوقفهمـ عند حدهم صدقيني .!
بس آنتي تغيري شوفي شنو عيوبج الي آغلب الآوقات تسويلكمـ مشآكل ..
اذا كآن البيت في يهال آغلب المرات يكون مزعج ..
آنتي حآولي تخلينه هآدئ الريال لمآ يرد من الدوآم يحب يرتاح ساعه ساعتين بدون آزعآج .. :*
غيري نفسج و غيري كل شي فيج و كل عيب حوليه حق ميزه .. !
و مع الدعاء صدقيني يتغير ريلج (=


الله يهديه يارب :*